Skip to main content

फोटो ओळखा 2

लेखक खंडेराव
Published on गुरुवार, 14/03/2019
संदर्भ - Photo Olkha 1 नमस्कार. मिपाकर भरपुर फिरतात, फोटोही काढतात. असा एक धागा असावा का, जिथे आपण फोटो टाकु आणि इतरान्नी ते ओळखावेत? थोडा डोक्याचा व्यायामही होईल, आणि नवीन जागा बघायला मिळतील. काही सोपे नियम - एका वेळेस एकच फोटो उत्तर मिळाल्यावर फोटो टाकनार्याने नक्की करावे बरोबर आहे कि नाही. फोटो ओळखुन झाल्यावर पुढचा फोटो टाकावा. फोटो असे असावेत कि जागेचा अंदाज येइल.
याद्या 126498
प्रतिक्रिया 263

प्रतिक्रिया

गोरगावलेकर गुरुवार, 14/03/2019
छान फोटो. अजून ही जागा पाहिलेली नाही. पण गुगलवर पटकन सापडली. लगेच सांगत नाही. इतरांना न कळता कसे सांगता येईल?

गोरगावलेकर गुरुवार, 14/03/2019
छान फोटो. अजून ही जागा पाहिलेली नाही. पण गुगलवर पटकन सापडली. लगेच सांगत नाही. इतरांना न कळता कसे सांगता येईल?

खंडेराव शुक्रवार, 15/03/2019
बरोबर आहे, पण मातंग टेकडी नाही. माझा हा सर्वात आवडता स्पॉट, मलायवंत रघुनाथ मंदिर, थोड्या आडबाजूला आहे पण थेट वरपर्यंत गाडी जाते आणि छान व्यु दिसतो..

प्रचेतस शुक्रवार, 15/03/2019
बरोबर. कमलापुराहून विठ्ठल मंदिराकडे जाणाऱ्या रस्त्यावर, कांपिल्य नगरीचा रस्ता सोडून वळल्यावर उजव्या बाजूला ही टेकडी आणि त्यावरचे हे मंदिर खुणावत असते.

खंडेराव शुक्रवार, 15/03/2019
तेच...यावेळेस सकाळी बरोबर इडल्या आणि नाश्ता घेऊन गेलो आणि तिथे बसून खाल्लं, मजा आली..

तुषार काळभोर रवीवार, 17/03/2019
चा बंद केलेलं बटन आता चालू झालंय. जवळपास कुठं! उस्मानाबादमधी गेलास पार! आई राजा उदो उदो!!

चौथा कोनाडा मंगळवार, 19/03/2019
अभ्याशेट, सदरचा फोटो गुगल / गुगल फोटो वरून शेअर ऑल केला होता काय ? मला गुगल फोटो वरून शेअर करायला गेल्या काही दिवसांपासून अडचण येत आहे. ही समस्या गुगल / गुगल फोटो आणि मिपा संस्थळ यांची संयुक्त समस्या आहे काय ?

अभ्या.. मंगळवार, 19/03/2019
हा, गुगल वरुनच शेअर केलेला, काय प्रॉब्लेम आहे काय कळत नाही गुगल्यासोबत. आधी असे होत नव्हते कधी.

डॉ सुहास म्हात्रे मंगळवार, 19/03/2019
सुरक्षिततेच्या अनेक समस्यांनी ग्रासलेली गुगल+ सेवा आता बंद होणार आहे, त्यामुळे तिच्यावरचे अनेक पर्याय एक एक करत बंद होत आहेत. २ एप्रिलला गुगल+ संपूर्णपणे बंद होईल. पूर्वी, गुगल+ मध्ये अल्बम केव्हाही शेअर/अन्शेअर करता येत होता. आता, अल्बम बनवतानाच तो शेअर्ड की अनशेअर्ड आहे हे ठरवावे लागते, तरच तो पब्लिकली शेअर्ड होतो. अनशेअर्ड अल्बममधील फोटो केवळ वैयक्तिक इमेल अ‍ॅड्रेस देऊन प्रत्येकाशी स्वतंत्र शेअर करावे लागतात. याला उपाय असा की, "एक स्वतंत्र नवीन शेअर्ड अल्बम" बनवा, त्यात मिपावर टाकायचे फोटो "अ‍ॅड" करा आणि मिपावर टाकायच्या चित्रांचे "इमेज अ‍ॅड्रेसेस" त्या अल्बममधून घ्या.

