श्री. प्रदीप कुलकर्णी यांच्या जाऊ दे मला या नितांत सुंदर गजलेचे विडंबन. श्री. प्रदीप कुलकर्णी हे अत्यंत प्रतिभावान गझलकार . आम्ही त्यांच्या गझलांचे चाहते. त्यांची जाऊ दे मला ! ही गझल वाचताच आमच्यातला दिड वर्ष सुस्तावलेला गझलकार खडबडून जागा झाला. आणि हे औधत्य आमच्या हातून घडले. सोड माझा हात... जाऊ दे मला ! मी जरी वाह्यात... जाऊ दे मला ! बायको रागावते हल्ली सखे फार झाली रात... जाऊ दे मला ! भेटण्याआधी तिला थुंकून द्या तोबरा तोंडात... जाऊ दे मला ! जेन्ट्स की लेडीज हे सांगू नका वाजताहे वात... जाऊ दे मला ! ज्या ठिकाणी गार होतो जीव हा त्या नव्या अड्ड्यात... जाऊ दे मला ! काय एका बाटलीचे चारशे? आणतो स्वस्तात... जाऊ दे मला ! बहकला 'धोंड्या' तमाशा पाहुनी नारही रंगात... जाऊ दे मला ! ----- धोंडोपंत