पिंकी प्रामाणिक

>>>>>दोन सरकारी हॉस्पिटल्समधे होऊ शकली नाही. तिथे 'खात्रीशीर' चाचण्या करण्यासाठी लागणार्‍या सार्‍या सुविधा नव्हत्या.......................आयला ही काय भानगड. हसाव की रडाव? मिडीया बेजबाबदारीची बरीच उदाहरणे आहेत. त्यात अजुन एक भर

भारतातली गिधाडं नामशेष झाल्याची बातमी वाचून आश्चर्य वाटलं होतं की गेली कुठे सगळी? असं काही ऐकलं/वाचलं की कळतं.

OMG!!! भारतीय मिडीया अतिशय बेजबाबदारपणे वर्तन करत असतो याचे हे एक ठळक उदा.

संपुर्ण प्रकारच घृणास्पद आहे. पिंकी खरेच स्त्री आहे की पुरुष हे यथासांग कळेलच. पण मुख्य प्रश्न असा आहे की मग इतकी वर्षे आपले क्रीडा प्रशासन झोपा काढत होते काय? जर ती एक पुरुष असेल तर हे आधी कसे कळाले नाही? इतकी पदके तिने मिळाल्यावर प्रशासनाला जाग आली की काय? पिंकी वर एका मुलीने बलात्काराचा आरोप केला आहे. तिची आई मात्र स्वतः म्हणते की ती मुलगीच आहे. जर ती स्त्री वेषात वावरणारी पुरुष असेल तर अश्या पुरुषाबरोबर कुठलीही मुलगी स्वखुषीने रहायला आणि शारीर संबंध प्रस्थापित करायला तयार होइल असे वाटत नाही. हा बलात्कारापेक्षा स्वखुषीचाच मामला जास्त आहे. लग्नाचे आमिष वगैरे हा मला कधीही न झेपणारा प्रकार आहे. लग्न हे आमिष कसे असु शकते ते कळत नाही. शिवाय इतकी वर्षे त्या मुलीला पिंकी स्त्री वेषात देशाला फसवते आहे हे कळाले नाही काय? कळाले असेल तर तिही त्या गुन्ह्यात सहभागी नाही काय? पिंकी स्त्री असो अथवा पुरुष तिचे नग्नावस्थेत शूटिंग करण्याचे धाडस आणि पातक कोणी करुन कसे शकते? आणि यावेळेस आजुबाजुचे पोलीस आणि डॉक्टर काय करत होत? मूळात एवढ्या सर्व लोकांसमोर तिला नग्न होण्यास प्रवृत्त करण्याचे डॉक्टरांना काय कारण होते? पोलिसांची तिथली उपस्थिती कोणालाच कशी खटकली नाही? शूटिंग करणारी व्यक्ती कोण होती आणी तिला तिथे उपस्थित राहण्याचा काय हक्क होता? पिंकी पुरुष आहे हे जोवर सिद्ध होत नाही तोवर तिला स्त्री मानणे जास्त सयुक्तिक नाही काय? अश्या परिस्थितीत तिची वैद्यकीय चाचणी पुरुष डॉक्टर कसे घेउ शकतात? तिच्याबरोबर पुरुष पोलिस कसे असु शकतात आणी हे सगळे असतना तिला नग्न कसे केले जाउ दिले जाते? न्यायव्यवस्थेने आणि कायद्याने आणि पोलिसयंत्रणेने आधीच तिला पुरुष मानलेले आहे काय? किंव कुठल्याही इतर अवैध मार्गाने ते आधीच जाणुन घेतले आहे काय? उद्या पिंकी स्त्री असल्याचे सिद्ध झाल्यास या सर्व मानहानीला जबाबदार कोण? पोलिस, डॉक्टर यांना या मानहनीसाठी का जबाबदार धरण्यात येउ नये? आणि ती पुरुष असेल जरी तरी या मानहानीसाठी त्यांना जबाबदार धरण्यात येउ नये काय? राहिता राहिला प्रशन व्हिडियो बघण्याचा तर मला तरी वाटते की ९०% लोकांनी तो व्हिडियो केवळ पिंकी तो आहे की ती हे जाणुन घेण्यासाठी बघितला असेल. असो एकुण या घृणास्पद प्रकाराबद्दल सरकारने आणि संबंधितांनी पिंकीची जाहीर माफी मागितली पाहिजे " तो " दोषी असेल तरीही.

हा ज्याने शूट केला तो जगातील अत्यंत गलीच्छ व्यक्ती आहे. आणि हे शुटींग होत असताना बघ्याची भूमीका घेणारे विकृत आहेत. भारतातील मिडीयाबद्दल न बोलणेच चांगले. कारण त्याबद्दल बोलण्यासारखे काहिही राहीले नाही.

