मिपाने एक कट्टा भरवावा.

मिपावर सध्याच्या मूंबईच्या दहशतवादी हल्ल्याच्या संदर्भात अनेक लेख आणि प्रतिक्रिया प्रसिद्ध होत आहेत. अर्थातच ते साहजिकही आहे. प्रत्येकाच्या मनातील काळजी, चिंता आणि भविष्याबद्दलची साशंकता प्रत्येकाला सैरभैर करीत आहे. मिपाने संकेतस्थळाच्या बाबतीत अनेक उपक्रम राबवलेले आहे आणि आपला सक्रिय उत्साह मरा्ठी जगतात दाखविला आहे. सध्याच्या पार्श्वभूमीवरही एखादा कट्टा मुंबई अथवा पुण्यात भरवला गेला तर बरे होईल. त्याचबरोबर पोलिस अथवा सैन्यदलातील कोणा तज्ज्ञांना अनौप्चारिक चर्चेसाठीही पाचारण करण्यात येता येईल. अशा घटना भविष्यकाळातही घडणार आहेत आणि त्यासाठी काय काय खबरदारी घ्यावी, प्रक्षोभक मनाला कसे नियंत्रणात आणावे, अतिरेकी संघटनेचे बहुविध पदर आणि आंतरराष्ट्रीय राजकारण, माणसाचे झालेले अवमुल्यन इत्यादीवरही उहापोह करता येईल. शेवटी इक्बाल यांच्या कवनाची आठवण येत आहे," वतन फिकर कर ए नादान, मुसिबत आनेवाली है. या संभाव्य कट्ट्यात हुतात्मा झालेले पोलिसदलातील कर्मचारी आणि आधिकारी यांनाही काही मदत करता येईल.