तपपूर्ती

तपपूर्तीबद्दल मोदी भाजप संघ व कार्यकर्ते यांचे अभिनंदन व पुढील वाटचालीसाठी हार्दिक शुभेच्छा. लवकरच मोदी भारताचे सर्वाधिक काळ राहणारे पंतप्रधान होतील. 

तपपूर्तीचा आढावा चांगला वाटला पण थोडासा संक्षिप्त वाटला. प्रतिसादांतून कदाचित अजून विस्तार वाचायला आवडेल. मोदी संघ भाजप यांबद्दलची माझी मते मी वेळोवेळी मिपावर मांडत असतोच, इथेही लिहीन. तूर्तास ही पोचपावती.‌

या धाग्यावर मुद्दे आधारित चर्चा व्हावी ही अपेक्षा.

या कालखंडात घडलेल्या चांगल्या गोष्टी - 

- - मंत्र्याचा भ्रष्टाचार बऱ्याच प्रमाणात कमी झाला आहे.
व 

या कालखंडात घडलेल्या वाईट गोष्टी -
- मंत्री व पंतप्रधान भ्रष्ट नसले तरी भ्रष्टाचाऱ्यांना संरक्षण देऊन कोणतीही कारवाई होऊन दिली नाही.  गुन्हेगार, भ्रष्ट, देशद्रोही लोकप्रतिनिधी सरकारी संरक्षणामुळे मोकाट आहेत. कॉंग्रेसकाळात आरोप झालेल्या मंत्र्यांवर निदान तोंडदेखली कारवाई तरी केली जात होती व पदावरून हटविले जात होते. मागील १२ वर्षात आरोप झालेल्यांना पक्षात आणून निर्दोषत्वाचे प्रमाणपत्र देऊन पावन करून उच्चपदे देणे सुरू आहे.

=======

पहिल्यांदा वाटले, वरील दोन्ही गोष्टी एकाच वेळी कशा काय सत्य असू शकतात? तुमची काही गफलत तर झाली नाही ना? मग लक्षात आले की तसे शक्य आहे. कसे? तर भ्रष्टाचाराचे संस्थाकरण करून! उदाहरणार्थ निविदेच्या अटीच अशा करायच्या की फक्त आपला आवडता उद्योगच त्या पूर्ण करू शकेल. याचे उदाहरण म्हणजे तीन वेळा निविदा काढल्या. अटी अशा ॲडजस्ट केल्या गेल्या, ज्यामुळे कोएम्प्ट एजुटेकलाच काम मिळाले. टी सी एस किंवा अन्य कंपन्यांना नाही. इतकेच नव्हे तर ब्लॅकलिस्टेड कंपनीला काम देता येणार नाही अशी जी अट होती तीच निविदेतून काढून टाकली गेली, जेणेकरून कोएम्प्ट एजुटेक अपात्रतेमुळे बाद होणार नाही. संदर्भ: सार्थक ची मुलाखत

दुसरे असे करता येते की पारदर्शकता काढून टाकून कोणताही विदाच मुळात उपलब्ध केला नाही, तर भ्रष्टाचाराचा आरोपच करता येत नाही. ही उदाहरणे आठवली: पीएम केअर फंडात नागरिकांनीच दिलेले हजारो कोटी आहेत, पण नागरिकांना त्याचा हिशोब मागता येणार नाही अशी कायदेशीर तरतूद/ निकाल देण्यात आला. निवडणूक रोख्यांच्या बाबतीत कुणी कुणाला किती देणग्या दिल्या इ. बाबत जी प्रचंड गोपनीयता पाळली गेली, हे दुसरे उदाहरण. शेवटी सर्वोच्च न्यायालयाला स्टेट बॅंकेला अक्षरक्ष: दम द्यावा लागला तेंव्हा कुठे थोडाफार विदा बाहेर आला.

कदाचित याबाबत तुंम्हाला जास्त माहिती असेल तर वरील गोष्टी बरोबर आहेत का?

- अर्थव्यवस्था साधारणपणे स्थिर आहे. खूप डळमळीत नाही पण खूप वृद्धी नाही अशी स्थिती आहे

राज्यस्तरावर आर्थिक कुवत नसताना मते मिळवण्यासाठी  कर्ज काढूनसुद्धा "लाडकी बहीण" यासारख्या योजना जाहीर करून "रेवड्या वाटणे" जर चालूच राहिले तर अर्थव्यवस्था सुदृढ राहाणे कठीण आहे. 

