Skip to main content

(ती पहा पडली गझल)

लेखक वेल्लाभट यांनी मंगळवार, 16/05/2017 15:22 या दिवशी प्रकाशित केले.

कधीकधी आम्हालाही वाटतं राव... विडंबन जत्रेत सामील व्हावं असं.

चला. प्रेरणा

ती पहा पडली गझल साबू सटकल्यासारखी
मनाची अंघोळही लवकर उरकल्यासारखी

शॉवराचे थेंब विरले काय आणि मी लिहू
शब्द शोधी भावना पंचा हुडकल्यासारखी

शृंखला विडंबनांची गाजते बोर्डावरी
भर मीही घालतो दाणे बुचकल्यासारखी

हो, जरा साशंक होतो नळ फिरवतानाच मी
धारही ती अडखळे श्रीमुख विचकल्यासारखी

हाय तो पडला नवीन साबू संडासामधे
'टुबुक' त्याची हाक ती अजुनि अडकल्यासारखी

-टुबुकजित

काव्यरस
काहीच्या काही कविता
लेखनविषय:
वाचने 2483
प्रतिक्रिया 7

प्रतिक्रिया

ज्ञानोबाचे पैजार मंगळवार, 16/05/2017 15:36

हाय तो पडला नवीन साबू संडासामधे
'टुबुक' त्याची हाक ती अजुनि अडकल्यासारखी

-टुबुकजित

त्याच साबणाने हात धुतलेत वाटत नंतर?
(डुबुकजित)पैजारबुवा,

खेडूत मंगळवार, 16/05/2017 15:41

जब्रा रचना..! आवडली.

अता अन्य कवींकडे लक्ष्य द्यावे असे सुचवितो.
(उगा या कवींना वाटायचं आपल्याला लक्ष्य करतायत.)