आयटी क्षेत्राला लाभलेले अनावश्यक ग्लॅमर

पुढे?

जल्ला आपुन इंजीनियरच नाय!!! आपुन फ़क्त वाचताव!!

शहर तिथे दहा इंजिनिअरिंग कॉलेजेस असे झाले तर आणखीन काय होणार.? माझ्यामते अजुनतरी मेकॅनिकल, इलेक्ट्रीकल्स, इलेक्ट्रोनिक्स ह्या सारख्या बेसिक स्ट्रीम साठी तितकीच स्पर्धा आहे. व विद्यार्थ्यांचा त्यामधील इंटरेस्टच संपल्याने इतक्या जागा रिकाम्या राहिल्या आहेत हे कारण फसवे वाटते.(म्हणजे श्री. जयंत पाटील ह्यांनी दिलेले.)

आयटी ची तुमची व्याख्या काय आहे... ? कोडिंग व टेस्टींग करण्यासाठी इंजीनियरिंग करायची गरज नाही, हे बहूदा विद्यार्थांना समजले आहे..

आणि त्यातून विद्यार्थी म्हणजे कहर असतात. परिक्षा पास होण्यासाठी रट्टे मारतात आणि मग इंटर्व्ह्यू मध्ये वशिला लावता येतो का बघ, उत्तर येत नसलं तरी काही तरी खोटंच उत्तर रेटून देणे असले उद्योग करतात. शिक्षण सम्राटांच्या कॉलेज मधले बरेच विद्यार्थी त्यांच्या फुगलेल्या ईगोने आणि नसलेल्या ज्ञानाने परिपूर्ण असतात असं निरिक्षण आहे.

अहो पण अनेक राजकारण्यांचीच कॉलेजेस असतात ना? प्रत्येक गल्लीत कॉलेज काढले तर जागा रिकाम्या राहणारच!

इतकी flooding झलीय या field मधे आणि तुम्ही म्हणता "तुटवडा"?? हे संस्था चालक तर हेच सांगणार की तुटवडा आहे सगळीकडे इंजिनियर लोकांचा ..! त्यान्ना काय करायचय कुणाच्या भविष्याच! त्यांची colleges भरली म्हणजे झाले.

>>> आयटी क्षेत्राला लाभलेले अनावश्यक ग्लॅमर या शीर्षकाशी सहमत. परंतू, या ग्लॅमरमुळे इंजिनियरिंगच्या बाकी बाजुन्ना विद्यार्थी मिळत नाहीत ही कारण मिमांसा अतिशय अपुरी वाटते. बाकी बाजुन्ना विद्यार्थी न मिळण्यामागे प्रधान कारणे म्हणजे, या रिकाम्या जागा कावळ्याच्या छत्र्यांप्रमाणे जागोजाग नव्याने उगवलेल्या/उगवविलेल्या विविध शिक्षणसम्राटांच्या विनाअनुदानित संस्थांमधील आहेत. मागणिपेक्षा पुरवठा जास्त, शिवाय, या संस्थांच्या अधिकृत/अनधिकृत फीया जास्त, व तितक्या फीया भरण्याची ऐपत असणारे शेवटी संख्येने कितीक असणार, याचा विचार न होता गल्लोगल्लीत पानपट्ट्या उघडल्याप्रमाणे उघडलेली कॉलेजेस, ज्यांची ऐपत या महामूर फीया भरण्याची आहे, तरी मग तेवढा पैका व्याजी लावून विद्यार्थी नुस्ता घरी बसला तरी त्याचे प्वॉट भरेल असा व्यवहारी विचार करणार्‍यांची वाढती संख्या, ही प्रमुख कारणे. याव्यतिरिक्त, आयटीमधील बैठ्या, शरिरकष्ट नाहीत अशा (गैर)समजातून निर्माण झालेले आकर्षण, (शरिरास कष्ट न देण्याची/हातकपडे काळे न करण्याची तयारी), आयटीमधील भिन्नलिंगिय भरपूर उपस्थितीचे आकर्षण, आयटीच्या चकाचक बिल्डिंगा अन हायफाय इन्गिशमधिल अगम्य पाश्चात्य बातचित, शिक्षण झाल्यावर स्टार्टीन्गच्या पगाराचे डोळे दिपवणारे (फसवे) आकडे, अशा विविध बाबींनी ग्लॅमर की काय ते उत्पन्न होते यातही शंका नाहीच.

