चक्रव्यूह

साध्या सोप्या संदर्भांचा अर्थ लावणंही कठीण होतंय भोवळ येईतो फिरत रहाणं, एवढंच हाती राहिलंय का? अज्ञात भविष्याच्या दोरीवरून अधांतरी चालताना मनाचा तोल सावरत रहाणं, एवढंच हाती राहिलंय का? नाचवणारी बोटं कुठली, धागा कुठला, दिसत नाही बाहुल्या होऊन नाचत रहाणं, एवढंच हाती राहिलंय का? अश्वत्थाम्याच्या जखमेसारखा भळभळणारा शापित जन्म जखमा फुलवत हसत रहाणं, एवढंच हाती राहिलंय का? चक्रव्यूहात तडफडणा-या अभिमन्यूच्या अगतिकतेनं दैवाच्या गुंत्यात अडकून जाणं, एवढंच हाती राहिलंय का?