एक तरी शिवी आठवावी

एक तरी शिवी आठवावी

"एक तरी ओवी आठवावी" असे कुणीसे म्हटले आहे त्याच चालीवर " एक तरी शिवी आठवावी" असेही कुणीतरी (म्हणजे मीच) म्हटले आहे.

मी आणि मला दिलेल्या शिव्या हा स्वतंत्र लिखाणाचा भाग होऊ शकेल असे मला कधी वाटले न्हवते पण झाला आहे खरा.

मी अगदीच लहान असताना हा चोर आहे किंवा लबाड आहे अस मला म्हटले गेले असेलच किमान तशी शंका घ्यायला वाव आहे, कारण मला थोडस समाजायला लागल्यावर " लबाड अगदी आईवर गेलाय" हे मी ऐकत होतो ( आइवर गेलाय म्हणजे अगदी आईच्या जीवावर गेलाय अगदी आईच्या जीवावर उठलाय, आईचा जीव घेऊनच शांत झालाय असा काही अर्थ नीघेल अस मला तेंव्हा अजीबात वाटल न्हवत. पण तस झाल मात्र खर)

पुढे शाळेत जायला लागल्यावर खुप दिवस " तू म्हणजे अगदी दगड आहेस" है ऐकत राहीलो. " त्याचा सोयीस्कर अर्थ तू म्हणजे अगदी दगड़ा सारखा अविचल आहेस. राग लोभ द्वेष तमा या दुर्गुणा पासून दूर आहेस असा घेत राहीलो.

पुढे थोडा मोठा झाल्यावर बाबा कधी पाठीवर धपाटा देताना "घोड़ा" असे अर्ध्य सोडत. मी ही ते " इदम न मम" म्हणून मनाला लावून घेत नसे. कधी कधी धपाटा पाठीच्या डाव्या तर कधी पाठीच्या उजव्या बाजूवर बसत असे. मी ही त्या त्या प्रमाणे पाठच्या जानव्याचे कधी सव्य तर कधी अपसव्य करूंन एडजस्ट करून घेत असे. मनात विचार करायचो आधी दगड होतो तो आता घोड़ा झालो म्हणजे निर्जीवातून सजीव झालो ही मोठा झालो ही मोठीच उत्क्रांति झाली न्हवे काय. पुढे घोडा ह्या शब्दाचा मतीतार्थ मी "रेसचा घोड़ा" असा घेतला आणि रेसचा घोडा जसा रेस सुरू झाल्यावर चौखुर उधळतो आणि अगदी रेस पूर्ण झाल्यावरच थांबतो तसा दोन खुर उधळलो. बी कॉम पदवी बरोबरच सीए चा अभ्यास केला. अगदी दिवसाचा पंधरा सोळा तास अभ्यास केला. डोळ्याचा खाचा होई पर्यन्त दृष्टीने धुरकट दिसे पर्यंत अभ्यास केला. मग cisa cia ह्या professional परीक्षा उत्तीर्ण होऊन वकीली करून मगच थांबलो.

शाळेत असताना कुणी तरी " यमुना बाई आगाशे " अशी शिवी दिली. ती शिवी आहे है मला त्याने पूर्ण स्पष्टीकरण दिल्यावरच कळले. यमुना बाई आगाशे चा अर्थ पुढील प्रमाणे

य-यडपट
मु-मूर्ख
ना-नालायक
बा-बावळट
ई-ईडियट
आ-आचारट
गा-गाढव
शे-शेळपट

ही शिवी ज्याने तयार केली त्याच मला खरच कौतुक वाटल.

आयुष्यातल्या मला दिलेल्या शिव्या अजूनही संपल्या नाहीएत. काल मूली बरोबर खेळताना "आ मीना सुपर सीना" खेळताना एक टाळी चुकली म्हणून मला तिच्या कडून खुप ऐकून घ्यावे लागले. तू अगदी हा आहेस तुला काही कळत नाही. पुढे कधी जगलो वाचलो तर नातवंडा कडूनहीँ तत्सम काहीस ऐकून घ्याव लागेल

आयुश्यातल्या शिव्या कधी संपत नसतात आणि त्या कधी संपूही नयेत. कदाचित आयुष्य जगण्याच हेही एक गमक आहे. म्हणूनच म्हणतो
एक तरी शिवी आठवावी एक तरी शिवी आठवावी