९/११ ला पाडलेल्या उत्तुंग इमारतींच्या जागेवर, आता अमेरिकी सरकार मशीद बांधण्याचा विचार करीत आहे.

मतदान अजूनही चालूच असल्याने टक्केवारीच्या तात्कालिक वाढीस अथवा घटीस काही महत्त्व नाही. उर्वरित पर्यायांस आणखी मते पडल्यास टक्केवारी घटूही शकते. किंबहुना या क्षणी ती घटून ५२% झाली आहे असे दिसते. 'इतर' या पर्यायास मते देणार्‍यांच्या संख्येत वाढ झालेली आहे हे उत्साहवर्धक आहे असे कदाचित म्हणता येईलही. पण याही म्हणण्यात प्रत्यक्षात कितपत तथ्य आहे याबद्दल साशंक आहे. या म्हणण्यात केवळ कौलात भाग घेऊन उघडपणे तसे म्हणणार्‍यांचा विचार केलेला आहे, हा मुख्य आक्षेप दिसून येतो. कौलात ज्यांनी भाग घेतलेला नाही, त्यांपैकी 'इतर'व्यतिरिक्त कोणतेही एक मत असून गप्प बसलेल्यांची बहुसंख्या नाही, असे निश्चितपणे म्हणता येणार नाही. तेव्हा, आनंद साजरा करण्याची घाई करण्याआधी कोंबड्या मोजण्यापूर्वी त्या अंडी फोडून बाहेर येण्याची वाट पाहण्याची खबरदारी निदान मी तरी घेईन म्हणतो. शिवाय, 'इतर' हा पर्याय निवडणार्‍यांच्या कारणमीमांसांमध्येही प्रचंड वैविध्य असू शकते, आणि त्यातील सर्वच कारणमीमांसा उत्साहवर्धक असू शकतात असे नाही, याही बाबीकडे लक्ष वेधू इच्छितो. ('इतर' हा त्या दृष्टीने 'कॅच-ऑल' पर्याय आहे.) हे वैविध्य लक्षात घेता, 'इतर' हे खरे तर अनेक पर्याय आहेत, आणि या अनेक पर्यायांत 'इतर'पंथीयांची मते विभागली गेल्याने पहिल्या दोन पर्यायांपैकीच कोणाच्या तरी समर्थकांचे प्रभावी मत असण्याची शक्यता असून 'इतर'पंथीयांचे बहुमत फसवे आहे, हेही मांडू इच्छितो. (हे थोडेसे भारतातील १९७७पूर्व राजकीय परिस्थितीसारखे झाले. पन्नास टक्क्यांहून कमी मते (की जागा? चूभूद्याघ्या.) मिळूनही, विरोधी पक्षांची मते (किंवा जागा) वेगवेगळ्या पक्षांत विभागली गेल्याने सर्वाधिक मते (किंवा जागा) मिळवणारा गट म्हणून सत्ता तेव्हा सतत काँग्रेसकडे जात असे, असे ऐकलेले आहे. (पुन्हा, ऐकीव माहिती. तपशिलांबाबत चूभूद्याघ्या.) यावर उपाय म्हणून १९७७मध्ये 'जनता पक्षा'चा जो प्रयोग झाला, त्याचे पुढे काय झाले, हे सर्वज्ञात आहे.)

कसली टक्केवारी मोजताय? मी पा हे काय अखिल मानव जातीची किमान पक्षी मराठी लोकांची मानसिकता दाखवत नाही...