उत्सवाची शिळा| आली डोक्यावर| दगडांचा भार| माथी बसे|| कुणाला गणेश| कुणा अर्धनर| शापित संकर| प्राणिमात्रे || ऐकोनी भीषण| तत्त्वांचे चिंतन| बावळट ध्यान| माझे दिसे|| वेद शास्त्र चर्चा| पुराणांची गाथा| समजो न येता| खोटे कसे|| नको ऐकणे ते| [अर्ध] हळकुंडांचे सार| नसता अधिकार| बुद्धिभेद|| उत्तम गवई| राग साधे जरी| रोग साधे तरी| वैद्यराज|| ज्याचा अधिकार| त्यास त्याचा भार| श्रद्धेचा आचार| सांभाळावा|| दुधातून दही| दह्यातून लोणी| घुसळावी गोणी| अंती सार || तुझातच आहे | ब्रह्मतत्त्व जरी| साधनेची रवी| फिरवावी|| संत सांगताती| शास्त्रांची उकल| सद्विचारे बल| वृत्ती साधे|| ऐकावे वाचावे| मनी आचरावे| मन आवरावे| नाम घेता|| कायावाचामने| रुजो सद्विचार| तैसाची आचार| असो द्यावा|| अजाण बालक| प्रार्थितसे भावे| करवोनी घ्यावे| गणराया||

---

प्रचि श्रेयनिर्देश: आंतरजालावरून साभार, प्रताधिकारमुक्त.