लॅपटॉप विषयी सल्ला हवा आहे.

Proce = DC 2.0 Chip set= intel 965 Ram =1gb HDD = 120gb DVDRW Graphic = intel128 Display = 14.1" WXGA OS = Linux other = wifi, BTooth,speaker,modem,Card reader,4usb, web cam, RAM Upgrade to 2gb = 1650 खरं तर मला माहिती हवी आहे की तो हाताळायला कसा आहे? खुप नाजूक की मला वाटतंय की माझ्या हाताखाली टिकेल. ;) तसेच पुढे काही अडचण आली का कुणाला? असंच काहीसं, म्हणजे वापरल्या नंतरचा अनुभव काय? बाकी कॉनफिगरेशन वगैरे ठीक आहे. नीलकांत.

गेले काही दिवस लॅपटॉप घ्यावा ह्या विचारात होतो. इन्टरनेटवर शोधाशोध पुण्यात दुकांनांना भेटी असा प्रवास केला. काही काळ हार्डवेअर मध्ये काम केल्याने कॉनफिगरेशनवर भर असायचा. डिझाईन माझ्यासाठी दुय्यम भाग होता. मजबुत कॉनफिगरेशन, दणकट बॉडी आणि सोबत किंमत कमी अशी पाककृती हवी होती. कॉम्पॅकचा डिस्प्ले छान आहे मात्र त्यात विन्डोज एक्सपी चालत नाही. व्हिस्टाचीच गरज लागेल. ( पर्याय रद्द ) एचपी चे उत्तम पर्याय ४० हजारांच्या पुढे ( पर्याय रद्द ) मात्र एक मॉडेल ३३ हजारापर्यंत उपलब्ध होते. हा एकच पर्याय एचपीचा होता. लिनोवो (आयबीएम ) चा पर्याय विचारात होता. डिसीसी (डेक्कन ) नावाच्या दुकानात एलजी च्या लॅपटॉप वर एक आकर्षक योजना होती, त्यामुळे हा पर्याय होता. डेल बाबत विचार असा की इन्स्पीरॉनचा पर्याय सर्वोत्तम आहे. मात्र ऑनलाईन खरेदी केला तर तो साधारण ३९००० पर्यंत गेला असता. एवढी गुंतवणुक करण्याचा विचार नव्हता. डेलचा व्होस्त्रो उत्तम पर्याय होता. मात्र नेटवर उपलब्ध पर्याय महाग होते. पुण्यात व्होस्त्रो बिझनेस मॉडेल असल्यामुळे काही लोक ते विकत नव्हते. शोध घेत घेत बाबा (टिळक रोड) ला गेलो. तेथे एसर, एलजी चे पर्याय पाहत असतांना व्होस्त्रो दिसला. मॉडेल ऑनलाईन उपलब्ध नव्हते (बार्गेनींगला वाव !) दिलेली किंमत ३६००० होती. मी बजेट ३०००० बोललो त्याने ताबडतोबआज घ्याल तर हाच ३०००० ला देतो म्हणाला. मूळ रॅम १जीबी असल्याने मी ती वाढवून किती ला द्याल त्यावर अडलो. शेवटी २ जीबी १६५० ला नक्की झाला. खरं तर १५०० ला योग्य किंमत होती. मात्र तो म्हणाला की यापेक्षा कमी करत नाही बदल्यात २जीबी पेन ड्राईव्ह, हेडफोन,माऊस देतो. त्याचा भर होता आताच घ्या किंवा नोंदणी करा. मी काहीच न करता बाहेर पडलो. मिपावर धागा उघडला. मित्रांकडून सल्ला घेतला.छोटा डॉन ने फोन करून चर्चा केली. नंतर संध्याकाळी तेथे गेलो दोन जीबी रॅम वाढवून घेतली. आता एकून रॅम ३जीबी आहे. :) ब्रिटीशांनी सुचवल्याप्रमाणे ३ वर्षाची वॉरंटीसाठी चौकशी केली तर खुप जास्त पैसे लागत होते म्हणून तो पर्याय रद्द केला. आणि हो, वर मी वेबकॅम आहे असं म्हटलं होतं मात्र बिझनेस मॉडेल्स मध्ये वेबकॅम नसतो असं म्हणतात. यात सुध्दा नाहीये. असा एकंदरीत माझा लॅपटॉप घेण्याचा प्रवास झाला. डेल व्होस्त्रो ए८४० + २ जीबी रॅम अपग्रेड = ३१६५०/- तुमच्या सुचनांसाठी धन्यवाद. खरं तर खुप आकर्षक योजना ऐकली की ती त्याक्षणी घ्यावी असं वाटतं, त्याक्षणी न घेता मित्रांना विचारण्यासाठी शोरूमच्या बाहेर आलं तर डोकं ठिकाण्यावर येऊन निर्णय घेता येतो. ;) नीलकांत