जुळले अजून आहे

जयवी जे न देखे रवी...
सरले बरेच काही, उरले अजून आहे कोठेतरी जरासे, जुळले अजून आहे वणव्यात पोळलेल्या, राती कितीक सार्‍या वैशाखस्वप्न हिरवे, जपले अजून आहे संसार वाळवंटी, मनिषा जरी करपल्या स्वप्नात चिंब सारे, भिजले अजून आहे वैधव्य दु:ख गहिरे, लपवून काळजाशी सौभाग्य चिन्ह भाळी, जपले अजून आहे वाहून खूप गेले, पाणी पुलावरुनी सुखचित्र अंतरीचे, सजले अजून आहे आहेत भोग सारे, जे पूर्व संचिताचे ते भोगणे जरासे, उरले अजून आहे उन्मत्त वादळाने, ढळले किती मनोरे वाळूत बांधलेले, इमले अजून आहे अजुनी न जाग आली, मजला तशी पुरेशी दुलईत स्वप्न माझे, निजले अजून आहे जयश्री
वर्गीकरण
लेखनविषय:
काव्यरस
17 टिप्पण्या 2,466 दृश्ये
शेअर करा: 📱 WhatsApp

Comments

परिकथेतील राजकुमार नवीन

भारी लिहिले आहेस गं तै.
amit_m नवीन

वणव्यात पोळलेल्या, राती कितीक सार्‍या वैशाखस्वप्न हिरवे, जपले अजून आहे आहेत भोग सारे, जे पूर्व संचिताचे ते भोगणे जरासे, उरले अजून आहे हे तर मस्तच....
नरेंद्र गोळे नवीन

वा! सुरेख कविता!! आवडली!!! रुजवून मराठी झाले, फुलवून मराठी झाले, संसार वाळवंटी, सजवून मराठमोळे | ढळू देत ते मनोरे, सरू देत भोग सारे, दुलईत स्वप्न निजले, ते होऊ देत ताजे ||
संजय क्षीरसागर नवीन

लिहीत रहा! प्रत्येक दुसरी ओळ आणखी कल्पक करण्याचा प्रयत्न करा, ती रसिकाची अपेक्षापूर्ती करण्यापेक्षा त्याला नवा अनुभव किंवा जगण्याचा एक नवा अंदाज देणारी हवी.
जयवी नवीन

संजय....... तुमचं म्हणणं अगदी पटलं........ अपेक्षापूर्ती पेक्षा नवा अनुभव देता यायला हवा........ नक्की प्रयत्न करेन.
मदनबाण नवीन

वैधव्य दु:ख गहिरे, लपवून काळजाशी सौभाग्य चिन्ह भाळी, जपले अजून आहे वा... आहेत भोग सारे, जे पूर्व संचिताचे ते भोगणे जरासे, उरले अजून आहे क्या बात है... उन्मत्त वादळाने, ढळले किती मनोरे वाळूत बांधलेले, इमले अजून आहे अप्रतिम... :)
शैलेन्द्र नवीन

"आहेत भोग सारे, जे पूर्व संचिताचे ते भोगणे जरासे, उरले अजून आहे उन्मत्त वादळाने, ढळले किती मनोरे वाळूत बांधलेले, इमले अजून आहे अजुनी न जाग आली, मजला तशी पुरेशी दुलईत स्वप्न माझे, निजले अजून आहे" कवितेत नित्य वाहणारा आशावाद फार आवडला.. छान कविता..