एक मुक्तक.

अहो, पोर किंचाळत उठली राफा --राफा म्हणत, घोर लागला मला मेलीला. (पण ) तुम्ही आपले घोरत होतात. मला मेलीला (पण ) स्वप्न पडतात भलती सलती. पोर किंचाळत उठली आणि तुम्ही आपले तोंड उघडून.. (श्शी बाई! अजूनही लाळेची तार उशीवर.) तर मी सांगत होते क्काय... तो कावळा मेला बंद झाला. पूर्वी डोळा लागला की चंद्र दिसायचा आणि हा मेला त्या चंद्रावर. आताशा कुठे गेला काय ठावकी (पण) पोर किंचाळत उठली ... तुम्ही आपले.. (आणि) मला सांगा हो तुमची स्वप्नं, आधी कसं तुम्ही सांगायचात मी आले तुमच्या स्वप्नात. खोटं मेलं सगळं (पण) तुमचं तोंड (बघतेय आजकाल मी!) झोपेतच उघडतं. पोर किंचाळत उठली (आणि) मी हाका मारतेय तुम्हाला. (मेलं दचकायचं काय येवढं.) आणि काय पण ध्यान . एक हात तिथे (आणि ) दुसर्‍या हातात ब्रह्मगाठ.

लेखनविषय:	मुक्तक

याद्या 5800

प्रतिक्रिया 21

प्रतिक्रिया

लोळतोय!

Nile बुधवार, 02/12/2009

एका हात तिथे (आणि ) दुसर्‍या हातात ब्रह्मगाठ.

=)) =)) आयचा घो म्हणायची वेळ की हो! ;) अश्या 'प्रेरणा' नक्की कुठुन मिळतात कोण जाणे? ;)

एका हात

टारझन बुधवार, 02/12/2009

एका हात तिथे (आणि ) दुसर्‍या हातात ब्रह्मगाठ.

बो !! ___/\____ - (तुर्त) हातदास

उत्तम!

धनंजय गुरुवार, 03/12/2009

एकदम क्लास.

संदर्भांसहित

श्रावण मोडक गुरुवार, 03/12/2009

संदर्भांसहित कंस वाचले. दुर्बोध आणि त्यामुळंच दर्जेदार!

हेच

सहज गुरुवार, 03/12/2009

दुर्बोध आणि त्यामुळंच दर्जेदार! :-)

हेच म्हणतो

निखिल देशपांडे गुरुवार, 03/12/2009

दुर्बोध आणि त्यामुळंच दर्जेदार! निखिल ================================ करा चर्चा दुज्यांच्या पातकांची, स्वतःला तेवढे गाळून बोला!!!!

दुर्बोध?

विनायक प्रभू गुरुवार, 03/12/2009

५० शीच्या आसपास च्या कुटुंबाची अवस्था अगदी स्पष्ट शब्दात. चरणामृत पाठवा हो मुनिवर्य. हाथ आणि ब्रम्हगाठ- असुरक्षिततेचे रास्त वर्णन.

जोरदार

सुवर्णमयी गुरुवार, 03/12/2009

उत्तम कविता. मला या कवितेचा शेवट असा करता आला असता का? हिंमत नाही अजून तेवढी:) शेवट असाच हवा असला तरी वेगळ्या शद्बांनी तोच अर्थ आणता येईल.. कदाचित ते जास्त थेट होणार नाही..मी तो मार्ग पत्करला असता.

नदाल

उमराणी सरकार गुरुवार, 03/12/2009

सुरूवातीच्या काही ओळी वाचल्यावर कविता टेनिसपटू नदाल विषयी आहे असा ग्रह झाला. उमराणी सरकार

न करा चिंता असाल सुखे| सकळ अरिष्टे गेली दु:खे

अ‍ॅब्स्ट्

विसोबा खेचर गुरुवार, 03/12/2009

अ‍ॅब्स्ट्रॅक्ट...! छान!

पुन्हा षटकार...

हर्षद आनंदी गुरुवार, 03/12/2009

आणि काय पण ध्यान . एक हात तिथे (आणि ) दुसर्‍या हातात ब्रह्मगाठ. =)) =)) =)) =)) =)) =)) =)) :* आम्ही हिंदूत्ववादी !! आमची शाखा कुठेही नाही..

ऑब्सेसिव्

विजुभाऊ गुरुवार, 03/12/2009

ऑब्सेसिव्ह अ‍ॅबस्ट्रॅक्टीझम की कायसे म्हणतात ते हेच काहो रामदासकाका

हॅ हॅ हॅ

दशानन गुरुवार, 03/12/2009

:) हॅ हॅ हॅ ! ब्रम्हगाठ =)) ***** मराठी माणसावर मराठी माणसाकडूनच महाजालावर जोपर्यंत अन्याय होत आहे तो पर्यंत मी चचणार नाही

छान छान

llपुण्याचे पेशवेll गुरुवार, 03/12/2009

छान छान रामदास काका. प्रजापती आणि ब्रम्हगाठ वाह! काय बादरायण संबंध आहे. :) पुण्याचे पेशवे आम्ही हल्ली सहीत वाक्यं लिहिणं बंद केले आहे. Since 1984

एक हात

फ्रॅक्चर बंड्या गुरुवार, 03/12/2009

एक हात तिथे (आणि ) दुसर्‍या हातात ब्रह्मगाठ. =)) =)) =)) =)) =)) binarybandya™

प्रणाम

सुमीत भातखंडे गुरुवार, 03/12/2009

__/\__

दुर्बोध!!!

बिपिन कार्यकर्ते गुरुवार, 03/12/2009

कविता आधीच वाचली होती. पहिल्या वाचनात काय तरी अंदाज आला. पण नीटसं कळलं नाही. पण रामदासस्वामींची कृपा जाहली आणि बोधु जाहला. आणि हो... क्लास मेंटेंड. काँग्रॅट्स सर !!! बिपिन कार्यकर्ते

_/\_

धमाल मुलगा गुरुवार, 03/12/2009

तर मी सांगत होते क्काय... तो कावळा मेला बंद झाला. पूर्वी डोळा लागला की चंद्र दिसायचा आणि हा मेला त्या चंद्रावर. आताशा कुठे गेला काय ठावकी

=)) =)) =)) =)) =)) =)) साष्टांग!! >>पण रामदासस्वामींची कृपा जाहली आणि बोधु जाहला. हेच म्हणतो! उगं आम्ही विप्रमास्तरांना क्रिप्टीक क्रिप्टीक म्हणुन हाकारतो! च्यायला, खरी पेश्शल गोम इकडं आहे ह्याची अनुभुती मिळाली! =)) -(स्टेफी--स्टेफी म्हणत किंचाळणारा) ध. ;)