शाकाहारी जेवणाच्या थाळीत हवाच असा हा पदार्थ.अगदी कमी साहित्यात आणि वेळात होणारा,आणि म्हणूनच मला करायला,खायला आणि खिलवायला आवडणारा.फक्त या भावनगरी मिरच्या गावल्या की,झालं.बाकीचं साहित्य असतंच घरात.साध्या वरणभात किंवा आमतटीभातासोबत;भाजी असली,नसली;तरी या मिरच्या बहार आणतात.खरं नाही वाटत?करूनच पहा.
साहित्य:-
१. १०/१२ भावनगरी मिरच्या.
२. एका वाटी ओले खोबरे.
३. अर्धा चहाचा चमचा हळदपूड.
४. एक चहाचा चमचा भरून जिरे.
५. मीठ चवीनुसार.
६. एक पळी तेल.
कृती:-
१. मिरच्या धुवून पुसून त्यांना सुरीने एक चीर द्यावी.
२. ओले खोबरे ,हळदपूड,जिरे, मीठ शक्यतो पाणी न वापरता मिक्सरमधून वाटून घ्यावे.
३. हे वाटण मिरच्यांमध्ये दाबून भरावे.
४. पॅनमध्ये तेल घालून गरम झाल्यावर मिरच्या लावाव्यात.
५. आंच मंद करून एका बाजूने झाल्यावर परतून दुसऱ्या बाजूने होऊ द्याव्यात.जास्तीत जास्त ५ ते ७ मिनिटांत या छान खरपूस होतात.
प्रतिक्रिया
8 Oct 2015 - 9:40 pm | रेवती
किती साधा सोपा पदार्थ आहे. मिरच्या अगदी ताज्या दिसतायत. फोटू आवडले.
8 Oct 2015 - 9:42 pm | मांत्रिक
वाळवलेल्या मिरच्या कशा करतात सांगू शकाल कृपया?
8 Oct 2015 - 9:52 pm | कविता१९७८
मस्त सुर्गीताई
8 Oct 2015 - 10:57 pm | रातराणी
जबरा दिसतायत मिरच्या!
9 Oct 2015 - 1:33 am | पद्मावति
खूपच छान पाककृती. फोटो फारच मस्तं.
9 Oct 2015 - 2:23 am | तर्राट जोकर
मंद आच ही एक मोठी शक्ती आहे--- ज्याला समजली त्याचा स्वयंपाक ग्रेट.....
9 Oct 2015 - 3:20 am | मदनबाण
वाह्ह... :)
मदनबाण.....
आजची स्वाक्षरी :- अधीर मन झाले,मधुर घन आले... :- निळकंठ मास्तर
9 Oct 2015 - 5:13 am | एस
वा! ह्या मिरच्यांचे सारण अनेक पद्धतीने बनवतात. मी बेसनाचे व्हर्जन खाल्लेय. ओल्या खोबर्याचे सारण छानच असणार. सारणातही थोडेसे लाल तिखट, किंचित चिंचेचा कोळ व गूळ हे कॉम्बिनेशन मस्त लागते.
9 Oct 2015 - 7:11 am | अजया
वा!छान आहे पाकृ.
9 Oct 2015 - 10:52 am | पियुशा
करायला अतिशय सोपी ! आम्ही तर कधी तेलात मिरच्या तळुन वरुन नुसत मिठ भुरभुरुन पण खातो.
मस्त प्रकार आहे
ब्यचलर्से लोक्स साठी अजुन एक ब्यचलर्से पाक्रु ;)
9 Oct 2015 - 7:50 pm | स्वाती दिनेश
छान आहे पाकृ!
स्वाती
9 Oct 2015 - 8:29 pm | सानिकास्वप्निल
अहाहा!! मस्तं दिसतायेत मिरच्या.
आम्ही ह्यात वरच्या सारणासोबत थोडे डाळीचे पीठ घालून भरतो. आपल्या रोजच्या तिखटाच्या मिरच्यांमधे पण हे सारण भरुन छान लागतात, झणझणित.