नमस्कार मंडळी,
आता वळू या या भागात विचारलेल्या प्रश्नाकडे.या प्रश्नाचे उत्तर द्यायचा शाहरूख यांनी प्रयत्न केला. असे प्रश्न सोडवायला साधारणपणे पुढील approach असतो.
कॅश फ्लो हे पहिल्या वर्षाच्या सुरवातीपासून सुरू होणार आहेत.पूर्वी ते पहिल्या वर्षाच्या शेवटापासून (किंवा दुसऱ्या वर्षाच्या सुरवातीपासून) सुरू होणार होते.म्हणजेच याचा अर्थ कॅश फ्लो १२ महिने अलिकडे सरकले आहेत.आपण वर त्या कालावधीच्या शेवटी (म्हणजे पाचव्या वर्षाच्या शेवटी) Future Value कशी काढायची हे बघितलेच आहे.ती Future Value ६१०५ रूपये १० पैसे आहे. तेव्हा सगळे कॅश फ्लो १२ महिने अलिकडे सरकले असतील तर पाचव्या वर्षाच्या शेवटापूर्वी १२ महिने म्हणजे गेल्या चौथ्या वर्षाच्या शेवटी या सगळ्या कॅश फ्लो ची Future Value पण तेवढीच म्हणजे ६१०५ रूपये १० पैसे असणार आहे.हा मुद्दा लक्षात न आल्यास वर दिलेल्या आकृत्या कागदावर काढून बघितल्यास ते नक्कीच कळेल.ते समजले नाही तर मी पण ते आकृती काढून समजावून देऊ शकेन.
आपण मूळ लेखात बघितलेच आहे की आपल्याला व्याजाचे दर माहित असतील तर कुठल्याही वर्षातील कॅश फ्लो आपण इतर कोणत्याही वर्षात रूपांतरीत करू शकतो.आता चौथ्या वर्षाच्या शेवटी Future Value होती ६१०५ रूपये १० पैसे.म्हणजेच त्याची पाचव्या वर्षाच्या शेवटी Future Value असेल ६१०५ रूपये १० पैसे गुणिले (1+R) म्हणजेच ६१०५ रूपये १० पैसे गुणिले १.१ बरोबर ६७१५ रूपये ६१ पैसे.
आपण वर MS Excel मधील FV हे function बघितले.वर दिलेल्या सूत्रात थोडा फरक करून आपल्याला हे उत्तरही मिळू शकेल.त्यासाठी आपल्याला " -FV(Rate,Years,Payment,,1) " असे सूत्र लिहावे लागेल. यापूर्वी आपण ते "-FV(Rate,Years,Payment) असे लिहिले होते. FV या function विषयी MS Excel च्या हेल्पमधून आपल्याला हा जास्तीचा १ कशाकरता लिहिला हे समजू शकेल.
तेव्हा थोडक्यात जेव्हा कॅश फ्लो या वर्षाच्या शेवटी (किंवा पुढच्या वर्षाच्या सुरवातीला) सुरू न होता या वर्षाच्याच सुरवातीला सुरू होतात तेव्हा त्या कॅश फ्लो ची आजची Present Value किंवा भविष्यातील कोणत्याही काळाची Future Value ही असे कॅश फ्लो या वर्षाच्या शेवटी सुरू होत असतील त्या परिस्थितीतील उत्तराला (1+R) ने गुणून मिळेल.
प्रतिक्रिया
जरा निवांतीन वाचीन ह..
वाचतोय...
उद्या सवडीने वाचेन.
पुस्तक
पहिला छडिचा प्रसाद काही पचला
सचित्र लेखपुष्प आवडले
४६४१?
उत्तर
उत्तम वाचतोय.....(परत एकदा