संध्याखंत - २ | मिसळपाव

आमची प्रेरणा नंदनशेठ यांची अप्रतिम कविता झांज हा अंगठा आमचे द्रोणाचार्य केशवसुमार यांच्या चरणी अर्पण. (एकलव्य) आजानुकर्ण आम्ही परतुनी आलो झाली होती सांज बल्ब लावूनी बसलो सुरु जाहली खाज नाही बिलगाया कोणी मनात येती इच्छा माडीवरती जाऊनी करावयाची का पृच्छा रंगीत बाटलीतूनी वाहतील सोनेरी धारा पेल्यात तरंगे जणू जीव अमुचा सारा रात्र येई गोकुळी आम्ही करितो खंत 'साकी' दिसे ना कुठे आता तुम्हीच ओता पंत (ह. घ्या.)

Taxonomy upgrade extras

विरंगुळा

लेखनविषय:	विडंबन

वाचने 10086

प्रतिक्रिया 17

प्रतिक्रिया

:))))))))))

आनंदयात्री सोमवार, 04/02/2008 10:40

'साकी' दिसे ना कुठे आता तुम्हीच ओता पंत हाण तिच्यायला .......... बल्ब लावूनी बसलो सुरु जाहली खाज हे फारच मार्मिक :) .... तुमची प्रतिभा अशीच के.सु. सेठ बरोबर वाढत राहो... अन अशी उत्तमोत्तम हास्यकविता प्रसवत राहो.

मस्तच..

विसोबा खेचर सोमवार, 04/02/2008 10:44

वा कर्णा, मस्तच विडंबन केले आहेस. सगळी कडवी आवडली पण, रात्र येई गोकुळी आम्ही करितो खंत 'साकी' दिसे ना कुठे आता तुम्हीच ओता पंत हे जास्त आवडले...! :) आपला, (ग्लेनफिडिचप्रेमी) तात्या. अवांतर - मिपावर आणिबाणी जाहीर झाल्यापासून इथे फारसा दिसत नव्हतास. आज तुझी विडंबनात्मक कविता इथे वाचली आणि आनंद वाटला. घरी परतलास याचे बरे वाटले! प्रियाली, विकास आणि सर्कीटचीही वाट पाहतो आहे! असो! जे येतील ते आपले! परके असतील ते येणार नाहीत...! शिंपल..! :) आपला, (माणूसप्रेमी) तात्या.

धमाल

नंदन सोमवार, 04/02/2008 12:28

मस्तच विडंबन केले आहेस. सगळी कडवी आवडली पण, रात्र येई गोकुळी आम्ही करितो खंत 'साकी' दिसे ना कुठे आता तुम्हीच ओता पंत हे जास्त आवडले...! :) -- असेच म्हणतो :) नंदन (मराठी साहित्यविषयक अनुदिनी http://marathisahitya.blogspot.com/)

अवांतर / विषयांतर :)

प्रा.डॉ.दिलीप बिरुटे सोमवार, 04/02/2008 19:17

प्रियाली, विकास आणि सर्कीटचीही वाट पाहतो आहे! तात्या, वरील मंडळी इथे लिहितील हो !!! आम्हाला चिंता आहे ती आपल्या दोस्त खॉसाहेबांची, त्यांना आवाहान (आव्हान द्या ना ) करा ना ;) असो! जे येतील ते आपले! परके असतील ते येणार नाहीत...! शिंपल..! :) हा नियम खॉसाहेबांनाही लागू आहे का ? :) खॉसाहेबाच्याही लेखनाचा पंखा प्रा.डॉ.दिलीप बिरुटे

कार्य बाहुल्य

सर्किट (verified= न पडताळणी केलेला) सोमवार, 04/02/2008 23:20

अवांतर - मिपावर आणिबाणी जाहीर झाल्यापासून इथे फारसा दिसत नव्हतास. आज तुझी विडंबनात्मक कविता इथे वाचली आणि आनंद वाटला. घरी परतलास याचे बरे वाटले! प्रियाली, विकास आणि सर्कीटचीही वाट पाहतो आहे! तात्या, कार्यबाहुल्यामुळे गेले दोन महिने मिपाच काय इतर कुठेही लिहिणे झालेले नाही. (आमच्या आजोबांच्या भाषेत सांगायचे तर "सध्या पादायलाही फुरसत नाही.") फेब्रुवारी महिनाही वाईटच दिसतोय. मार्च एक पासून जरा शांतता येईल, आणि मग इतर काही करता येईल. - सर्किट

अरे वा!

