दृकश्राव्य विभाग :- स्मरणरंजन - गुणामामा

सुरेख अभिवाचन केलंस यशो. माझ्याकडून पुढल्या खेपेला तुला पार्टी!! :) मी मिपावर अनेक व्यक्तिचित्र लिहिली आहेत. भाग्याची गोष्ट अशी की त्यातली बहुतेक मिपाकरांना आवडली, तसे त्यांचे अभिप्रायही मिळाले. गुणामामा ह्या व्यक्तिचित्राचं वैशिष्ट्य हे की मी ते प्रथम इतरत्र प्रकाशित केलं होतं. पण त्या ठिकाणचा वाचकवर्ग संख्येने लहान असल्याने गुणामामा थोडासा अपरिचित राहिला होता. नंतर ह्या व्यक्तिचित्रालाही इतर व्यक्तिचित्रांसारखंच चांगलं भाग्य मिळावं म्हणून माझाच नो रीपिटेशनचा नियम मोडून मी ते इथे मिपावर पुनःप्रकाशित केलं. त्याला मिपाकरांचा प्रतिसादही चांगला मिळाला... आणि काय नशिबाचा खेळ असतो बघा! आज माझ्या सर्व व्यक्तिचित्रांमध्ये हेच व्यक्तिचित्र अभिवाचनाचा मान पटकावून जातंय. ह्या अभिवाचनातलं अचूक टायमिंग, मालवणी भाषेचा लहेजा संभाळणं, काही लांबलचक वाक्यं एका दमात पूर्णं करणं, ह्या सगळ्याचं श्रेय यशोधरेला. आणि ह्यातल्या मालवणी शिव्यागाळीचं खापर माझ्यावर! :) एन्जॉय!!

खूपच मस्तं. मजा आली ऐकतांना.

मस्त आहे