ईतर अभियांत्रीकी शाखांबद्दल ग्लॅमर कसे वाढेल ह्याचाही विचार झाला पाहिजे.सिव्हिल इंजिनियरिंग्मध्ये तर मोठी समस्या झाली आहे.येथे देशात १० ते २० वर्षे अनुभव असलेले लोक जवळपास नाहीतच.आहेत ते सरकारी नोकरीत..मोठ्या प्रोजेक्टस्साठी लागणारे डिझायनर्स्,साईट इंजिनियर्स खूप कमी आहेत.परिणामी भारतातल्याच मोठ्या प्रोजेक्तससाठी(मेट्रो प्रोजेक्ट्स वगैरे) खाजगी कंपन्या युरोपियन अभियंत्यांना वर्षभरासाठी बोलवून घेतात.

ईतर क्षेत्रातील मिळकत जसजशी वाढत जाईल तसे आईटीचे ग्लॅमर कमी होईल.

आयटी क्षेत्राला लाभलेले अनावश्यक ग्लॅमर! डॉक्टरांना मिळणारे उत्पन्न ! यावर एकच उपाय

आजकाल सगळ्या क्षेत्रांवर संगणकांचा प्रभाव आहे. बँका व अन्य आर्थिक उलाढाल करणार्‍या संस्था तर आहेतच. पण शेती, हवामानशास्त्र, संरक्षण, सर्व अभियांत्रिकी क्षेत्रे, कला (सिनेमे, संगीत, छायाचित्रण, व्हिडियो), रसायनशास्त्र, जीवशास्त्र, जीवरसायनशास्त्र, खगोलशास्त्र, गणित, भूगोल. अशा सर्व क्षेत्रात संगणकाने पाय रोवले आहेत वा रोवू घातले आहेत. अशा राक्षसी वाढीमुळे ह्या क्षेत्रात काम करणार्या लोकांकरता मोठी मागणी आहे आणि तुलनेने कमी खर्चात लोकांना प्रशिक्षित केले जाऊ शकते त्यामुळे भारतासारख्य गरीब व अफाट लोकसंख्येच्या देशात ह्या क्षेत्राचे आकर्षण आहे ह्यात नवल नाही. निदान काही प्रमाणात भारताला ह्या क्षेत्रात मानाचे स्थान आहे. बाकी क्षेत्रात तसे नाही. त्यामुळे ह्या क्षेत्राला वलय लाभलेले आहे. अर्थातच ह्या क्षेत्रात काम करणार्या लोकांना मिळणारी आर्थिक सुबत्ता हेही मोठे आकर्षण आहेच. बाकी क्षेत्रातील तंत्रज्ञांचा तुटवडा जेव्हा कडेलोट होण्याइतका मोठा होईल तेव्हा पुन्हा स्थित्यंतर झालेले दिसेल. आज तरी तो कडेलोटाचा प्रसंग आलेला नाही. तोवर आपण हळहळ व्यक्त करण्याशिवाय काही करु शकत नाही. अशा क्षेत्रात जबरदस्तीचा उपयोग नसतो. पैशाचा ओघ दुसरीकडे दिसू लागला तर लोक आपोआपच त्या क्षेत्राकडे वळतील.

इलेक्ट्रॉनिक्स व टेलिकम्युनिशेन्स इंजिनिअरींग करणारे ९५% टक्क्यांहून अधिक लोक सॉफ्टवेअर इंजिनिअर म्हणून नोकरी करतात. नव्या गोष्टी शिकण्याची व सहजपणे आत्मसात करण्याची क्षमता असणार्‍यांच्या प्रगतीत काही बाधा येत नाही पण ज्यांना हे जमत नाही त्यांचे मुळात कम्प्युटर सायन्स मध्ये शिक्षण नसल्याने काम करताना अडचणी येतात. बहुतेक लोकांना सॉफ्टवेअर इंजिनिअरींगमध्ये करिअर करायचे असताना इलेक्ट्रॉनिक्स व टेलिकम्युनिशेन्स शाखेला इतकी मागणी का असते?

डॉक्टरनी पैसे मिळवायचे नाहीत असा एक धागा निघाला. आता आयटीवाल्यांचा नंबर.

