मिसळपाव
कारण तू
हल्ली मी कुठेच जात नाही.
कारण काय विचारतेस?
कारण तूच.
सवय लागलीये मनाला,
नको तिथे तुझे संदर्भ शोधायची..
तुझ्या पाऊलखुणा,
पुन्हा पुन्हा शोधायची.
एक दिवस उबग आला तुझा,
तुझ्या आठवणींचा,
मग ठरवलं आता जायचंच नाही कुठे..
काय म्हणालीस?
तसंही मला कुठे हौस होती फिरायची?
नव्हतीच ती, आजही नाही
मंदिरात जायची तर कधीच नव्हती हौस
पण तरी यायचो तुझ्याबरोबर..
गर्दीनं रेटून रेटून देवापुढे आणल्यावर
ते एक दोन क्षण काय तृप्त भाव असायचे तुझ्या चेहऱ्यावर
ते टिपायला म्हणून यायचो..
तिथून बाहेर पडल्यावर 'छान झालं नाही दर्शन'
असं घंटेसारख्या किणकिणत्या आवाजात
म्हणायचीस ना?