घोरणारा प्राणी

बहुतेक परिवारात एखादा तरी घोरणारा प्राणी असतोच.. साथीदाराच्या घोरण्यामुळे तुमच्या झोपेचे खोबरे होत असेल तर त्याकडे तुच्छतेने दुर्लक्ष करू नका, घोरणे हे फक्त श्वासोच्छ्वासांतील अनियमितता नसून ते संभाव्य मोठ्या विकारांचे मूळ असू शकते. असे वाचण्यात आले.. इंग्लंड मध्ये तर नवरा जोरात घोरतो त्या मुळे घतस्फोटा पर्यँत प्रकरण गेले असे वाचल्याचे स्मरते.. एकदा लग्न घरात रात्री झोपण्याचा भयानक अनुभव घेतला.. सीमांत पूजन झाले कढिभाताचे जेवण तब्ब जेवून " भट्ट जेवुनि तट्टची फुगले" अशी अस्वस्था होती..... 12-15 जाणानी पथारी लावत ताणून दिली ..अन ताल स्वरात लयबद्ध घोरण्याने कार्यालय दणाणून गेले .. पहिला दुसरा व टॉप चा गिअर टाकीत एसट्या चालल्या आहेत असा भास झाला... क्षण भर कार्यालयात नाही तर आपण एसटी स्टॅन्ड वर तर झोपलो नाही ना अशी शंका मनात आली व रात्र जागून काढली .. मधे एका मित्राचा अनुभव ऐकला काही औषधामुळे त्याच्या बायकोचे वजन वाढले होते, तेव्हा काही महिने घोरायची, पण विशेष नाही. काही दिवस व्हायची त्याची झोपमोड. नंतर औषध बंद झाल्यावर हळुह्लु तिचे घोरणे पूर्ण थांबले. यावरून वाढलेले वजन व घोरणे याच हि एकमेकाशी नाते असावे का??असा प्रश्न मनात उभा राहतो.. भगिनी मंडल पण यात मागे नसते...त्या हि तोडीस तोड असतातच असो हल्ली धोरण्याच्या रोगावर यंत्र पण निघाले आहे असे समजते ढाराढुर झोपणे व घोरणे याचा संबंध असावा