मिपावर धार्मीक भेदभाव आणि लिंगभेद दिसून येतो का?

योग्य वाटणारा पर्यायच नाही. >>धार्मिक भेदभाव दिसून येतो का? नाही. मिपावर 'मुस्लिम बॅशिंग' असलेले लिखाण खूप असते. पण ते धार्मिक भेदभावातून आलेले नसते. ते मनातल्या स्टिरिओटाईपची प्रतिक्रिया असते. म्हणजे तसे लिखाण करणारा एकही सदस्य प्रत्यक्ष व्यवहारात तसे मनात धरून वागणार नाही असे वाटते. लैंगिक भेदभाव तर लिखाणातही कधी दिसत नाही.

दुर्दैवाने यात 'इतर' असा कौलात सहसा आढळून येणारा पर्याय नाही. मी वरील कोणत्याही विकल्पांना स्पर्श करीत नसून मला फक्त धाग्यातील विषयाशी नाते जोडायची कामना असते. प्रतिसादासाठी प्रतिसाद हा इथला धर्म नसून विचारातील सखोलता, समाजजीवनाशी त्याची असलेली बांधिलकी यास प्राधान्य द्यावे असे म्हणतो. साहित्य, कुटुंब आणि सांस्कृतिक संपन्नता दर्शविणारे विपुल लेखन सातत्याने येत असताना त्या प्रवाहाची गंगोत्री कुठली हे शोधण्याचा प्रयत्न करणे अपरिपक्वतेचे लक्षण आहे. डॉ.यू.म.पठाण सारखी गुणी व्यक्ती, संत वाङ्मय आणि मराठी साहित्याचे गाढे अभ्यासक, जेव्हा 'अखिल भारतीय मराठी साहित्य संमेलना' चे अध्यक्ष म्हणून निवडले जातात (तेही पुण्यासारख्या शहरात) त्यावेळी मतदारांनी (जे खुद्द साहित्याशीच निगडीत असतात) त्यांचा धर्म न पाहता त्यांची विद्वत्ताच पाहिलेली असते हे तुम्हालाही मान्य असेल. इथे तुमच्या धाग्यातील विकल्प क्रमांक ४ कडील विचार लागू नक्कीच होतो. डॉ.पठाण यांना मत देणार्‍याने त्यांच्या जातीचा, धर्माचा अजिबात विचार केलेला नव्हता. मिपादेखील अशा पध्दतीच्या संमेलनाचे छोटेसे का होईना प्रतिबिंबच आहे. मिसळपाव या संस्थळावर तुम्ही म्हणता तसा [काही प्रमाणात] ट्रेंड असेलही पण त्याचे प्रमाण तांदळात असलेल्या कोंड्याइतपतच; जो 'दुर्लक्ष' नावाच्या सुपाने झाडून टाकता येतो. इथे तांदूळ महत्वाचे माना... कोंड्याला अवास्तव महत्व दिल्यास भाताची चवच बदलेल. तुम्ही 'कुराण' वाचले असेल गृहीत धरतो... (इथेही मी 'तुमचे कुराण' हा शब्दप्रयोग केलेला नाही हे लक्षात घ्या. कारण गीता, कुराण, बायबल, ग्रंथसाहिब, झेंद अवेस्ता हे ग्रंथ समस्त मानवी समुदायाचे आहेत. फक्त ज्याला जे जास्त भावते तो ते स्वीकारतो आणि आपल्या मगदुराप्रमाणे त्यांच्या नावामागे धर्माचे लेबल लावतो इतकेच....शिकवण तर ग्रंथाची एकच असते)...तर या ग्रंथाच्या प्रवचनात असे आढळेल की, मनुष्य जेव्हा कुराणात लेखनात्मक रचना शोधू लागतो व तेथे ती न आढळल्यास तो ग्रंथाच्या पृष्ठांवर भरकटू लागतो. त्याच्या गोंधळाचे कारण म्हणजे त्याने वाचन सुरू करण्यापूर्वीच मनी ग्रह केलेला असतो की 'आपण धार्मिक विषयावरील एक ग्रंथ' वाचण्यासाठी बसलो आहे. 'धार्मिक विषय' आणि 'ग्रंथ' या दोन्ही गोष्टीसंबंधी त्याची कल्पनाही तीच असते जी सामान्यत: 'धर्म' आणि 'ग्रंथ' संबंधी जनमनात आढळते. लेखनाला एक झालर त्याने वाचनापूर्वीच लावल्याने आणि मग त्या झालरी अनुषंगाने ती छाया पानावर न दिसल्याने त्याची निराशा होत राहते. हा साचाच त्याच्या ज्ञानप्राप्तीच्या मार्गावरील मोठा अडथळा ठरू शकेल.....जो आंसमा शख्स यांच्याबाबतीत इथे होऊ शकतो. येथील पुष्कळसे सदस्य येथील एकदोन धाग्यांच्या वाचनानंतर (सहभागाशिवाय) शंकाग्रस्त बनत असतात, त्यांची दिशाभूल होण्याचे मुख्य कारण म्हणजे काहीवेळा येथे प्रतिसादात आपल्या मुद्याच्या पुष्ठ्यर्थ वापरली जाणारी उग्र भाषा. याला उत्तर देतादेखील येते पण त्याची खरेतर आवश्यकता नाही. वर म्हटल्याप्रमाणे 'योग्यवेळी थांबणे' ही मात्रा तुम्ही वापरली तर कौलातील शंकांना तुमच्या मनी स्थान राहाणार नाही. इन्द्रा

लेख वाचलात कि नाही?

