ताज्या घडामोडी - जुलै २०२२ (भाग ४)

खरे आहे. अरविंद केजरीवाल हा व्यक्ति जबरजस्त आहे. त्यामुळेच त्यांच्यावर भाजपेयी खार खाऊन आहेत. पैसे खाता येनार नसल्याने भाजप नेत्यांनी त्यांना हरप्रकारे त्रास देणे सुरू केलेय. राज्यात तुकाराम मुंढेंसारखा एक अधिकारी आहे. मागे भाजपने बळकावलेल्या नागपूर महापालिकेतील नालेसफाई त्यांनी मागील वर्षाचा तूलनेत निम्म्या खर्चाने केली तर भाजपेयींनी कपट करून त्यांना नागपूर महापालिकेतून काढले. नालेसफाईत आपली हातसफाई होत नसल्याने भाजप नेत्यांचा त्यांच्यावर राग होता. अश्या अधिकार्यांनी केजरीवालांसोबत राजकारणात यायला हवे. रच्याकने नितीन गडकरी आणी देवेंद्र फडणवीस ही लोकं नागपूरचीच आहेत.

केजरीवाल सरकारच्या कामाची प्रसिद्धी मिडियात फारशी होत नाही काय कारण असेल?

बऱ्याच प्रमाणात सहमत आहे. प्रारंभीच्या काळात केजरीवालांनी मारलेल्या उलटसुलट कोलांट्या उड्यांमुळे मी त्यांचा कट्टर विरोधक होतो. परंतु आता मत बदलत आहे. प्रारंभीच्या काळात त्यांनी जो राजकीय धूर्तपणा दाखविला, काही प्रमाणात लबाडी सुद्धा केली, खोटा कांगावा केला, सहकाऱ्यांना कठोरपणे मार्गातून दूर केले, कायम मोदींवर खार धरून वागले व भ्रष्टांवर कारवाई करण्याचे अनेकदा जाहीर वचन देऊनही त्यांना संरक्षण दिले. परंतु जवळपास सर्वच नेते असे करतात. मोदीही फारसे अपवाद नाहीत. फडणवीसांनी तर यापुढच्या अनेक पायऱ्या गाठल्या. मोदींनी अत्यंत कठोरपणे इंधनाचे दर वाढते ठेवले. आंतरराष्ट्रीय स्तरावर इंधनदर कमी होऊनही स्थानिक दरात फारशी कपात केली नाही. रस्त्यांवरील पथकर रस्त्यांच्या दर्जाच्या व्यस्त प्रमाणात वाढतोय. आता तर अन्नधान्य, वीज इ. सुद्धा अजून महागली आहे. सार्वजनिक भविष्य निर्वाह निधी वगळता सर्व करसवलती रद्द करून नवीन कर लावण्यात आले आहेत. यासाठी प्रत्येक वेळी हा पैसा इन्फ्रास्ट्रक्चर, संरक्षण सिद्धता इ. साठी वापरला जातो असे कारण सांगितले जाते. परंतु वाढीव करउत्पन्नाच्या तुलनेत इन्फ्रास्ट्रक्चरची कामे कमी प्रमाणात दिसतात. पुणे-सातारा रस्त्याने मी दरवर्षी २-३ वेळा प्रवास करतो. प्रत्येक वेळी या महामार्गावरील पथकर वाढताना दिसतो व रस्ता पूर्वीपेक्षा वाईट अवस्थेत दिसतो. मग हा पथकर जातो कोठे? कात्रज-हिंजवडी बायपास सुद्धा अत्यंत वाईट अवस्थेत आहे. मी जेथे जेथे जातो ते रस्ते वाईट अवस्थेतच दिसतात. दुसरीकडे महाराष्ट्रात तर आपल्या अनावर सत्तालोभापायी पक्षाची व राज्याची वाट लावली आहे. मविआ सरकार तर त्यापेक्षाही वाईट निघाले. निवडणुकीत फडणवीसांनी भरमसाट आश्वासने दिली पण प्रत्यक्षात बरोबर उलट निर्णय घेतले. राष्ट्रवादी, कॉंग्रेस अशा पक्षातून अक्षरशः अत्यंत भ्रष्ट व जातीयवादी नेत्यांना पायघड्या पसरून भाजपत आणून सन्मानाची पदे देऊन पक्ष नासवून टाकला. हे करताना आपल्याच सहकाऱ्यांना संपवून आयारामांना महत्त्वाची पदे दिली. आतासुद्धा राहुल नार्वेकर (मूळ राष्ट्रवादी) विधानसभेचे सभापती, दरेकर (मूळ मनसे) विधानपरीषदेत विरोधी पक्षनेता, शिंदे (मूळ शिवसेना) मुख्यमंत्री आहेत. विधानपरीषद व राज्यसभेतही बहुसंख्य आयाराम पाठविलेत. पक्षवृद्धी समजू शकते. परंतु रस्त्यावर दिसणारा प्रत्येक शेणाचा गोळा घरात आणून घर भरणे हा नालायकपणा आहे. विखे, पद्मसिंह पाटील, राणे पितापुत्र, कृपाशंकर, पाचपुते . . . अशांचा इतिहास माहिती असूनही त्यांना भाजपत सन्मानाने आणून महत्त्वाची पदे दिली. आपल्या ५ वर्षांच्या कार्यकाळात फडणवीसांनी उद्धव ठाकरेंसमोर लाचारीचा कळस गाठला होता. ते करताना नाणार, जैतापूर वगैरे प्रकल्प रद्द करून राज्याचे नुकसान केले. हे सर्व पाहता निदान दिलेली काही जाहीर आश्वासने तातडीने पूर्ण करणारे केजरीवाल उजवे वाटायला लागले आहेत. अजूनही मला मोदीच पंतप्रधान हवे आहेत, परंतु राज्यात जोपर्यंत फडणवीस व त्यांचे शेपूट चंपा प्रमुख नेता आहेत, तोपर्यंत भाजपला मत न देण्याचे ठरविले आहे. पुढील विधानसभा निवडणुकीत मत आआप हा एक पर्याय डोळ्यासमोर आहे.

मी माझ्या पातळीवर मिपावर known आप समर्थकांचा प्रतिसाद दिसला तर त्याकडे पूर्ण दुर्लक्ष करून स्क्रोल करून खाली जातो. त्यांचे प्रतिसाद वाचायची तसदीही घेत नाही. आणि हे म्हने अभ्यासू मिपाकर :=)

पुरग्रस्तांना विचारा. मुंबई पुण्याच्या फ्लॅट आरामखुर्चीत रेलूव बसून काय मदत केली विचारण्या पेक्षा प्रत्यक्ष मैदान पहा.