पुढील पायर्‍या नीट सांगितल्या नाहीत, खर्‍या. (शिवाय दोन-आकडी रँडम नंबरची आणखी एक बाब ताजाकलमात.) - - -

या चार निरर्थक/रँडम वाक्यांपैकी आपल्याला २ वाक्ये निवडायची आहेत या कौलाने. आणि मग त्या वाक्यांमध्ये, त्याच रँडम आकड्यांनी एका वेळेला एकच शब्द बदलायचा आहे.

हा भाग तितका कळला नाही. समजा वाक्य ३,४ निवडली गेली, आणि आपला पहिला रॅंडम आकडा १४ आहे. तर ढग बदलून फूल करायचं की ढग बदलून गाणी करायचं?

समजा वाक्ये ३, ४ निवडली गेली, तर : वाक्य ३च्या पहिल्या पिलासाठी एक २-आकडी रँडम निवडायचा. वाक्य ३च्या दुसर्‍या पिलासाठी दुसरा २-आकडी रँडम निवडायचा. वाक्य ४च्या पहिल्या पिलासाठी तिसरा २-आकडी रँडम निवडायचा. वाक्य ४च्या दुसर्‍या पिलासाठी चवथा २-आकडी रँडम निवडायचा. त्यामुळे (या उदाहरणात) वाक्य ३च्या पहिल्या पिलासाठी रँडम आकडा १४ असा आहे, तर १ला शब्द बदलून रकान्यातला ४था शब्द घालायचा. "ढग" बदलून "फूल" करायचे. ... (या उदाहरणात) वाक्य ४च्या एका पिलासाठी रँडम आकडा ६५ असा आहे, तर ६वा शब्द बदलून रकान्यातला ५वा शब्द घालायचा. "फसला" बदलून "झोपला" करायचे. दोन मातृ‍-वाक्ये, आणि त्यांची बदललेली दोन-दोन पिले... सर्व मिळून सहा वाक्ये पुढच्या फेरीत प्रवेश करतात. यात जरा गडबड म्हणजे कौलात निवड करण्यासाठी पंधरा पर्याय येणार :-( खेळात भाग घेणार्‍यांनी खिलाडूपणे निवड करावी. - - - ताजाकलम : काही २-आकडी रँडम संख्या वापरता येत नाहीत, त्या बाद ठरतात. (वरील उदाहरणात) वाक्य ४च्या एका पिलासाठी रँडम आकडा ९२ असा आहे, तर ९वा शब्द बदलून... (पण वाक्यात आथच शब्द असल्यामुळे "९वा शब्द"च नाही! म्हणजे हा आकडा बाद करून, पुढचा आकडा घ्यायचा.

केला :)

आता प्रत्येक इटरेशननंतर वाक्यांची प्रगती होणार की अधोगती, ते कोणास ठाऊक. (श्रेय - काकाही, तुझे आहे तुजपाशी). कवितेबद्दल : येथे दोन वाक्ये आहेत, आणि प्रत्येक वाक्य म्हणजे एक अति-लघु-कविता आहे. विंदांच्या ज्या कवितेतून स्फूर्ती घेतली, ती अवघी कविता दोन वाक्यांची आहे : - - - पर्‍या होतात शेवटी लठ्ठ, असे म्हणाला एक मठ्ठ. पर्‍यांनी दिला त्याला शाप : पुढच्या जन्मी झाला साप. - - - परंतु या प्रयोगासाठी दोन कविता एका-एकाच कडव्याच्याच बनवायच्या आहे. अनायासे त्या दोन कविता एकमेकांना पूरक असतील तर दोन्ही मिळून पहिले-दुसरे कडवे, अशी एकत्रित दोन कडव्यांची कविता होऊ शकेल. कोणास ठाऊक.

शेवटी माणसानेच अर्थपुर्ण वाक्यं निवडायची असल्याने यंत्र पुन्हा स्वयंपुर्ण नाहीच, अर्थात त्याने ह्या प्रयोगातील मजा कमी होत नाहीच.

यंत्र "स्वयंपूर्ण" नाही, हे तर खरेच. पण निवडणारे मनुष्यही "स्वयंपूर्ण" नाहीत. खरोखरच्या रँडम संख्या निवडल्या असत्या तर पुढच्या इटरेशनमध्ये कुठले फरक आपल्यासमोर असतील, त्यावर रसिक मिसळपावकरांचे नियंत्रण नाही.* आणि रँडम बदल करण्यासाठी पुढच्या पिढीत कुठले वाक्य उपलब्ध असेल, त्याबद्दल "पाय"च्या आकड्यांचे नियंत्रण नाही. रँडम चेंज (येथील यंत्राचा रँडम भाग) + कन्स्ट्रेंट (येथील यंत्राचा रसिक-जनमत भाग) यांचा समतोल झाला, तरच आधी न ठरवलेली, पण अंततः रसिकमान्य शब्दयोजना उदयाला येईल. या अंशतः यादृच्छिक/बद्ध प्रणालीचा अप्लाइड गणितातला/अभियांत्रिकीमधला एक उपयोग : स्टोकॅस्टिक ऑप्टिमायझेशन. याच प्रकारची आणखी एक विचारधारा येथे> बघावी. येथे मी आपल्या मिसळपावकरांकडून फक्त दहा वेळा कौल देण्याची विनंती केलेली आहे. दहा कौलांमधून काही निघेलच याची शाश्वती कोणाला देता येईल? मात्र "स्क्रॅबल"-नामक शब्दकोड्याचा खेळ खेळताना मला उपयोग झालेला आहे. समोरचे अक्षरांचे चौकोन यादृच्छिक रीतीने मागे पुढे हलवून कित्येकदा मनातही न आलेला एखादा शब्द पटकन दिसतो. नुसतीच अक्षरे हलवली, शब्द निवडला नाही, तर अर्थातच काही उपयोग नाही - म्हणजे अक्षरे हलवणे स्वयंपूर्ण नाही. मात्र तो शब्द आधी माझ्या मनात नव्हताच, त्यामुळे अक्षरे न हलवता निवडणारा मीसुद्धा स्वयंपूर्ण नाही. या दूघांचा अंश असल्यामुळे सापडलेला शब्द नवीनही असतो, अर्थपूर्णही असतो. - - - *(मी स्यूडोरँडम संख्या निवडल्या आहेत. त्यामुळे फायदा असा की होणारे बदल ओपन-सोर्स आहेत. "धनंजयने अंतिम कविता आधीच ठरवलेली आहे, आणि त्याला हवे तेच बदल तो आम्हाला देत आहे" अशी एखाद्याची शंका थोडी कमी होते. मात्र एखादा रसिक पुढच्या रँडम संख्या बघून निवड करू शकेल. तरी बहुतेक खेळाडू असे करणार नाहीत, अशी आपली आशा आहे. बाकी खेळाडू "जे समोर दिसते, त्यापैकी सर्वोत्तम" अशी निवड करेल. जनमतामध्ये "पुढची पाने बघणार्‍याचीच रमी जुळेल" अशी काही शाश्वती नाही.)

जास्तीत जास्त लोकांनी भाग घेतला तर मजा आहे. आणि प्रत्येक आवृत्तीत वेगवेगळ्या लोकांनी भाग घेतला तरी चालते.