मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव

नको तेच झाले

क्रान्ति · · जे न देखे रवी...
लेखनविषय:
गझल
पुन्हा पेच झाले; असेही, तसेही नको तेच झाले; असेही, तसेही जरा बोलले मी; रुढीहून काही निराळेच झाले; असेही, तसेही किती सोडवावे? पुन्हा उत्तरांचे उखाणेच झाले; असेही, तसेही मुके राहणेही विरोधात माझ्या, पुरावेच झाले; असेही, तसेही फुका बोलबाला ऋतूपालटाचा, उन्हाळेच झाले; असेही, तसेही कशाला निमित्ते हवी भेटण्याची? दुरावेच झाले; असेही, तसेही मला हासताना हसे शेवटी या जगाचेच झाले; असेही, तसेही
वाचने 7772 वाचनखूण प्रतिक्रिया 38

मदनबाण Fri, 06/11/2010 - 14:49
मुके राहणेही विरोधात माझ्या, पुरावेच झाले; असेही, तसेही वाह... मला हासताना हसे शेवटी या जगाचेच झाले; असेही, तसेही A वन !!! :) मदनबाण..... "Intelligence is what you use when you don't know what to do." Jean Piaget

राघव Fri, 06/11/2010 - 17:39
काय बोलावं आता.. असा प्रश्न पडावा इतकं छान लिहिलंय! :) मुके राहणेही विरोधात माझ्या, पुरावेच झाले; असेही, तसेही कशाला निमित्ते हवी भेटण्याची? दुरावेच झाले; असेही, तसेही मला हासताना हसे शेवटी या जगाचेच झाले; असेही, तसेही ... या द्विपदी विशेष आवडल्यात!! अवांतरः कवितासंग्रह कधी काढताय ते सांगा आता आधी. राघव

jaypal Fri, 06/11/2010 - 17:48
क्रान्तिकारी गजल *************************************************** दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/

प्राजु Fri, 06/11/2010 - 20:08
व्व्वा!! व्वा!! मस्तच!! मुके राहणेही विरोधात माझ्या, पुरावेच झाले; असेही, तसेही फुका बोलबाला ऋतूपालटाचा, उन्हाळेच झाले; असेही, तसेही फारच सुंदर!! - (सर्वव्यापी)प्राजक्ता http://www.praaju.net/

परिकथेतील राजकुमार Sat, 06/12/2010 - 12:23
वेताळोबांशी अगदी सहमत आहे. ह्या दोघींच्या कविता वाचायला आवडतात आणी मुख्य म्हणजे त्या वाचल्यावर कळतात.
मुके राहणेही विरोधात माझ्या, पुरावेच झाले; असेही, तसेही
हे जबर्‍याच. ©º°¨¨°º© परा ©º°¨¨°º© आमचे राज्य

शानबा५१२ Sat, 06/12/2010 - 02:24
मला हासताना हसे शेवटी या जगाचेच झाले; असेही, तसेही
सर्वात भारी!!! - लोकमान्य विद्यालयचा सउशानत

मिसळभोक्ता Sat, 06/12/2010 - 02:33
मराठीत सेमिकोलन आहे का ? मला अर्धविराम, पूर्णविराम, उद्गारवाचक चिन्ह, प्रश्नार्थक चिन्ह, अवतरण चिन्हे आठवतात. पण सेमिकोलन आठवत नाही. नसल्यास, सेमिकोलनला पौणविराम म्हणावे का ? -- मिसळभोक्ता (आमचेकडे सर्व प्रकारच्या आनंदांवर विरजण घालून मिळेल.)

पंगा Sat, 06/12/2010 - 02:37
त्याला अपूर्णविराम म्हणतातसे वाटते. मी अनेकदा वापरतो. (अर्थात याने काहीही सिद्ध होत नाही म्हणा.) पण प्रस्तुत कवितेत तो अस्थानी आहे असे वाटते. - पंडित गागाभट्ट.

मिसळभोक्ता Sat, 06/12/2010 - 04:14
त्याला अपूर्णविराम म्हणतातसे वाटते. आणि कोलन ला ? ता. क. कोलन म्हणजे ":", "====" हा नाही. (नीचभ्रू) -- मिसळभोक्ता (आमचेकडे सर्व प्रकारच्या आनंदांवर विरजण घालून मिळेल.)

मिसळभोक्ता Mon, 06/14/2010 - 08:57
कोलन अपूर्ण म्हटला, तर काय काय लीक होणार ? शी ! -- मिसळभोक्ता (आमचेकडे सर्व प्रकारच्या आनंदांवर विरजण घालून मिळेल.)

पंगा Sun, 06/13/2010 - 03:51
; (सेमायकोलन) आणि : (कोलन) यांपैकी एकाला अर्धविराम आणि दुसर्‍याला अपूर्णविराम म्हणतात एवढे अंधुकसे आठवते. नेमका कुठला कोण याबद्दल खात्री नाही. बहुतेक धनंजयशेठने वर दिलेले बरोबर असावे.
"====" हा नाही.
कोलन आडवा?????? - पंडित गागाभट्ट.

