पावभाजी व्रताची गोष्ट

व्रताची गोष्ट आवडली. आमच्या घरी पावभाजीचा वार शुक्रवार!! का? अहो फ्रिजमधल्या सगळ्या भाज्या संपवुन तो येत्या रविवार साठी रिकामा करायला.

व्रताची गोष्ट आवडली.. मी पण आठवी-नववी पासुन हे व्रत घेतलंय...
लेकीला फार आवडते त्यामुळे ८-१५ दिवसातुन एकदा होतेच होते...
तुम्ही प्रयोग करताय तर एक शॉर्ट्कट सांगते..अजिबात कांदा न घालता भाजी करुन बघा.. कांदा फक्त वरुन घ्यायचा...
आमच्या गावच्या पावभाजी वाल्याने दिलेली टीप...ते लोक कांदा घालतच नाहीत...मस्त होते.. सोपी सुटसुटीत..
मोठ्या प्रमाणात करायची असेल तर बिन कांद्याची भाजी म्हणजे वरदान..
चला आता या आठवड्यात करणे आले.

आज माझ्या घरी हे व्रत संपन्न होणार आहे.बायडी एकदम भारी पावभाजी बनवते!ती देखील थोडासा बीट घालते,भाजी स्मॅश करण्याचे काम अनेकदा माझ्याकडे दिले जाते.
एवरेस्टचा मसाला बर्‍याच वेळा वापरला जातो.लेख पाहुन पनीर मसाला टाकण्याची सुचना बायडीस केली आहे. :)

मदनबाण.....
आजची स्वाक्षरी :- Toca Toca... : Fly Project

बटाटा, फ्लॉवर, हिरवे वाटाणे आणि गाजर. वरून कच्चा कांदा, लिंबू आणि कोथिंबीर घेतल्याशिवाय त्या भाजीला पूर्णत्व येत नाही. लोण्यावर गरम भाजलेले वरून कुरकुरीत पण आतून मऊ लादी पाव!! स्वर्गच! "काय करूया?" या प्रश्नाचं सर्वात सोपं आणि हक्काचं उत्तर म्हणजे पावभाजी!

"हे व्रत मी अगदी बालपणातच अंगिकारलं होतं"

मी पण 👍
माझी एक मावशी खूप छान पाव-भाजी बनवायची, आता तीची इहलोकीची यात्रा संपली असली तरी पाव-भाजीशी तिच्या आठवणी कायमस्वरूपी जोडल्या गेल्या असल्याने आम्ही कुटुंबीय आणि काही सख्या शेजाऱ्यांच्या मनात ती सदैव जिवंत राहणार आहे.

'कांदा, बटाटा, टोमॅटो, फ्लॉवर, सिमला मिरची, फरसबी, भिजवलेले पण मोड न आलेले हिरवे वाटाणे, ताजी ताजी आलं-लसूण पेस्ट, अमूल बटर, एव्हरेस्ट पावभाजी मसाला' हे अत्यावश्यक जिन्नस आणि पुरेसा वेळ हाताशी नसेल तर पावभाजी करूच नये असा तिचा कडक खाक्या होता.

'खडा' स्वरूपात वापरायच्या भाज्यांची कटिंग वेगळी, एकत्र उकडून मिक्सर मधून काढण्याच्या भाज्या वेगळ्या, तीन टप्प्यातील पावभाजी मसाल्याचा वापर, तिखट-मीठ टाकण्याची वेळ असे सगळे तिचे एकदम निगुतीने चालायचे आणि प्रत्येकवेळी मी लक्ष देऊन ते सगळं बघत राहायचो.

तिच्या पद्धतीने मोठ्या कढई/फ्राईंग पॅन मध्ये अमूल बटरच्या पाकिटातील अर्धी वडी वितळल्यावर त्यात बारीक चिरलेला कांदा गुलाबीसर होईपर्यंत परतल्यावर पावभाजी मसाला भुरभुरण्याचा पहिला टप्पा पार पडण्यापासून ते पूर्ण तयार झालेल्या भाजी सोबत बटरने थबथबलेले भाजलेले पाव, वरून घालायला बटरचा तुकडा/किसलेले चीज, कांदा, बारीक कापलेली कोथिंबीर, लिंबाची फोड आणि तव्यावर भाजलेला कुरकुरीत उडदाचा पापड समोर आल्यावर चवीने त्यांचा आस्वाद घेतल्यावरच माझे 'पावभाजी व्रत' सुफळ संपूर्ण होते 😋

मावशीची हि रेसिपी आजही जशीच्या तशी फॉलो करतो, फक्त काही वर्षांपूर्वी एका हॉटेल व्यावसायिक मित्राकडून मिळालेल्या 'टीप' नुसार उकडून मिक्सरमधून काढायच्या भाज्यांमध्ये भरल्या वांग्यांसाठी आपण वापरतो त्या आकाराच्या एका लहानशा वांग्याची भर पडल्यापासून तर घरी बनणाऱ्या पावभाजीच्या टेक्स्चर आणि चवीला अक्षरशः चार चांद लागले आहेत.

स्वाद, सुगंध आणि चवीला पहिले प्राधान्य देत असल्याने बिट आणि गाजरातल्या अंगभूत गोडव्यामुळे पावभाजीचा मजा किरकिरा करणाऱ्या ह्या दोन भाज्यांसाठी माझा 'बिग नो', उकडलेला कोबी एकवेळ चालून जाईल पण त्याचा अंगभूत उग्र वास भाजीचा फ्लेवर बिघडवू शकतो म्हणून त्याचेही प्रमाण फरसबी प्रमाणेच कमी असावे असे माझे मत!

पावभाजीची ही सचित्र रेसिपी लिहिण्याचा विचार एकदा डोक्यात आला होता पण मागे 'चिजी बटरी पिझ्झा'च्या धाग्यावर काही मिपामित्रांनी 'माझ्या रेसिपीज त्यांच्या वजनवाढीसाठी कारणीभूत ठरू शकणार' असल्याची प्रेमळ तक्रार केल्याने तो विचार सोडून दिला 😉

अर्थात प्रत्येकाचे 'विधी' थोडेफार वेगळे असल्याने 'फलप्राप्तीत' किरकोळ फरक असू शकेल पण आपल्यासारख्या ह्या व्रताचे पालन करणाऱ्यांचा 'संप्रदाय' बऱ्यापैकी मोठा असावा हे प्रतिसादांतून जाणवले आहे!

...अर्थात प्रत्येकाचे 'विधी' थोडेफार वेगळे असल्याने 'फलप्राप्तीत' किरकोळ फरक असू शकेल पण आपल्यासारख्या ह्या व्रताचे पालन करणाऱ्यांचा 'संप्रदाय' बऱ्यापैकी मोठा असावा हे प्रतिसादांतून जाणवले आहे!

या संप्रदायाचे वारकरी आमच्या घरी सर्वच जण आहेत! पावभाजी अधूनमधून करण्यात येतेच. सुरुवातीपासून मात्र विकतचे बटर न वापरता साजूक तूप वापरतो.

---

आजची स्वाक्षरी:
कांदा-लिंबाशिवाय मिसळपावला चव नाही.
कांदा-लिंबाशिवाय पावभाजीला चव नाही.