"रेवड्या वाटणे"

अरविंद केजरीवाल या नेत्याने रेवडी वाटणे यात काही वाईट नाही तर हा तुमचा अधिकार आहे हि राजमान्यता मिळवून दिली. दिल्ली राज्य आपल्या विजेच्या वापराच्या ८७ % वीज बाहेरच्या राज्यातून विकत घेत असताना फुकट वीज पुरवून राज्याच्या तिजोरीवर भार टाकला  त्यामुळे पायाभूत सुविधांसाठी उपलब्ध निधी आपोआप कमी करावा लागला.     

तामिळनाडू आंध्र प्रदेश येथे साड्या, सायकली, लॅपटॉप सारख्या गोष्टींचे वाटप फार पूर्वी पासून चालू होते पण तो मतदारांचा हक्क ( entitlement) म्हणून नव्हता.

हि राजमान्यता मिळवून दिली आणि त्यामुळे निवडणूक जिंकता येतात हे लक्षात आल्यामुळे तोच प्रयोग भाजपने इतर राज्यात यशस्वी पणे केला. यामुळे विरोधकांचा पोटशूळ उपटला.

मुळात अशा रेवड्या वाटणे हे अर्थव्यवस्थेला गाळात घालणारे आहे हे सर्वाना समजतंय पण कर्जबाजारी राज्याच्या विरोधी पक्षात बसण्यापेक्षा कर्जबाजारी राज्याच्या सत्ताधारी पक्षात बसणे  हे कधीही चांगले या वृत्तीतून आता सर्वच पक्षांनी रेवड्या वाटणे चालू ठेवले आहे.

मेरा भारत महान          

जातीनुहाय जङणना सर्वच पक्षाना हवी आहे.

मात्र ते संविधानाच्या विरुद्ध आहे.

त्यामुळे अडचणी येत आहेत.

एकूणातच सर्वच पक्षाना जाती ठेवण्यात स्वारस्य आहे. खास करून उत्तरभारतीय पट्ट्यातील पक्षाना

असे वाटत नाही तर त्याचे स्वरूप बदलले असून दृश्यमानता कमी झाली आहे असे मात्र वाटते. उदाहरणार्थ - आधी फाईल वर वजन न धरल्यास 

संबंधित अधिकारी रजेवर आहेत 

कागदपत्रात त्रुटी आहेत 

आज वरिष्ठांचा/ मंत्र्यांचा दौरा आहे 

अशी कारणे दिली जात 

अजूनही वजन लागतेच , फक्त ते न दिल्यास 

इंटरनेट बंद आहे 

लिंक डाउन आहे 

लॉगइन होत नाहीये 

पोर्टल upgrade होते आहे 

माझे सरकार वर अजून जी आर आला नाहीये 

असे स्वरूप झाले आहे.

भ्रष्टाचार समूळ नष्ट होईल असे कोणी समजत असेल तर तो भाबडेपणा आहे.

मुळात भारतात सामान्य माणूस जोवर स्वतः स्वच्छ होत नाही तोवर भ्रष्टाचार कमी होणार नाही.

सर्रास दिसणारी उदाहरणे -- 

१) वाहतूक नियम तोडल्यावर पोलिसाने पकडल्यावर चिरीमिरी देऊन निसटणे    
२) जी एस टी भरायला लागू नये म्हणून घर दुरुस्ती, रंग लावणे इ सर्व ठिकाणी रोखीत व्यवहार करणे 
३) शक्य तिथे आणि शक्य  तसा आयकर चुकवणे.
४) नको तिथे आपले वाहन पार्क करणे. पकडल्यास चिरीमिरी देऊन निसटणे   
५) सार्वजनिक ठिकाणी थुकणे,  लोकांचे डोके उठेपर्यंत डीजे लावून आवाज करणे. येथे पोलीस आले कि त्यांना चिरीमिरी देऊन त्यांची पाठवणी करणे. 
    
या सर्व गोष्टी मध्ये सामान्य माणसाचा नाईलाज नसतो, जसे सरकारी काम करून घेण्यासाठी लाच द्यायला लागते.

आणि मग आपणच निवडलेले लोकप्रतिनिधी यांच्याकडून पैसे देऊन कामे करून घ्यायची आणि वर त्यांना शिव्या द्यायच्या हा दुटप्पी पणा चालतोच. 
    
त्यामुळे केवळ सरकारी लोक आणि राजकारणी  भ्रष्टाचारी आहेत आणि आम्ही धुतल्या तांदळासारखे आहोत असे म्हणणारे आपण सर्व जण अत्यंत दांभिक  आहोत. 
       