बाकीचे कितीहि शेपूट घालू देत...मी मात्र धर्मांध / कळपाने हल्ला करणाऱ्या मुसलमानांच्या विरुद्धच आहे... आणि तुम्ही मुसलमान अजिबात वाटत नाहीत... जुन्या बाटलीतली नवीन दारू वाटतेय...अचानक अयोध्या निकालानंतरच कसे काय मुस्लीम आय डी आले एकदम? असो.

श्री/सौ. आंसमां शख्स, कोणतीही व्यक्ती अमुक एक धर्म पाळते किंवा तमुक जातीत जन्मली म्हणून तिचा तिरस्कार केला जाणे अयोग्य हे मान्य आहे. पण म्हणून कोणत्याही धर्मावर टीकाच करु नये सगळे धर्म चांगलेच आहेत अशा भूपाळ्या गाण्यात कोणता शहाणपणा आहे ? आपण जी व्यक्ती धर्म/जात/देश यांचे प्रतिनिधित्व करतो तो धर्म/जात/देश यांच्यातील चांगल्या गोष्टींचा अभिमान वाटला पाहिजे आणि वाईट गोष्टींची लाज वाटली पाहिजे. असा परखडपणा तुम्हाला मान्य आहे काय? मध्यंतरी मी मुसलमान धर्मावर सडकून टीका केली तर एका मिपा सदस्याने मला शिवराळ,गलिच्छ इ-मेल पाठवायला सुरुवात केली. मी हिंदू धर्मावरसुद्धा टीका करतो हे त्या सदस्याने हेतूपूर्वक नजरेआड केले. अशा लोकांना लंबे करणॅ ही फार कठीण गोष्ट नाही. पण मला त्यात रस वाटत नाही.

च्यायला मला वाटले बॉबी डार्लिंग किंबा बेगम नवाझीश अली वर लेख आहे ! श्या !! आजकाल मिपावरचे जेष्ठ आणि समंजस सदस्य देखील अशा प्रकारच्या लेखनाची दखल घेउ लागलेले बघुन धक्का बसला. आम्हाला राहुन राहुन अशावेळी चप्पलवाल्या अभ्यंकरांची आठवण येते :)

मिपावर आय. टी - नॉन आय्.टी, हिरवा माज -इतर माज देव मानणारे ( अंधश्रद्ध ) - देव न मानणारे ( पुरोगामी , विज्ञानवादी ) संस्कृती रक्षक - संस्कृती भक्षक गांधीवादी-गोडसेवादी कांग्रेस्वादी - संघवादी निवासी-अनिवासी संपादक्-सभासद विरजण-श्रीखंड पतित पती - पीडणार्‍या पत्नी पॉपकॉर्न इ. इ. इ. असे बरेच वैचारिक (!) कंपु आहेत ... सगळेजण इमाने इतबारे आपापली बाजू प्राण हातावर घेउन लढवत असतात, तुम्हीही तुमची बाजू मांडा की , रडीचा डाव कशाला खेळताय.

आसमां तै / भौ सध्या ज्या भूतं-खेतं-आत्मे थिमवर सर्वपित्री अमावस्येच्या मुहूर्तावर लिहिलेल्या कविता एक विशिष्ट समुदायाची ( हिंदू ) चेष्टा करण्याचा प्रकार आहे असं तुमचं मत आहे का ? जर उत्तर 'नाही' असेल तर का ते सांगाल का?

असे बळेच वाटून घेतल्यास दिसून येतो.. कुठल्याही गोष्टीकडे त्रयस्थ नजरेने बघून विचार केल्यास सगळे आरशासारखे स्वच्छ दिसेल.. आपण ज्या धर्मात जन्मलो त्यातील सगळ्याच गोष्टी डोळे आंधळे ठेवून चांगल्या आहेत असे मानून चालल्यास फार त्रास होतो व त्याची परिणीती अश्या प्रकारचा कौल येण्यात होते.. मिपावर भेदभाव तर कधीच होत नाही व त्यापुढे जाऊन मी हे म्हणेल कि ज्या ज्या व्यक्ती या भारतात स्वतःला "हिंदू-मुस्लीम" ई. धर्माचे म्हणुन घेण्याआधी स्वतःची ओळख "भारतीय" अशी करून देतात त्या त्या व्यक्तींना या देशाचे प्रेमही मिळाले आहे.. पुजनीय अब्दुल कलाम किंवा बॉलीवुडची खान चौकडी यांना कुणीही धर्माच्या आधारावर प्रेम नाही दिले.. कमळास स्वतःची ओळख जगाला दाखवून देण्यासाठी ज्या चिखलात जन्म झाला त्यातून वर यावेच लागते... चिखल अंगावर घेऊन कमळ वर आल्यास त्यात कसले सौंदर्य ?

कोंबड्या पण मिपा मिपा खेळतात? ही ही

धागाकर्त्याने भेदभाव या शब्दाचा अर्थ शब्दकोषात नीट पहावा.