वा रे वा फक्त नवरा बायकोंच्याच सवयी त्रासदायक नसतात. मिपा करांच्या देखील काही त्रासदायक सवयी असतात. त्यापैकी टॉप १० (तुम्हाला मराठी काळात नसल तर इंग्लीश मधून मुख्य १०). १. चांगले चांगले लेख क्रमश: मध्येच दाबून ठेवणे. ज्यामुळे मिपा आलतु फालतू लेखांच्या भडिमारामुळे वाचनास निरुपयोगी होऊन बसते. २. आपले लेख किंवा प्रतिसाद अंगाशी यायला लागल्यावर (त्यांच्या पाठीमागे ठामपणे उभ न राहता) उडवून लावणे. या भयंकर अ‍ॅनॉयींग सवयीबद्दल जितकं बोलाल तितकं कमीच आहे. पण आवरतं घेतो. ३. एकोळी धागे - निदान तुमच्या मताची तरी गरज असते. फक्त लिंक देऊन चालत नाही. ४. ऊठ्सूठ खफ, व्यनी लिहीणे आणि त्यातल्या झिरो यूज़फूल कॉंटेंट ने डोके उठविणे. ५. "कंपुगीरी" या गोंडस नावाखाली देवाला सोडलेल्या वळूगत नवीन सदस्यांच्या लेखावर अवांतर युद्ध खेळणे. ६. लेख प्रकाशित केल्यावर दर ५ मिनिटांनी रेफ्रेश करून किती प्रतिसाद आले आहेत ते पहाणे आणि एवढा तीर मारून काय करणे तर आलेल्या प्रत्येक प्रतिसादाचे आभार मानून लेख वरती आणणे. ७. एखादा सामान्य भावना भड्कावू लेख लिहून, लेखापेक्षा लांबलचक प्रतिक्रिया मिळवून, प्रतिसादांमध्ये मध्ये मिपा डोक्यावर घेऊन, शेवटी संपादकांसाठी काम वाढवून ठेवणे. ८. प्रतिक्रिया आवडल्यास फ्रेम च्या बाहेर पर्यंत जातील इतके +१, असेच म्हणतो ई प्रतिसाद देणे पण स्वत:ची ओरिजिनल प्रतिक्रिया न लिहीणे. ९. आपल्या राखीव कुराणातील लेख असल्यास जगबुडी का होइना पण मीपाला चिकटून बसणे आणि "मागे या विषयावर इथे लिहिले आहे" असे म्हणून आपला टी आर पी वाढविणे. १०. आपल्या हातचा लेख म्हणजे लय भारी आणि आपण दररोज एकतरी लेख लिहील्याशिवाय मिपा बंद पडेल असा अंधविश्वास बाळगणे. या यादीमध्ये सर्व सदस्यांनी आपल्या परीने भर घालावी ही विनंती.