उन्मनी

क्रान्ति · 08/04/2009 - 21:41 · जे न देखे रवी...

लेखनविषय:

Taxonomy upgrade extras

तुझ्या आठवात मन चैत्रपालवी धुंद मोग-याचा गंध लपेटून प्रीत जागवी तुझ्या विरहात मन वैशाखवणवा जळे तनमन, आसुसला प्राण शोधतो गारवा तुझ्या चिंतनात मन आषाढमाया शामरंगी घन आभाळी रेखिती काजळछाया तुझ्या संगतीत मन श्रावणहिंदोळे भिजल्या मातीत हिरवा अंकुर उघडतो डोळे तुझ्या सावलीत मन शरदचांदणे सावळ्या रात्रीच्या अंगांगी फुलली लक्ष गोंदणे तुझ्या प्रणयात मन रंग फाल्गुनी घननीळा, तुझ्या रूपात विरली राधा उन्मनी

वाचने 2978 वाचनखूण प्रतिक्रिया 12

अफलातून.

प्राजु 08/04/2009 - 21:50

संपूर्ण वर्ष!!!! तूच तू...! जबरदस्त!! - (सर्वव्यापी)प्राजु http://praaju.blogspot.com/

हाय क्लास

मीनल 08/04/2009 - 22:07

सर्व ऋतु यात आहेत.शिवाय पृथ्वीवरचे त्यावेळचे बदल आहेत. प्रणयात येणारे मनाचे चढ उतार आहे. जसे की आठवण,विरह,चिंतन, संगीत. त्यातही personification उत्तम साधले आहे. Personification is giving human traits (qualities, feelings, action, or characteristics) to non-living objects (things, colors, qualities, or ideas). उदा: मोग-याने गंध लपेटून घेतला आहे आणि तो प्रीत जागवत आहे. प्राण गारवा शोधतो आहे. हिरवा अंकुर डोळे उघडतो आहे. सर्वच काव्य उत्तम आहे. मीनल. ये लोग जो काव्य करते है ना, वे कौनसे चक्की का आटा खाते है ? :/ किसेको कोई पता है? मुझे भी मंगानाका है. मीनल.