Skip to main content

तुझा हळवा पाऊस

लेखक जयवी यांनी सोमवार, 08/06/2009 17:31 या दिवशी प्रकाशित केले.

माझ्या ह्या कवितेला देवकी पंडितांचा स्वरसाज लाभलाय "सारे तुझ्यात आहे" ह्या अल्बम मधलं हे गाणं ! हे गाणं ह्या लिंक वर ऐकता येईल.

https://maanbindu.com/showMusic.do?field=sangeet&name=Sare-Tuzyat-Aahe

तुझा हळवा पाऊस
आज आठवतो मला
चिंब सरीनं तयाच्या आज
भिजवतो मला

कधी बरसणं तुझं
रिमझिम अलवार
नखशिखान्त भिजते
त्यात मी रे हळुवार

कधी तुफानी कोसळ
गरजत बरसत
कधी झिम्माड झिम्माड
द्वाड प्रीत फुलवत

आता कधी रे येशील
मनी सारखा सवाल
घन दाटता नभात
पुकारते वेडी प्रीत

तुझ्याविना हा पाऊस
आसू आणतो डोळ्यात
धरा कोरडी कोरडी
परी डोळे वाहतात

जयश्री अंबासकर

लेखनविषय:
लेखनप्रकार
वाचने 2856
प्रतिक्रिया 13

प्रतिक्रिया

प्रमोद देव सोमवार, 08/06/2009 19:52

संगीतकार आहे अभिजित राणे!

हाती नाही येणे,हाती नाही जाणे,हसत जगावे,हसत मरावे, हे तर माझे गाणे!

चन्द्रशेखर गोखले मंगळवार, 09/06/2009 06:51

गाणं ऐकलेलं नाही ! गीत अप्रतिम ! या रखरखाटात जरा असं भिजलं कि खूप बरं वाटतं !!

विसोबा खेचर मंगळवार, 09/06/2009 11:49

जयूची कविता? नेहमीप्रमाणेच सुरेख..!

ऐकता मात्र आली नाही..

तात्या.