चौथा कोनाडा बुधवार, 20/03/2019
धन्यवाद, डॉसाहेब, बहुमोल माहिती साठी ! आपण सांगितलेल्या पद्धतीनं मी गुग ल फोटोज वरून एक चित्र शेअर केलं, पण समस्या कायम आहे. (प्लिज मी टाकेलेली लेटेस्ट प्रतिसाद पहा) (स्वचिंतन : आ य ल्ला, गुगल बंद पड लं तर आम्ही गरि ब मा णसांनी जागायचं कसं ? )

डॉ सुहास म्हात्रे बुधवार, 20/03/2019
सर्व गुगल नाही फक्त "गुगल+" हा त्याचा एक भाग बंद केला जाणार आहे. बाकी सर्व गुगल उत्तमरित्या चालू आहे आणि चालू राहणार आहे. २०१५ मध्ये सुरु केलेल्या गुगल+ या गुगलच्या सोशल मेडिया प्लॅटफॉर्ममध्ये असलेल्या काही तृटींमुळे वापरकर्त्यांचा डेटा चोरी होण्याची शक्यता होती व तो प्रकार बंद करणे गुगलला शक्य होत नव्हते. त्यामुळे, आता गुगल+ बंद करण्याचा निर्णय घेतला आहे. गुगल+ मध्ये वैयक्तिकरित्या व गृप बनवून फोटो/मेसेजेस/इ अनेक प्रकारचे शेअरिंग पर्याय होते, ते गायब झाल्याने आता फक्त (अ) बनवण्याच्या वेळेस '(पब्लिकली) शेअर्ड' असलेला अल्बम किंवा (आ) एक एक ईमेल अ‍ॅड्रेस वापरून शेअर केलेला अल्बम, असे दोनच पर्याय शिल्लक राहिले आहेत. त्यामुळे, आताही वर दिलेल्या पायर्‍या वापरून मिपावर फोटो शेअर करता येतील. मिपावर चित्रे टाकण्याची कृती या धाग्यातील पायर्‍या वापरून पहा.

अभ्या.. रवीवार, 17/03/2019
क्या पाटीलसाब, हमराच औषध हमकोच पिलाते क्या? अच्छा नई हा ये. फोटो सचमे दिखता नई क्या?

गोरगावलेकर शनीवार, 16/03/2019
बरोबर. यातील कर्णाई देवी (दुर्गादेवी) व हनुमान यांच्या व्यतिरिक्त आणखी तीन मूर्ती आहेत त्यांची नावे माझ्या माहितीकरिता सांगू शकाल का?

गोरगावलेकर शनीवार, 16/03/2019
नाही.मला वाटतं यात हनुमानाचीही मूर्ती नाही. इतर सर्व मूर्ती कोणत्या ते माझ्या माहितीकरिता सांगा.

प्रचेतस शनीवार, 16/03/2019
मुख्य मूर्ती दुर्गा, बाजूच्या दोन्ही महिषासुरमर्दिनी, इतर दोन्ही मूर्ती खण्डित असल्याने नीटश्या ओळखू येत नाहीत पण शक्यतो भैरव असावेत.

प्रसाद_१९८२ शनीवार, 16/03/2019
फोटो विशाखापट्टणमच्या RK बिच जवळचा आहे असे वाटते.

प्रचेतस शनीवार, 16/03/2019
होय

ज्ञानोबाचे पैजार शनीवार, 16/03/2019
आम्ही तुमचे सगळे लेख मनापासुन आणि पुन्हा पुन्हा वाचतो, ह्या ठिकाणाला आम्ही तुमच्याच डोळ्यांनी इथे मिपावर पाहिले आहे. प्रतेक्ष दर्शन झाले नाही अंजनेरीच्या मंदीराचा फोटू आहे हा पैजारबुवा,

खंडेराव मंगळवार, 19/03/2019
तुम्हाला! मला वाटले हा तसा अवघड असेल. गंदीकोटचा किल्ला - त्यातले धान्यभांडार..

प्रचेतस बुधवार, 20/03/2019
गंडीकोटच्या किल्ल्याबद्द्ल कुठेतरी काहीसं वाचलेलं होतं. शिवाय ग्रॅण्ड कॅनियन सदृश भुरुप येथेच आहे हेही माहीत होतं.

गोरगावलेकर मंगळवार, 19/03/2019
हे मंदिर ओळखा. डॉ. खरेंच्या एका प्रतिसादात या मंदिराचा उल्लेख आला होता तो वाचूनच हे मंदिर पहिले होते.

