नि:शब्द विजय (उद्धव मात्रावृत्त)
लेखनविषय:
त्या गर्दीत हो समोरी
उभी दिपस्तंभासम ती
तिज पाहुनीच भुललो मी
ती मृगनयने लखलखती
ती भासे खट्याळ हरिणी
चुकवीत नजरेचे बाण
मग अखेर नयने भिडतां
हरपले स्वतःचे भान
मग नजरेतूनच पटली
खुणगाठ अंतरी मजला
अदृश्य जाहलीच गर्दी
दे हाक मानसी तिजला
बोलले न काहि कोणी
तरी सर्वकाही समजले
पुजारी जरी शब्दांचा
शब्दांवाचून जिंकले
टिपः
गेल्यावेळी बर्याच चुका केल्या होत्या आता काहि सुधारणा आहे का अजूनहि घोळ आहे हे नक्की सांगा
वाचने
2392
वाचनखूण
प्रतिक्रिया
6
ती भासे खट्याळ हरिणी
चुकवीत नजरेचे बाण
मग अखेर नयने भिडतां
हरपले स्वतःचे भान
छान.. :)
मदनबाण.....
"Its God's Responsibility To Forgive The Terrorist Organizations
It's Our Responsibility To Arrange The Meeting Between Them & God."
- Indian Armed Forces -
बोलले न काहि कोणी
तरी सर्वकाही समजले
पुजारी जरी शब्दांचा
शब्दांवाचून जिंकले
मस्त रे!
तात्या.
मस्तच रे!
-- अवलिया
अवलियाची अनुदिनी
कल्पना.
**(गोव्यातील देवळांत दीपस्तंभ मोठे धिप्पाड असतात - त्यामुळे ही उपमा खट्याळ हरिणीसारख्या अल्लड "तिच्या"साठी पटली नाही.)**
तिज पाहुनीच भुललो मी ती मृगनयने लखलखतीलखलखती मृगनयने फार आवडली. कविता मस्तच. -- लिखाळ. माझ्या अनुदिनीला येथे भेट द्या.
सर्व प्रतिसाद देणार्यांचे मनापासून धन्यवाद
**धनंजय,
दिपस्तंभाची उपमा लिहिताना धिप्पाडपणा का कोण जाणे डोळ्यासमोर नाहि आला. फक्त सागराच्या (गर्दीच्या) मधे उभा असणारा आणि लक्ष वेधून घेणारा तो दिपस्तंभ असे काहिसे डोक्यात होते. अर्थात दिपस्तंभाचा "धिप्पाडपणा"डोक्यात घेतला तर उपमा चुकीची वाटते हेहि खरेच. हा विरोधाभास नजरेत आणून दिल्याबद्दल धन्यु!**
- ऋषिकेश
ती भासे