शैलेन्द्र, तुझ्या आधीच्या प्रतिसादात लिहिलं होतंस की हा आरशात काढलेला फ़ोटो आहे. पण माझी मनोमन खात्री होती की हा आरशातला फ़ोटो नाही, नि दुसऱ्या कुणीतरी वेगळ्या क्यामेऱ्याने काढलेला फ़ोटो आहे. त्याची कारणं मी माझ्या नंतरच्या प्रतिसादात दिलीत. पण आणखी एक कारण राहून गेलं ते म्हणजे आरशात काढलेल्या फ़्लॅशसहितच्या फ़ोटोंमधे चमकलेला फ़्लॅशचा दिवा या फ़ोटोत आलेल्या दिव्यापेक्षा जास्त प्रखर असतो. इतका की फ़ोटोची मजा निघून जावी. हा प्रकाश फ़क्त दिसावा इतकाच क्षीण असल्याने; क्यामेरा क्याननचा आहे हे सिद्ध झाल्याने नि क्याननच्या काही मॉडेल्समधे फ़्लॅशकडूनच स्वचलित-फ़ोकस-संवेदक-प्रकाश-शलाकेचं काम होत असल्याचं माहिती असल्याने माझ्या विधानाला बळकटी देण्यासाठी मी पुरावे गोळा करण्याच्या मागे लागलो. प्रस्तुत फ़ोटो दुसऱ्या कुणीतरी काढलेला असेल तर तो क्यामेराही वेगळाच असणार. म्हणून हा फ़ोटो आपल्या डेस्कटॉपवर घेऊन उजवी टिचकी --> तपशील पाहिले. क्यामेऱ्याच्या एक्झिफ़ तपशीलांत फ़ोटोचा दिनांक, वेळ, आयेसो, अपर्चर, झापडवेग, क्यामेरा नमुना, बनावट, रिझोल्यूशन इ.इ. बऱ्याच गोष्टी असाव्यात म्हणून. तर फ़ोटोवर पिकासामधे प्रक्रीया झाल्याने त्या सगळ्या आलरेडी गेलेल्या होत्या. पण फ़ोटोवर पिकासामधे प्रक्रीया झाली आहे नि ते काम निलेश देसाई या व्यक्तीच्या संगणकावर झालंय हे समजून आलं. आणि मी अत्यंत निरागसपणे या धाग्यावर तशा अर्थाचं मोघम विधान पेरलं. साध्याशाच भासणाऱ्या इंटरनेट संचारात आपण आपल्या पाऊलखुणा कुठे कुठे नि कशा कशा मागे सोडतो याचा विचार न केलेलाच बरा! ---------------------------- ‌ जेरेमि ब्रेट्ट (ऍज शेर्‌लॉक होम्स्‌))))‌)‌)))