http://www.misalpav.com/node/5614 आंजर्ले - केळशी च्या या धागावर दिलेल्या प्रतिसादांबद्दल धन्यवाद. त्याचाच पुढचा भाग आज इथे देत आहे. दुसर्‍या दिवशी आम्ही सकाळी लौकरच डॉल्फिन बघायला जाणार होतो.... हर्णे, कर्दे आणि आजुबाजुच्या परिसरात भरपुर डॉल्फिनस बघायला मिळतात. पण त्यासाठी सकाळी लौकर जावं लागतं...आम्ही जिथे थांबलो होतो मुक्कामासाठी त्याच गृहस्थांना आम्ही डॉल्फिन सफारीसाठी बोट ठरवायला सांगितली. सकाळी ७ वाजता आम्हाला हर्णे बंदरावर पोचायचं होतं आणि तिथुन आम्ही पुढे डॉल्फिन सफारीसाठी निघणार होतो. हर्णे बंदरावरुन काढलेला सुर्योदयाचा फोटो :- बंदरावरुन काढलेला बोटीचा फोटो : - आमची बोट आल्यावर आम्ही डॉल्फिन सफारीवर निघालो... काही बोटीतुन काढलेले काही समुद्राचे फोटो :- हर्णे, कर्दे वगैरे बाजुला भरपुर डॉल्फिनस बघायला मिळतात. समुद्रात बरच आत गेल्यावर आम्हाला डॉल्फिन बघायला मिळाले. त्यांचे खरंतर खुप फोटो काढायची ईच्छा होती पण ते इतके पटकन उड्या मारत पुढे जातात. त्यामुळे खुप प्रयत्न करुनही आम्हाला फक्त एकच फोटो व्यवस्थीत मिळाला. पुढे आम्ही तिथुन जवळच असलेल्या सुवर्णदुर्ग किल्ल्यावर गेलो. या किल्ल्याची खासियत म्हणजे चारही बाजुनी समुद्राचं खारट पाणी असुनही किल्ल्यात ९ गोड्या पाण्याची तळी आहेत. किल्ल्याच्या पुढच्या भागात रॉकी बीच आहे आणि फक्त प्रवेशद्वारापाशी सँड बीच आहे. किल्ल्यवरुन दिसणार वेव्-कट प्लॅटफॉर्म किल्ल्यावरुन दिसणारा समुद्र :- सुवर्ङदुर्ग किल्ल्याच्या प्रवेशद्वारापाशी काढलेला हा फोटो :- किल्ला बघुन आम्ही हर्णेला यायला निघालो. मार्गावर आम्हाला काही सिगल पक्षी दिसले. हर्णे बंदरावर काढलेला फोटो : हर्णे बंदरावरुन आम्ही जिथे मुक्काम केला होता तिथे जाताना काढलेले फोटो. खरंतर असे नारळाच्या झाडांचे फोटो काढल्याशिवाय कोकणवारी पुर्ण नसती झाली. परतीच्या दिवशी पौर्णिमा होती. आकाशात पुर्ण चंद्र होता. त्यामुळे त्याचा फोटो काढायचा मोह आवरला नाही :- कोकणाचं सौंदर्य डोळ्यात साठवुन ठेवत आम्ही पुण्याला परत यायला निघालो.