(रोज वाढते महागाई -)

सध्याच्या महगाईला उद्देशुन-
चाल - संथ वाहते कृष्णामाई
------------------------------------------------------

रोज वाढते महागाई.!
जनतेवरच्या अन्यायाची जाणीव तिजला नाही! रोज वाढते महागाई.!!

महा_गाई ही शासन निती, गतीगतीने सदा वाढती!
फायदातोटा गणिती कल्पना,नाही तिज ठायी !१!

रोज वाढते महागाई.!!

कुणी रुपया म्हणती खोटा, चलनवाढीचा फुटता फुगा !
बाजाराची उतरुन धुंदी, हाती काही नाही !२!

रोज वाढते महागाई.!!

सतत वाढते सोने चांदी, गृह्कर्जही मागे नसती !
माणसांची ही व्हावी दैना , पगार कुचकामी? !३!

रोज वाढते महागाई.!!

आपला
(कृष्णा काठचा) केळकर