फारच संतुलित विश्लेषण! आणि मला हे आवडले की तुम्ही गेल्या १२ वर्षांत सध्याच्या सरकारने केलेल्या चांगल्या, मध्यम आणि अपयशी ठरलेल्या गोष्टींची प्रांजळ कबुली दिली आहे. बहुतांश 'अंधभक्त' प्रत्येक गोष्टीचे समर्थन करून ती चांगलीच कशी आहे हे दाखवण्याचा प्रयत्न करतात, तर काही कट्टर विरोधक फक्त नकारात्मक बाजूच मांडतात. वास्तव बहुधा या दोन्हीच्या मध्येच कुठेतरी असते, जे प्रत्येकाने स्वीकारायला हवे. ज्यामध्ये काही गोष्टी चांगल्या, काही ठीकठाक, तर काही खूपच वाईट असतात.

एकूणच अ ते ड (A to D) श्रेणीमध्ये मी या सरकारला 'बी प्लस' (B+) मानांकन देईन, तर मनमोहन सिंग सरकारला माझे 'बी मायनस' (B-) मानांकन होते.

लेख संतुलित आणि सर्व बाबींचा आढावा घेणारा आहे. खूप आवडला. असेच सकस लेखन करत रहावे ही विनंती.

तुम्ही नकारात्मक गोष्टी लिहील्या ते पाहुन आश्चर्य वाटले.

आणखी मुद्दे:

केवळ संस्थांची नावे बदलली. यमक सदृष्य नावे ठेवलीत. जसे निती आयोग वगैरे.

निवडणूक निधी.

जास्त निधी देणार्या संस्थांना कामे देणे त्यांचा काळा इतिहास लक्षात न घेता. मेधा इंजिनिअरिंग.

कौशल्य योजनेचा घपला. (याच मी फस्ट हॅन्ड पुरावा आहे.)

अशा अनेक योजनांचे लुपहोल्स.

बिन कामाची मन की बात

बिन कामाची परिक्षा पे चर्चा

बिगरकामाचे परदेश दौरे (काय साध्य झाले)

अमेरिकेचे मांडलिकत्व पत्करले

फाईलमधला उल्लेख

मोदी सरकार असा उल्लेख. हे सरकार भारत सरकार आहे. मोदी केवळ प्रतिनिधी आहे. 

अशी अनेक जंत्री देता येईल.

त्यापूर्वी टेस्लालाही अनुमती नाकारली आहे.

 टेस्ला कंपनीला परवानगी मिळाली आहे. तिचे भारतातील पहिले शोरुम/ experience center बीकेसी मुंबई इथे उघडले असून भारतातील पहिले टेस्ला ग्राहक हे श्री प्रताप सरनाईक होते, त्यांनी मॉडेल वाय पर्ल व्हाईट रंगाची टेस्ला इलेक्ट्रिक गाडी खरेदी केली होती. त्यालाही आता पुष्कळच दिवस झालेत एकंदरीत.

प्रताप सरनाईक ह्यांनी टेस्ला डिलिव्हरी घेतल्या संबंधीचे ANI ट्विट 

नुकताच पर्शियन गल्फ भागात अमेरिकन क्षेपणास्त्राने एक व्यापारी तेलवाहू नौकेवर हल्ला केला. या नौकेवर २४ भारतीय खलाशी होते त्यापैकी २१ जणांना वाचवण्यात आलं तर ३ जणांचा यामध्ये मृत्यू झाला. यावर भारताने अधिकृतपणे निषेध व्यक्त केला आहे. इथे एक गोष्ट स्पष्ट केली पाहिजे. ती म्हणजे हा काही चुकून झालेला अपघात नाही. प्रिसिजन म्युनिशन म्हणजे अचूक वेध घेण्यासाठी वापरल्या जाणाऱ्या अस्त्रांचा वापर करून या तेलवाहू जहाजावर अमेरिकन लष्कराकडून हल्ला केला गेला.

आता या जहाजावर काही सशस्त्र इराणी किंवा कोणी खतरनाक दहशतवादी वगैरे नव्हते. MT Settebello नांवांचं हे संबंधित व्यापारी जहाज या युद्धाशी दुरान्वये संबंध नसलेल्या एका देशाचा ध्वज लावून मार्गक्रमण करत होतं. त्यावर वर उल्लेख केल्याप्रमाणे २४ भारतीय कर्मचारी काम करत होते. तरीही ८ जून रोजी अमेरिकेने ठरवून, या निःशस्त्र जहाजावर, आपली पर्शियन गल्फवरील सत्ता सिद्ध करण्यासाठी हा हल्ला केला. तशी अधिकृत माहिती अमेरिकन लष्कराच्या सेंटकॉमने दिली आहे.

