[कविता' २०२०] - देता निरोप तुजला

Primary tabs

साहित्य संपादक's picture
साहित्य संपादक in स्पर्धा
19 May 2020 - 10:27 am

देता निरोप तुजला



देता निरोप तुजला, स्मरले क्षणात काही..
सांगायचे तुला जे, विरले मनात काही..

तू घाव जे दिलेले, सारे भरून गेले.
व्रण मात्र खोल त्याचे, उरले उरात काही..

मन थांबता जरासे, सुख सापडून गेले.
जे शोधण्या उगा ते, फिरले दिशात दाही..

मिळते म्हणे प्रसिद्धी, सफलतेच्या कथांनी
मम बर्बादीचे किस्से, फिरले जनात काही..

करण्या उजाड मजला, ढग संकटांचे आले.
बरसून काही गेले, विरले नभात काही..

ही जिंदगी कश्याचे, देते धडे अजुनही,
सोसावयास नाही, उरले जगात काही..


प्रतिक्रिया

मनिष's picture

19 May 2020 - 1:58 pm | मनिष

+१

फारंच सुरेख आहे ही !!

ही जिंदगी कश्याचे, देते धडे अजुनही,
सोसावयास नाही, उरले जगात काही..

प्रिती-राधा's picture

19 May 2020 - 11:18 pm | प्रिती-राधा

+1

रातराणी's picture

20 May 2020 - 12:00 pm | रातराणी

+ 1

फार सुरेख!

चांदणे संदीप's picture

21 May 2020 - 7:14 am | चांदणे संदीप

पुलेशु!

सहजचः दोन उरले, दोन फिरले, दोन विरले ;)

सं - दी - प

स्वच्छंद's picture

25 May 2020 - 10:58 pm | स्वच्छंद

खरं सांगायचं तर काफिया कडे लक्ष देता देता याकडे लक्ष गेलेच नाही. तुम्ही सांगितल्यानंतर मला हे लक्षात आले. आता थोड आश्चर्य वाटतंय याचं. पण आपले प्रतिसादाबद्दल धन्यवाद.

प्राची अश्विनी's picture

22 May 2020 - 11:34 am | प्राची अश्विनी

+1

पैलवान's picture

23 May 2020 - 11:49 am | पैलवान

ही जिंदगी कश्याचे, देते धडे अजुनही,
सोसावयास नाही, उरले जगात काही..

असं काही नसतं.
कल्पनेपलीकडील संकटे घडण्याची वाट बघत थांबलेली असतात.

स्वच्छंद's picture

25 May 2020 - 10:59 pm | स्वच्छंद

हो खरंय

ही जिंदगी कश्याचे, देते धडे अजुनही,
सोसावयास नाही, उरले जगात काही..

+1