पावसाळ्यातलं भंडारदरा

एक साधी, छोटी सहल ज्यातून पावसाचा आनंद मिळावा आणि रोजच्या त्या रटाळ कामातून थोडा 'चेंज'/आराम मिळावा ह्या असल्या अगदी माफक हेतूने आम्ही काही मित्र मागच्या विकांताला भंडारदराला गेलो आणि प्रवासाच्या सुरवातीपासून (नाशिक-भंडारदरा) ते शेवटापर्यंत निसर्गाने जे काहि त्याचे मनोहारी रुप दाखवले, जी काही करमणूक केली... अहाहा.. त्याचे वर्णन करायला शब्दच नाहीत.. हेच वर्णन फोटोतून करावे हा एक प्रयत्न. केवळ प्रयत्नच कारण फोटोंपेक्षा प्रत्यक्ष ते अनुभवणे ह्यात अर्थात खूपच फरक आहे... (खुप मुसळधार पाऊस/वारा ह्या मुळे बरेच फोटो गाडीत बसूनच काढले आहेत, काही चालू गाडीत काढले तर काही फोटोंमध्ये पाण्याचे थेंब दिसतील जे पावसामुळे लेन्स वर सतत पडत होते... खास कॅमेरा आणि फोटो चांगले यावे यासाठी तिथे एक नवीन छत्री ही घेतली, पण वाराच एवढा की तिनेही जास्त काळ साथ दिली नाही. उल्टी-पाल्टी होउन नंतर उडूनच गेली, कदाचित तिलाही पावसात मनसोक्त हुंदडायचं होतं :)) १. नाशिक-भंडारदरा रस्त्यावरील एक गावं (परदेस वाडी) २. हिरवीगार परदेस वाडी ३. भंडारदरा येथील 'आर्थर लेक' - सायंकाळच्या वेळी. हा लेक खुप शांत आणि त्याचवेळी खुप भयानकहि वाटत होता...कदाचित तुफान वारा आणि मुसळधार पावसामुळे..... ४. ५. ६. ७. ८. ९. (गाडीतून काढलेला फोटो...खिडकीच्या काचांवर ओघळणार्‍या पाण्यामुळे हा फोटो एखाद्या चित्रा सारखाच दिसतो नाही? :)) १०. ११ १२. १३. १४. १५. १६. असंख्य धबधबे आणि धुके... १७. १८. १९. २०. २१. २२. २३. भाताची शेती आणि शेतकरी जसं कडक उन्हातून एकदम सावलीत वा घरात अल्यावर अपल्याला अंधारी येते ना तसंच मला ह्या सहलीला जाउन घरी आल्यावर डोळ्यावर 'हिरवळी' येत होती :D ...दोन दिवस सतत आणि चारही बाजूंनी एवढी हिरवळ बघत होतो की ती डोळ्यापुढून जातच नव्हती. कधी कधी खूप काही व्यवस्थित ठरवून / प्लॅन करुन काढलेल्या सहलीत अपेक्षेप्रमाणे मजा येत नाही आणि कधी कधी ह्या अश्या 'झटपट' आणि 'अनप्लॅनड' सहली आपल्याला खूप काही आनंद देउन जातात... तुमचीही अशीच एक पावसाळी सहल होवो ह्या सर्व मिपाकरांना शुभेच्छा :)