आपण दररोज ज्या वस्तू वापरतो, त्या आपल्यापर्यंत पोचवणारी एक पुरवठा साखळी म्हणजे सप्लाय चेन असते. आपल्याला रोजच्या जीवनात लागणाऱ्या बहुतांश वस्तू या व्यापारी जहाजे नसतील तर आपल्यापर्यंत पोचणार नाहीत. कारण विमानं कितीही प्रगत झाली तरी ती जड मालाची किफायतशीर वाहतूक अजून तरी करत नाहीत. त्यासाठी व्यापारी जहाजेच लागतात. आपल्याला ज्या वस्तू दुकानात सहज मिळतात त्यासाठी कोणीतरी आपल्या कुटुंबापासून महिनोन्महिने दूर राहून व्यापारी जहाजात काम करत असतो. असे हजारो भारतीय तरुण मर्चंट नेव्ही / कमर्शियल शिपिंग क्षेत्रामध्ये कामाला आहेत.

तर अशाच प्रकारे व्यापारी वाहतूक करणाऱ्या या MT Settebello नांवाच्या व्यापारी जहाजावर हे २४ भारतातील कामगार रोजीरोटीसाठी आपल्या कुटुंबापासून दूर राहून संबंधित जहाजमालकाची नोकरी करत होते. त्यांनी ना कोणाशी युद्ध केलं होतं ना जहाज त्यांच्या मालकीचं होतं... तरीही ट्रम्पने जगावर लादलेल्या इराण युद्धाचा ज्वर यापैकी तीन निरपराध कामगारांचे प्राण घेऊन गेला! अमेरिकेने ओमानजवळच्या या समुद्री मार्गावर आपलं वर्चस्व सिद्ध करण्यासाठी एका निःशस्त्र व्यापारी जहाजावर नेम धरून या लोकांचे भर समुद्रात जीव घेतले अशी ही एकंदर बातमी आहे...

यावर मोदी सरकारने जो निषेध व्यक्त केला आहे तो अगदीच तकलादू स्वरूपाचा आहे असं तो वाचल्यावर वाटलं! ट्रम्पचं किंवा अमेरिकेचं थेट नांव न घेता असा नुसताच निषेध करून कसं चालेल? आपल्या निरपराध नागरिकांचे ट्रम्पने असे जीव घेतल्यावरही अशाच मिळमिळीत प्रेस नोट काढायच्या असतील तर तुमची छप्पन इंची छाती फक्त धुरंधर चित्रपटात आपल्या पक्षाची टिमकी वाजवण्यापुरतीच शिल्लक आहे काय? तुमची अशी नक्की काय मजबुरी आहे म्हणून त्या नरपिशाच ट्रम्पसमोर तुम्ही असे लाचार असल्यागत वागता?

त्यात कालच ट्रम्पने नेहरूंचा रेकॉर्ड मोडल्याबद्दल ट्विटवर मोदींचं अभिनंदन केलं होतं, त्यावर तिथेच पंतप्रधान अगदी लगेच थँक्यू वगैरे म्हणायला सज्ज होते. मात्र ट्रम्पच्या युद्घखोरीने जे भारतीय तरुणांचे हकनाक बळी घेतले आहेत त्याचा जाब ट्रम्पला विचारायला मात्र आपल्या पंतप्रधानांकडे वेळ उपलब्ध नसावा! कदाचित त्यांच्यासाठी नेहरूंचा रेकॉर्ड मोडण्याला त्या निरपराध खलाशांच्या जिवापेक्षा जास्त किंमत असावी!!

- मकरंद देसाई

ता.क. यानंतर काहीच तासांपूर्वी MT Jalveer नांवाच्या जहाजावर ओमान परिसरात हल्ला झाल्याची बातमी दिसत आहे. हा हल्ला कोणी केला हे अजून स्पष्ट व्हायचं असलं तरी त्या व्यापारी जहाजावर भारतीय खलाशी असल्याची खात्रीलायक माहिती उपलब्ध आहे. जहाजावर हल्ला झालेला असल्याची खातरजमा झालेली आहे. तरी संबंधित सर्व खलाशी सुखरूप असावेत अशी आशा आहे...

Prime Minister Narendra Modi’s name surfaced in newly unsealed US Department of Justice documents linked to convicted sex offender Jeffrey Epstein. The references come from emails and private messages written by Epstein boasting about his influence, but there is no evidence of Modi communicating with Epstein or committing wrongdoing.

मोरू लोकां चे रोज मोदींचे नाव घेतल्याशिवाय पोट साफ होत नाही.

मोदी बद्धकोष्ठाचा इलाज नाहीये.

सहन हि होत नाही  सांगताही येत नाही अशी स्थिती आहे.     

Global Context: Investigators note that Epstein was notorious for exaggerating his access to global leaders to portray himself as a "global fixer". Being named in his documents reflects what Epstein wrote or bragged about, rather than verified facts or accusations of illegal actions by those he mentioned

कहा राजा भोज और कहा गंगू तेली. 

कथा वाचतोय सध्या. 

-दिलीप बिरुटे