साहित्यः
लवेंडर - १ टेबलस्पुन
स्ट्रॉबेरी - १ कप
दुध - १ कप
दहि (ग्रीक योगर्ट)- १ कप
साखर - १ कप
कृती:
१. एका पातेल्यात दुध गरम करण्यास ठेवावे. त्यात १/२ कप साखर व १ टेबलस्पुन लवेंडर टाकुन ५ मिनिटे उकळुन घ्यावे.
२. गरम झालेले दुध गाळुन घेउन गार होऊ द्यावे.
३. दुसर्या भांड्यात १/२ कप साखर व स्ट्रॉबेरी घेउन शिजु द्यावे. हे मिश्रण देखिल गार करुन घ्यावे.
४. आता गार झालेल्या दुधामधे १ कप ग्रीक दहि टाकुन चांगले फेटुन घ्यावे.
५. पॉपसीकल्स बनवायच्या साच्यामधे दहि व दुधाचे २ चमचे मिश्रण टाकुन वरुन १-१ चमचा स्ट्रॉबेरीचा केलेला जॅम टाकावा. सगळ्यात शेवटी परत दुध- दहिचे मिश्रण टाकुन साचा भरुन घ्यावा.
६. हा साचा फ्रिजर मधे सेट होण्यासाठी ५-६ तास ठेवुन द्यावा.
७. पॉपसीकल्स सेट झाल्यावर साचा बाहेर काढुन गरम पाण्यात १ मिनिट फिरवुन घ्यावा. त्यामुळे पॉपसीकल्स साच्यामधुन काढण्यास मदत होते.
८. पॉपसीकल्स खाण्यासाठी तयार आहेत.
प्रतिक्रिया
10 Jul 2015 - 1:35 am | श्रीरंग_जोशी
वाह एकदम तोंपासु पाकृ.
10 Jul 2015 - 1:43 am | अत्रुप्त आत्मा
ह्ह्ह्ह्ह्ह्ह्ह्ह्ह्ह्ह्हाआआआआआआ!!!
10 Jul 2015 - 2:09 am | स्रुजा
काय सही दिसतंय.. वा वा वा..
10 Jul 2015 - 2:22 am | रेवती
छान दिसतायत पॉप्सिकल्स!
10 Jul 2015 - 4:06 am | पद्मावति
ऐन गरमीच्या दिवसात मस्तं गारेगार रेसिपी आली आहे. फोटो छानच.
10 Jul 2015 - 4:47 am | जुइ
फारच छान दिसत आहेत पॉप्सिकल्स!!
10 Jul 2015 - 10:35 am | स्मिता श्रीपाद
सुंदर !!!..
10 Jul 2015 - 10:43 am | सुहास झेले
जबरी... मस्तच झालेत पॉपसीकल्स :)
10 Jul 2015 - 11:33 am | रातराणी
मस्त. फोटो बघून गारीगार वाटलं. : )
10 Jul 2015 - 11:45 am | एस
फारच छान आणि तोंपासु पाकृ.
10 Jul 2015 - 12:07 pm | स्वाती दिनेश
तोंपासु पाकृ..
उन्हाळ्यात असं गारेगार खायला मजा येते फार..
स्वाती
10 Jul 2015 - 9:04 pm | सूड
सध्या कौतुक करायला शब्द नाहीयेत.
10 Jul 2015 - 9:33 pm | नूतन सावंत
निःशब्द.
10 Jul 2015 - 9:33 pm | नूतन सावंत
निःशब्द.
10 Jul 2015 - 10:37 pm | सानिकास्वप्निल
हाय!! हाय! ह्या कडक उन्हाळ्यात हे पॉप्सिकल्स खाण्याची मजा वेगळीच, मी एक उचलले बरं का....थंडा-थंडा.. कूल-कूल :)
फोटो मस्तं.
11 Jul 2015 - 1:17 pm | सस्नेह
छान फोटो आणि सुरेख मांडणी ! पाकृही सोपी आहे.
12 Jul 2015 - 3:29 pm | Mrunalini
सगळ्यांचे खुप धन्यवाद! :)
12 Jul 2015 - 9:54 pm | मधुरा देशपांडे
अप्रतिम. तु इकडे येशील तेव्हा हे असे सगळे सुंदर प्रकार कर आणि मी तुझ्यासाठी मेथी, गवार अजुन ज्या ज्या शक्य असतील त्या त्या भाज्या करेन. :)
12 Jul 2015 - 10:24 pm | Mrunalini
हाहाहाहा.. गुड आयडिया.. चालेल नक्की. :)
14 Jul 2015 - 4:35 pm | दिपक.कुवेत
शेवटचे तीन मी(च) गट्टम केले आहेत हे समजावे. हे लवेंडर काय प्रकरण आहे? त्याला काहि पर्याय आहे का? फ्रोझन स्ट्रॉबेरी आणुन करायचा विचार आहे. ग्रीक दह्याएवजी साधं दहि वापरलं तर चालेल का?
14 Jul 2015 - 4:41 pm | पिलीयन रायडर
ग्रीक दही????
अरे काय गम्मत चाल्लीये का? तिकडे स्वाती ताई असलेच अगम्य पदार्थ सांगतीये.. इकडे तू..
चेष्टा चालवलीये राव गरीबाची...
आणा इकडे एक पॉप्सिकल!!
14 Jul 2015 - 5:53 pm | Mrunalini
लवेंडर एक फुल असते. त्याचा इसेन्स म्हणुन किंवा परफ्युम म्हणुन वापर केला जातो. लवेंडर नसेल तर तुम्ही व्हॅनिला किंवा तुम्हाला आवडेल त्याचा फ्लेवर दिला तरी चालेल. मला वाटते ह्यात रोझ इसेन्स मस्त लागेल.
मी सुद्धा फ्रोझन स्ट्रॉबेरीच वापरल्या आहेत. ग्रीक योगर्ट नसेल तर तुम्ही साधे दही, पण पाणी काढुन वापरु शकता. फक्त ते चक्क्या एवढे आंबट नको. दही वापरायचे नसेल तर हेवी क्रिम वापरु शकता.
14 Jul 2015 - 6:28 pm | पैसा
कसलं छान दिसतंय हे प्रकरण!