गोरगावलेकर बुधवार, 20/03/2019
हे काही प्रसिद्ध पर्यटन स्थळ नाही. त्यामुळे ओळखणे कठीणच आहे. मिपावर ४-५ महिन्यांपूर्वी दुसऱ्या एका मंदिराविषयी चर्चा सुरु असताना स्वच्छतेबद्दल या मंदिराचा उल्लेख डॉ. खरेंनी केला होता. तेव्हा त्यांनीच उत्तर दिलेले बरे. नाहीतर उद्या मी सांगतेच.

डॉ सुहास म्हात्रे बुधवार, 20/03/2019
इथे तुम्ही फोटो अल्बम किंवा फोटोच्या थंबनेलचा "इमेज अ‍ॅड्रेस" वापरला आहे. त्याऐवजी, पूर्ण आकारात डिस्प्ले केलेल्या फोटोचा "इमेज अ‍ॅड्रेस" वापरला की तो फोटो असा दिसेल...

डॉ सुहास म्हात्रे गुरुवार, 21/03/2019
प्रथम, रूंदी किंवा उंची यापैकी कोणताही आकडा न टाकता पूर्वपरिक्षण करावे, त्यात चित्र नीट दिसत असेल तर तसेच प्रसिद्ध करावे. वरच्या चित्रासाठी तसेच केले आहे. पूर्वपरिक्षण पाहून चित्राचा आकार बदलण्याची गरज वाटल्यास, इमेज साईझ देताना रुंदी व उंची यापैकी फक्त एकच पर्याय वापरावा... लँडस्केप चित्रांसाठी फक्त रुंदी आणि पोर्ट्रेट चित्रांसाठी फक्त उंची टाकावी... तसे केल्यास, उरलेला आकडा मूळ चित्राच्या प्रमाणाप्रमाणे निवडला जातो व म्हणून चित्र प्रमाणशीर दिसते.

डॉ सुहास म्हात्रे बुधवार, 20/03/2019
तुम्ही फोटोच्या थंबनेलचा "इमेज अ‍ॅड्रेस" वापरल्यामुळे तो दिसत नाही. थंबनेलवर डबल क्लिक करून संपूर्ण / मोठ्या आकारात डिस्प्ले झालेल्या चित्राचा "इमेज अ‍ॅड्रेस" वापरल्यावर तो फोटो असा दिसतो आहे...

नेत्रेश शुक्रवार, 22/03/2019
रस्त्यावर ज्या ठीकाणी काच लावली आहे तीथे श्रीमती ईंदिरा गांधीना गोळ्या घातल्या होत्या. एकदा हे ठीकाण पाहील्यावर कधी विसरता येईल असे वाटत नाही. Information

ज्ञानोबाचे पैजार शनीवार, 23/03/2019
इकडे प्रतेक्ष कधी गेलो नाही पण हा फोटू बी आधी नक्की पाहिल्याचे आठवते आहे . तुमच्याच कुठल्या तरी जुन्या धाग्यात असणार. थोडा वेळ मिळाला की जुने धागे उचकतो, १०१% याचे उत्तर तिकडेच मिळेल. पैजारबुवा,

प्रचेतस शनीवार, 23/03/2019
ह्या मंदिरावर अजून लिहिलेले नाही त्यामुळे हा फोटो असण्याची शक्यता कमी आहे. :)

गोरगावलेकर शनीवार, 23/03/2019
हे सापडले बालेश्वर मंदिर पेडगाव अहमदनगर https://ahmednagar.nic.in/mr/tourist-place/%E0%A4%AC%E0%A4%BE%E0%A4%B2%E0%A5%87%E0%A4%B6%E0%A5%8D%E0%A4%B5%E0%A4%B0-%E0%A4%86%E0%A4%A3%E0%A4%BF-%E0%A4%B2%E0%A4%95%E0%A5%8D%E0%A4%B7%E0%A5%8D%E0%A4%AE%E0%A5%80%E0%A4%A8%E0%A4%BE%E0%A4%B0%E0%A4%BE/

ज्ञानोबाचे पैजार शनीवार, 23/03/2019
वाटते तर तेच आहे पण वल्लींच्या फोटूत नदिच्या जागी हिरवळ दिसते आहे. मला अजुनही वाटते की मी हा फोटो आधि पाहिला आहे कुठे पाहिला ते शोधतोच... पैजारबुवा,

चौथा कोनाडा शनीवार, 23/03/2019
गोरगावलेकर, मला ही हेच मंदिर वाटतंय. बरीच तुलना करून पाहिली. ९९.९९ % हेच असणार. @ज्ञा पै, ती हिरवळ म्हणजे नदीतील जलपर्णी असावी.