टारझन Sun, 06/13/2010 - 10:01
वरिल संभाषण पाहुन वाट्टे , पंग्यादादाला आणि भुक्त्याकाकाला वेळंच वेळ आहे .. =)) च्यामायला .. एवढी सुंदर कविता , तिचं रसग्रहण करायचं सोडुन कसल्या कोलनच्या न विसर्गाच्या मागे लागलेत हे लोक ? -(राजकारणी) प्रा.डॉ.दिल्लीत शिरुदे

मिसळभोक्ता Mon, 06/14/2010 - 08:56
पंगाशेठ, अंमळ पहुडा मग, कोलन आडवा?????? हा प्रश्न पडणार नाही. -- मिसळभोक्ता (आमचेकडे सर्व प्रकारच्या आनंदांवर विरजण घालून मिळेल.)

शानबा५१२ Sat, 06/12/2010 - 02:41
कवितेबद्दल लिवा की!! मस्त प्रश्न .......नाही खरच विचार करण्यासारख आहे नी माझ्यासारख्यांना तर होच. पुर्णविराम,comma असला की वाचताना काय बदल करायचे ते माहीती आहे,पण ; हे असल की अशा वेळी काय करायच????
नसल्यास, सेमिकोलनला पौणविराम म्हणावे का ?
पौण????? म्हणजे???? आणि तेच का???

मिसळभोक्ता Sat, 06/12/2010 - 04:16
कविता छान आहे, पण सेमिकोलन मुळे नीट फोकस होत नाही. स्वल्पविराम चालला असता. -- मिसळभोक्ता (आमचेकडे सर्व प्रकारच्या आनंदांवर विरजण घालून मिळेल.)

सहज Sat, 06/12/2010 - 06:33
बोंबला आता शुद्धविरामचिन्ह आग्रह देखील? बघा नको तेच झाले म्हणायचे की... :P कशाला निमित्ते हो सेमीकोलनाची? विरझण लावले; असेही, तसेही कविता छान आहे पण सॅड साँग आहे :-(

मिसळभोक्ता Mon, 06/14/2010 - 08:54
लवंगीताई, "फक्कड" हा अंमळ अश्लील शब्द आहे. धन्यवाद. -- मिसळभोक्ता (आमचेकडे सर्व प्रकारच्या आनंदांवर विरजण घालून मिळेल.)

टारझन Sat, 06/12/2010 - 13:32
एक काय ते ठरवा.लस्सी पीत आणि तपकीर ओढत इतरांच्या प्रतिसादांवर टीका करणार्‍या हिणकससम्राटांप्रमाणे 'गळ्यात कळ्यात' नको... बाकी "भोक्त्या -द विरजनवाला " कधीपासुन ताकाला भांडे लपवायला लागला ? - उकळहप्ता

पंगा Sun, 06/13/2010 - 03:54
पण सेमिकोलन मुळे नीट फोकस होत नाही.
कॅन्सर म्हणजे (माझ्या समजुतीप्रमाणे) शेवटी (पेशींची) अमर्याद आणि नियंत्रण सुटलेली वाढ हे लक्षात घेता, ही कविता (सेमि)कोलन-कॅन्सरग्रस्त म्हणून घोषित करता यावी काय? (माझी समजूत चुकीची असल्यास: चूभूद्याघ्या.) - पंडित गागाभट्ट.

मिसळभोक्ता Mon, 06/14/2010 - 08:52
दोज हू फोकस ऑन सिंटॅक्स रादर दॅन सिमँटिक्स आर बाउंड टु गेट अफ्लिक्टेड विथ द कॅन्सर ऑफ द सेमाय कोलन. (ता.क. अभिजात संगिताला शास्त्रीय म्हणवून घेणारे तथाकथित संगीतज्ञ्य देखील ह्याच विकाराने ग्रस्त असतात.) क्रान्तिताईंनी स्वल्पविराम वापरायला हवा होता, एवढेच म्हणतो. -- मिसळभोक्ता (आमचेकडे सर्व प्रकारच्या आनंदांवर विरजण घालून मिळेल.)

तिमा Sun, 06/13/2010 - 10:34
क्रांतिताई, सुरेश भटांचा वारसा चालवणार तुम्ही! हर शख्सको अपना बनाके देख लिया मिलेंगे ना किसीसे ये दिलमें ठानी है|

श्रावण मोडक Mon, 06/14/2010 - 09:30
किती सोडवावे? पुन्हा उत्तरांचे उखाणेच झाले; असेही, तसेही आवडली. मला हासताना हसे शेवटी या जगाचेच झाले; असेही, तसेही या द्विपदीत 'या' आणि 'जगाचेच' तुटतात. काही वेगळे केले असते तर अधिक प्रभावी झाले असते. (ही प्रतिक्रीया वृत्त, मात्रा, छंद यांच्याशी संबंधित नाही, कारण अज्ञान!)

टारझन Tue, 06/15/2010 - 22:18
काही वेगळे केले असते तर अधिक प्रभावी झाले असते.
मला क्षणभर वाटलं ही गुर्जींचीच की काय प्रतिक्रीया ... पण भुवया उंचवुन पाहिलं .. हे तर आपले श्रामो :) असो :)