नारळीभाताची पाककृती अभिज्ञ ने मागितली होती. इथे माझी रेसिपी देत आहे. साहित्य : १. १ वाटी बासमती तांदूळ. २. तूप २ टे, स्पून ३. लवंगा ५-६ ४. वेलची ३-४ ५. गूळ(किसून किंवा चिरून) सव्वा वाटी ६. ओल्या नारळाचा चव १ वाटी. ७. ड्राय फ्रुट्स कृती : १. प्रथम तांदूळ स्वच्छ धुऊन त्याचा मऊ मोकळा भात शिजवून घ्यावा. आणि तो गरम असतानाच एका तसराळ्यात पसरून ठेवावा.. पसरताना त्याची शिते मोडणार नाहीत याची काळजी घ्यावी. २. एका जाड बूडाच्या पातेल्यात तूप घालावे. ते गरम झाले की , त्यात लवंगा आणि वेलची घालावी. त्यातच काजूचे तुकडे, बदामाचे काप इ. सुका मेवा परतून घ्यावा. खूप लाल करू नये. ३. आता त्यात गूळ घालावा.