आयटीचे ग्लॅमर आता हळूहळू उतरणीला लागले आहे. पण अजून तरी कित्येकजण मोहापायी आंधळे होऊन आयटी एके आयटी करताना दिसत आहेत. वेळीच सावध नाही झाले, तर मात्र नवशिके आयटी इंजिनियर नोकरीच्या बाजारात कवडीमोल होणार आहेत.

कुणी आयटीत येतो सॅप किंवा आणखीन कशात काम करतो. वर्षभरात ऑनसाइट म्हणून सहा महीने किंवा वर्षभरासाठी बाहेर देशात जातो. आल्यावर पुण्यात एक घर घेतो. लग्न करतो. परत काही तरी जमवून बाहेर जातो. फुकटात हनीमुन होतो. कधी वर्ष तर कधी कधी चक्क चार वर्षे तिकडे काढतो. इकडे आल्यावर दोघही काही वेगळेच जीवन जगायला लागतात. लोकांना या साऱ्यांच आकर्षण का नसावे? आधी म्हणजे साधारणतः अठरा वीस वर्षापूर्वी ही फक्त आयआयटी किंवा मूठभर श्रीमंत लोकांची मक्तेदारी होती. आज हे कुणालाही शक्य आहे, ग्लॅमर आह ते त्याच मुळे. दुसरे म्हणजे बाहेरुन चकचकीत दिसनारे ऑफिस, आयटीवाल्यांची लाइफ स्टाइल ह्या इतर काही गोष्टी सुद्धा आहेत. ग्लॅमर आहे यात काहीही चुकीचे नाही. आज हा १४६ बिलियन डॉलर्सचा व्यवसाय आहे आणि पस्तीस लाखाच्या वर लोक कामाला आहेत. आजतरी येवढ्या मोठ्या प्रमाणात (इंजीनियर्ससाठी) रोजगार उपलब्ध करनारा दुसरा उद्योग नाही.

आय टी क्षेत्राचे ग्लामर ठीक आहे. यात भरपूर पगार तरुण वयात मिळतो. चकाचक कार्यालये विलायतेला जाण्याची संधी इ मुले तरुण मोठ्या प्रमाणावर आकर्षित होतात. परंतु आता तशी परिस्थिती राहिली नाही.खालील दुव्या वरून एक लक्षात येईल कि या क्षेत्रातही जे लोक उच्च दर्ज्याचे कौशल्य मिळवतील ते वर जाऊ शकतील नाही तर साचलेपण( stagnation) फार लवकर येईल. आणि जर डॉट कॉम सारखा याचा फुगा फुटला तर सब घोडे बारा टक्के वाले बाराच्या भावात जातील. मी एक वैद्यकीय क्षेत्रातील तरुणांना सांगत असतो कि दर दहा वर्षांनी तुमची उंची वाढवली पाहिजे कारण तुमचे कनिष्ठ लोक तुमच्या खांद्याशी पोहोचले तर ते तुमच्या वर पोहोचायला वेळ लागणार नाही. कारण ते तुमच्या पेक्षा स्वस्तात सेवा उपलब्ध करून देतील कदाचित हाच न्याय माहिती तंत्रज्ञानात लागू शकेल. आपल्याला कोणत्याही क्षेत्रात अग्रेसर राहणे आवश्यक आहे. \http://trak.in/tags/business/2015/01/27/ibm-2015-layoff-100000/

आयटी क्षेत्रास ग्लॅमर मिळाले म्हणून कोणाच्या पोटात दुखत नसून खरा प्रश्न निराळाच आहे . आयटी मधले मुले /मुली लग्न /प्रेमसंबंध या बाबतीत थोडे आधुनिक विचारांनी (?)प्रभावित असल्याने त्यांच्या वागण्यात उच्छृंखलपणा आढळत असावा ,तसेच लग्न करताना शक्यतो आयटी वाळया मुला/मुलीला आयटी वालाच जीवनासाठी हवा असतो. असे केल्याने आयटी वाल्यांचा एक विशिष्ट वर्ग निर्माण होत असून समाजरचनेच्या दृष्टीने हे धोकादायक आहे , असे मला वाटते आयटी वाल्यांना / अमेरिकेत किंवा परदेशात सेटल झालेल्यांना लग्नासाठी मुली लगेच मिळतात ,किंबहुना सगळ्या मुली तेच पटकावतात .मग इतरांना मुली मिळताच नाहीत असे माझ्या बघण्यात आलेले आहे, असो ,या विषयाचा गांभीर्याने विचार करून "आयटी जनरेशन " चे गारुड जांनामाणसावरून उतरावे ,असे मनोमन वाटते ,या धागाकर्त्याच्या मताशी सहमत

