आमची मुंबई गलिच्छ मुंबई!

नुकतेच एका जागतिक सर्वेक्षणात मुंबई हे सगळ्यात गलिच्छ शहर असल्याचा निष्कर्ष काढला गेला आहे. तसेच सौजन्याने वागण्यातही मुंबई पिछाडीवर आहे. अगदी सगळ्यात शेवटी नाही एवढेच. गेल्या काही वर्षात जेव्हा जेव्हा मुंबईला जायचा प्रसंग आला तेव्हा ते शहर अधिकाधिक घाणेरडे वाटत होते. लोकल जायचा मार्ग हा एक लांबच्या लांब कचराकुंडी आहे असे वाटले. समुद्राचा रंग गटारासारखा किळसवाणा होता. बाकी भिकारी, वाटेल तिथे मलमूत्रविसर्जन वगैरे होतेच. ह्या सर्वेक्षणाच्या निकालावरून ह्यावर शिक्कामोर्तब झाले आहे. जुन्या सिनेमात मुंबईचे दर्शन होते तेव्हा एक छानसे शहर दिसते. प्रशस्त रस्ते, प्रेक्षणीय इमारती पण आता हे सगळे इतिहासजमा झाले आहे असे वाटते. अफाट श्रीमंत असणारे हे शहर घाणीचे माहेरघर बनावे हा एक विरोधाभास वाटतो. ह्यात कधीतरी सुधारणा होईल का? मराठी मुंबईचा घोष करणारे आणि मुंबईवर राज्य करणारे शिवसैनिक ह्या बाबतीत काही करतील का? http://daily.bhaskar.com/article/MAH-MUM-filthiest-streets-mumbai-is-on…