निवडुंग........

निवडुंग अपेक्षिले प्रेम फुलांचे वैर त्या सवे होते भाली, दूर सारले जरी काट्यांना प्रीति त्यांची नित्य लाभली प्रेम बहरले मग काट्यासंगे, रुतवण हवी हवीशी जाहली. निवडुंगा सम जाहले जीवन, नाजूक नाती विरून गेली फुलाचे बाग सुकतात कधीकधी निवडुंग फुले सदैव फुलती. गुलाब काटेरी फांदीवरचे, कुंतलांना नित्य सजवती. निवडुंग जाहला म्हणुनी तयासि, आस फुलाची गैर नसे. काटेरी झाडावरहि त्याच्या, धवल फुलांत टवटवी वसे. निरंजन वहाळेकर