सुभाषित

नमस्कार, आज एक सुंदर सुभाषित वाचनात आले. ते मिपाकरांच्या आस्वादासाठी येथे देत आहोत. अनेक विद्वांनाना ते माहित असेल. पण ज्यांना माहित नाही, त्यांना कळावे आणि मिपा विविध गोष्टींनी समृद्ध व्यासपीठ व्हावे, यासाठी हा खटाटोप. येथे लेखन करणार्‍या अनेकांना हे सुभाषित उपयोगी पडेल असे वाटते. वृत्त वसंततिलका अर्थो गिरामपिहितः विहितश्च कश्चित् सौभाग्यमेति मरहट्टवधूकुचाभः | नान्ध्रीपयोधर इवातितरां प्रकाशो नो गुर्जरीस्तन इवातितरां निगूढः|| अर्थ - शब्द योजतांना ते अतिशय गूढ अनाकलनीय नसावेत त्याचप्रमाणे अगदी उघड्यानागड्या अर्थाचेही नसावेत. हे दोन्ही घातक आहे. त्यामुळे ही दोन टोके न गाठता समतोलपणा राखणारे शब्द लेखन करतांना योजावेत. तसे असले म्हणजे, ते शब्द महाराष्ट्रीय स्त्री च्या स्तनांसारखे सौंदर्यपोषक होतात. आंध्रस्री प्रमाणे अगदी उघडे नसावेत आणि गुर्जर स्री सारखे फार झाकलेले नसावेत. आपला, (संस्कृतप्रेमी) धोंडोपंत