प्रमोद देव सोमवार, 04/02/2008 10:48

कर्णा तू ही! कमाल केलीस बाबा! मस्तच केले आहेस विडंबन! मजा आली. बाकी 'द्रोणाचार्य' सुमारांचा शिष्य शोभतोस! पुलेशु!

जबरा आहे

जुना अभिजित सोमवार, 04/02/2008 13:15

खल्लास एकदम.. 'साकी' दिसे ना कुठे आता तुम्हीच ओता पंत ष्री, बेडेकरपेक्षा लोहगड, पुरंदरपायथ्याची मिसळ चापणारा अभिजित

यशस्वी भव!!

केशवसुमार सोमवार, 04/02/2008 16:39

च्या मारी कर्णा, संजोपरावांच्या आश्रमातून डायेक्ट आमच्या आश्रमात !!??!!?? असो आलाच आहेस तर स्वागत आहे.. ;) 'साकी' दिसे ना कुठे आता तुम्हीच ओता पंत- हे बाकी एकदम झकास.. उत्तरोत्तर अशीच प्रगती करत रहा.. (बाई, बाटली, बिडीत अडकू नकोस आमच्या सारखा) तथास्तु.. (द्रोणाचार्य)केशवसुमार 'द्रोणाचार्य' .. (म्हणजे आता वानप्रस्थाश्रमाचा रस्ता धरायची वेळ झाली की काय?) (विचारात पडलेला)केशवसुमार अवांतर.. नंदनशेठच्या कवितेचे नाव चुकलास कीरे शिंच्या!!

वा कर्णा मस्त रे !!!

प्रा.डॉ.दिलीप बिरुटे सोमवार, 04/02/2008 18:54

विडंबन मस्त जमलंय !!! 'साकी' दिसे ना कुठे आता तुम्हीच ओता पंत हाहाहा:))) लै भारी

वा वा...

सख्याहरि सोमवार, 04/02/2008 20:29

'साकी' दिसे ना कुठे आता तुम्हीच ओता पंत .... वा वा... कमाल केलीत!

हा हा

ऋषिकेश सोमवार, 04/02/2008 23:37

झकास विडंबन.. आणि शेवटच्या दोन ओळीतर भन्नाट :) -ऋषिकेश

मस्त झालंय

प्राजु मंगळवार, 05/02/2008 00:14

मस्त झालंय हे विडंबन. तात्या, आता विडंबन संग्रहसुद्धा काढा. - प्राजु

वा वा

आजानुकर्ण मंगळवार, 05/02/2008 10:20

सर्वांना विडंबनाचा पहिला प्रयत्न आवडला हे आम्हालाही आवडले ;) केशवसुमाराचार्य, चूक झाल्याबद्दल क्षमस्व. शिष्याला क्षमा करा. चुकीचे प्रायश्चित्त म्हणून दुसर्‍या अंगठ्याचे नख सादर करत आहे. आधीचा अंगठा पोचला असेलच. तात्या, मराठी संकेतस्थळांवर प्रत्यक्ष, अप्रत्यक्ष, आभासी यापैकी एक किंवा अधिक किंवा सर्व किंवा यापेक्षा वेगळा अशा प्रकारचा वाद न घालणे, वादास प्रोत्साहन न देणे किंवा वादामध्ये प्रत्यक्ष किंवा अप्रत्यक्ष सहभाग किंवा वादविवादास सहाय्य न करणे अशा प्रकारचे साधे सोपे धोरण अमलात आणण्याचा हेतू किंवा विचार किंवा योजना किंवा तिन्हीपैकी एक किंवा अधिक किंवा सर्व किंवा यापेक्षा वेगळे करण्याचा हेतू आहे. (विडंबक) आजानुकर्ण

ठीक..

विसोबा खेचर मंगळवार, 05/02/2008 10:28

मराठी संकेतस्थळांवर प्रत्यक्ष, अप्रत्यक्ष, आभासी यापैकी एक किंवा अधिक किंवा सर्व किंवा यापेक्षा वेगळा अशा प्रकारचा वाद न घालणे, वादास प्रोत्साहन न देणे किंवा वादामध्ये प्रत्यक्ष किंवा अप्रत्यक्ष सहभाग किंवा वादविवादास सहाय्य न करणे अशा प्रकारचे साधे सोपे धोरण अमलात आणण्याचा हेतू किंवा विचार किंवा योजना किंवा तिन्हीपैकी एक किंवा अधिक किंवा सर्व किंवा यापेक्षा वेगळे करण्याचा हेतू आहे. ठीक ठीक! आमच्या शुभेच्छा आहेत.. :) तात्या.

संध्याखंत - २