किशोर कुमारचे दुर्मिळ गाणे

दोन आठवड्यांपूर्वी रेडियो मिर्ची वर किशोर कुमारचे 'पडोसन' चित्रपटातील 'मेरे सामने वाली..' हे गाणे ऐकले. पण खास गोष्ट म्हणजे ते गाणे दुख:द छटेचे आहे. सिनेमात किंवा कॅसेटमध्येही ते गाणे कधी पहायला/ऐकायला मिळाले नाही. आंतरजालावर मिळालेल्या माहितीनुसार ते गाणे प्रदर्शित झाले नव्हते. पण ते गाणे ऐकण्यास जरूर मिळाले. मेरे सामने वाली खिडकी में एक चांद का टुकडा रहता है| अफसोस ये है के वोह हमसे कुछ उखडा उखडा रहता है| पहले तो हवा उन जुल्फों से खुशबू भी चुराकर लाती थी| भूले से कभी उडती उडती आवाज भी आ जाती थी| आवाज से भी महरूम हुए, इस बात का दुखडा रहता है| मेरे सामने वाली खिडकी में एक चांद का टुकडा रहता है| मला मिळालेल्या गाण्याचा दुवा हा आहे. हे गाणे जर सिनेमात असते तर कोणत्या प्रसंगात असते असा मी विचार करत होतो. घरातील चर्चेनुसार 'भोला' (सुनील दत्त) ला गुंडानी मारल्यावर नंतर असेल. पण मला असेही वाटले की 'बिंदू'(सायरा बानू) जेव्हा मास्टरजीसोबत (मेहमूद) लग्न करण्याचे ठरवते तेव्हा. पण गाण्याचे शब्द आणि प्रसंगांचा ताळमेळ जमला नाही. म्हटले तुम्हाला विचारू. तुमच्या मते हे गाणे सिनेमात कुठे असू शकले असते व ह्या गाण्याबद्दल इतर, म्हणजे ध्वनीमुद्रित झाले होते तर सिनेमात किंवा कॅसेटमध्येही का नाही आले वगैरे वगैरे, माहिती मिळू शकेल का?