'खात्रीशीर' चाचणीसाठी सुविधा नाही हा भंपकपणा आहे! कॅरिओटायपिंग (Karyotyping) या रंगसूत्रे (chromosomes) ओळखण्याच्या अत्यंत मूलभूत आणि सोप्या प्रक्रियेने ही परीक्षा करता येते, आणि अशी सुविधा कोणत्याही मोठ्या इस्पितळातील Cytogenetics प्रयोगशाळेत ती करता येते, त्याशिवाय भारतात अनेक जीववैद्यकीय संशोधन केंद्रे आहेत जिथे ही परीक्षा सहज रीत्या केली जाऊ शकते. (केवळ मुंबईत निदान १० तरी आधिकृत सायटोजेनेटिक्स प्रयोगशाळा आहेत.) सरकारी इस्पितळांमध्ये ही परीक्षा उपलब्ध नसणे ही लांच्छनास्पद गोष्ट आहे. ही परीक्षा एकतर गिम्सा (Giemsa) staining या प्रक्रियेने करता येते, अन्यथा आधिक खर्चाच्या spectral karyotyping अथवा SKY या पद्धतीने [ज्यात प्रत्येक रंगसूत्राला वेगळा "रंग" कृत्रिमरीत्या दिला जातो (digitally pseudocolored)]. Y रंगसूत्राचं अस्तित्व म्हणजे पुरुषत्वाची खूण, २२ इतर रंगसूत्रांच्या जोड्यांबरोबर सामान्यपणे पुरूषांमध्ये Y च्या जोडीने X रंगसूत्र असते (कॅरिओटाईप XY: आईकडून आलेलं X रंगसूत्र आणि वडिलांकडून आलेलं Y रंगसूत्र). दोन X रंगसूत्रांची जोडी असणं ही स्त्रीत्वाची खूण (कॅरिओटाईप XX: आईकडून आलेलं एक X रंगसूत्र आणि वडिलांकडून आलेलं दुसरं X रंगसूत्र - जाता जाता इथे अर्थात् हेही स्पष्ट आहे की स्त्री गर्भाच्या जन्माला कारणीभूत आहेत ते 'बाबा', आई नव्हे!) कॅरिओटायपिंगच्या प्रक्रियेत साधारणतः गालाच्या आतील बाजूसारख्या सहज पोहोचता येईल अशा ठिकाणावरून ब्रश वापरून काही पेशी खरवडून काढल्या जातात (याने काहीही ईजा होत नाही.) या पेशींना काही काळ विशिष्ट द्रावणात वाढवून मग त्यांचे केंद्रक (nuclei) रासायनिक प्रक्रियेने फोडून त्यातील रंगसूत्रे काढली जातात. या रंगसूत्रांना गिम्सा पद्धतीने रंगवून प्रत्येक रंगसूत्राचे वैशिष्ट्यपूर्ण असे band pattern (Giemsa किंवा G bands) सूक्ष्मदर्शकाखाली पाहिले जातात. असे G bands किंवा SKY चित्र खालीलप्रमाणे दिसते (डावीकडे G bands दाखवणारा कॅरिओटाईप, तर उजवीकडे SKY): पुरूष: स्त्री:

झाल्या प्रकाराचा तिव्र निषेध. अत्यंत दुर्दैवी आणि लाजिरवाणा प्रसंग.

अशा प्रामाणिक मुलीला अशी वागणूक ? ह्याचे परिमार्जन म्हणून, ह्या वेळी पेस बरोबर मिक्स डबल्स आणि मेन्स डबल्स अशा दोन्ही विभागात पिंकीला खेळवावे. स्टॅमीना उरल्यास लेडीस डबल्सला सानीया आहेच.

पिंकी प्रामाणिक स्त्री आहे की पुरुष हे वैद्यकीय चाचण्यांनीही ठरविता येईना, हे मला न उमगलेलं कोडं आहे. पिंकी प्रामाणिकला सामान्य लक्षणांनी स्त्री किंवा पुरुष ठरविता येईना तेव्हा बहुगुणी म्हणतात तसं आता गुणसुत्रांच्या आधारे ती स्त्री आहे की पुरुष ठरवावे लागेल. दोन चाचण्या झाल्या तरी अजूनही काही निष्कर्ष निघत नाही, याची तर कमाल झाली. गुगलुन असं कळतं की अशा चाचणीचा निकाल काहीच मिंनिटाचा असतो. पिंकी स्त्री की पुरुष हे ठरविण्यासाठी इतका वेळ लागतोय त्यामागे नक्की काहीतरी दडलेलं असावं असं वाटतंय. बाकी, माध्यमांकडून वार्तांकनाबद्दल न बोललेलं बरं. -दिलीप बिरुटे

याप्रकरणात मिडीयाने जो अश्लाघ्य वार्तांकन केले आहे ते 'जबाबदार पत्रकरीतेला' शोभणारे नाही असेही मला वाटते.

"जबाबदार पत्रकारीता" हा काय प्रकार आहे? असली कुठलीही गोष्ट मिडीयाला ऐकून तरी माहीत आहे का? हे प्रश्न पडण्याचे कारण की आजकाल चाललेल्या मिडीयाच्या धिंगाण्यात काहीच नवीन नाही. चीड आणणारी, जबाबदारी सोडाच, साधी माणूसकी नसलेली जिवघेणी स्पर्धा आहे मिडीयावाल्यांची. मग ते कुठल्याही आप्त गमावलेल्या व्यक्तीला "अब आप कैसा महसूस कर रहे है?' हे विचारणे असो, आरुषी केसमधे " आरुषी-हेमराज के संबंधों का नाट्य रुपांतरण" असो, किंवा पिंकी असो.. चीडच नाही तर घृणा येईल, असे वर्तन असते मिडीयावाल्यांचे.. आणखी एक गोष्ट म्हणजे हे लोक स्वयंघोषित "जानकार" असतात. म्हणून मग कोणीही अंटू-बंटू "इस विषय पर अपने विचार" सांगत सुटतो.. अरे चोलन्या, आम्ही काय मुर्ख आहोत का, की आम्हाला काय चाललंय हे कळणार नाही? बातम्या द्या ना, अक्कल कशाला पाजळताय? म्हणून मग टैमपास करायचा असेल तर बाकी न्युज चॅनल्स आणि बातमी आणि माहीती मिळवायची असेल तर गुड ओल्ड दुरदर्शन, हे माझं सुत्र आहे.. बाकी, बहुगुणी आणि मृत्युन्जयशी सहमत..