सर्जेकोट किल्ला , सर्जेकोट बंदर , शिंपला बेट तीन दिवसाच्या स्वर्गीय कोकणच्या रोडट्रीप मध्ये आज जातोय तिसऱ्या दिवसाच्या प्रवासावर, आज आम्ही जातोय सिंधुदुर्ग जिल्ह्यातील मालवण जवळ असलेल्या सर्जेकोट या गावात. मालवण पासून ९ किलोमीटर असलेलं हे गाव. तळाशील नदी आणि अरबी समुद्राच्यावर संगमावर असलेलं हे गाव . इथे १६६८ साली छत्रपती शिवाजी महाराजांनी बांधलेला सर्जेकोट किल्ला आहे तसेच सर्जेकोट बंदर , शिंपला बेट , कवडा बेट अशी ठिकाणे पाहायला मिळतात. सर्जेकोट किल्ला - छत्रपती शिवाजी महाराजांनी १६६८ च्या दरम्यान सिंधुदुर्ग किल्ल्याच्या रक्षणासाठी ३ किल्ले बांधले, राजकोट , पद्मदुर्ग आणि हा सर्जेकोट.

छ्त्रपती संभाजी महाराजांच्या गोवा स्वारीत अगदी सुरवातीलाच उल्लेख येतो, तो या साखळी किल्ल्याचा. वास्तविक संभाजी राजांची गोवा मोहीम होति, या गोमांतक भुमीतून फिरंग्याचे उच्चाटन करण्यासाठी, पण या मोहीमेला विरोध दाखविला तो आमच्याच लोकांनी, गोव्यातील देसायांनी, नाईलाजाने राजांना त्यांच्यावरही कारवाई करावी लागली. यामध्ये साखळीच्या रुद्राजी राणे आणि येसोबा यांनी आपली कुटूंबे पोर्तुगीज सरकारच्या आश्रयाला पाठवून संभाजी राजांविरुध्द बंड केले. साखळीचा किल्ला सावंतवाडीच्या खेम सावंतांनी बांधला असे इतिहासकार सांगतात. वाळवंटी नदीतून चालणार्‍या जलवहातुकीवर नजर ठेवण्यासाठी याची उभारणी केली असावी.