*जीवनसाथी * जनमानसावरून

आयटी क्षेत्राला ग्लॅमर आहे ही गोष्ट खरी आहे. आवश्यक की अनावश्यक हा भाग वेगळा. पण आयटी मध्ये काम करतो असं सांगितला की समोरच्याला एकदम भारी वाटते. माझ्या घरात सक्खे-चुलत मिळून ८ भावंडांपैकी मी एकटाच mechanical engineer आहे आणि कोअर कंपनीत कामाला आहे. बाकी सगळे आयटी मध्ये. सगळ्यांचे उत्पन्न जवळपास सारखेच. त्यामुळे मला खेद वाटत नाही. पण मी, माझी कंपनी काय काम करते हे प्रश्न मला खोदून खोदून विचारतात सगळे. पण इतर भावंडांना कोणी काहीच विचारात नाही. सोफ़्टवेयर मध्ये आहे म्हटलं की झालं ! उलट मी mechanical engineer असल्यामुळे कुठेतरी हात काळे करत असणार अशी सगळ्यांची खात्री आहे.

सहमत व्हा अगर नका होउ. कोअर ब्रँचेस मधे फायनान्शिअल ग्रोथ आणि करिअर ग्रोथ तुलनेनी कमी असते. कदाचित आयटी मधे फक्त पदाचं नावं बदलुन ग्रोथ झाल्याचे प्रकार घडत असतीलही पण त्याबरोबरीनी जी अ‍ॅपरायजल्स मिळतात ती खुप दणदणीत असतात. २ वर्ष अनुभव असणार्‍या मेक/प्रोड/ट्रिकल्/ट्रॉनिक्स (कोअर) आणि आयटी वाल्यांच्या पगारांची तुलना केली तरी आयटीला एवढी मागणी का ह्याचं उत्तर मिळेल. परत आयटी मधे कोअर पेक्षा अधिक प्रमाणात ऑनसाईट कामं असल्यानी तोही एक लव्ह फॅक्टर असतो.

छान चालली आहे चर्चा.एखादी जावा,सी ++,पाय्थॉनसारखी संगणकीय भाषा,बी.एस.डी.सारखी चांगली संगणक प्रणाली आमचे आय.टी.अभियंते तयार करतील अशी केव्हापासून ईच्छा आहे.

सध्या काही कंपन्यानी एस ए पी सारख्या गोष्टीम्साठी ट्रेनिंग देवुन फ्रेशर डिप्लॉय करुन त्यांच्याकडून काम करुन घ्यायचा उपद्व्याप केला. त्यामुळे त्यांच्या कामाचा दर्जा ढासळला. निव्वळ कोडिंग येते म्हणून एस ए पी मधे काम मिळते असा मोठ्ठा गैर समज आहे.त्यासाथी इतर गोष्टींचा अनुभव आवश्यक असतो. उदा अकाउंट्स , प्रोक्युअरिंग , डिस्ट्रीब्युशन वगैरे. हे ज्ञान असेल तरच त्यात टिकू शकता.

आयटी तील जॉब हे फार्च जेनेरीक होतेय. सायबर कॅफे चालवणारा ,केबल व्यवसाय करणारा , एम एस ई बी च्या कोलसेंटर मधे काम करणारा ,डी टी पी करणारापासून ,डेटा एन्ट्री करणारे डॉक्टर पासून ते नासातील स्पेस शटल चे ऑपरेशन डिफाईन करणारा शास्त्रज्ञ तसेच त्यासाठी प्रोग्रम लिहीणारा इथपर्यन्त हे सगळेच आयटीत काम करतात.

ओ ते ट्रेड नाही ब्रांच असते ट्रेड आय टी आय ला . इंग्गीनीरिंग ला ब्रांच

ग* म* भ* !! २ दिवस १०२ ताप असताना ऑफिसला यायला लागत आहे. कसला भो* ग्लॅमर :(

टका सत्काराचं बघा तेव्हढं लवकर !