सोने : गुंतवणूक की सुरक्षा ? की यापैकी काहीच नाही ?

एखाद्या देशाची नेट वर्थ आणि त्या देशाच्या प्रत्यक्ष ताब्यातील सोने ह्यांचा काही परस्पर संबंध असतो का ?

काळा पहाड यांच्याशी सहमत. सोन्यात 'गुंतवलेले' पैसे बुडीत खात्यात जमा करा. गुंतवणुकीचा निर्णय भावनिक होऊन कधीच घेऊ नये. सोने घ्यावे की नको याची चर्चा मिपाकरांशी करण्याऐवजी बायकोशीच करणे उत्तम. ;) मात्र सोने खरेदी केलीच तर ती गुंतवणूक न मानता खर्च मानूनच करावी. स्त्रीधन आणि सुरक्षितता वगैरेही सोन्याशी चुकून जोडले गेलेले मुद्दे आहेत. जगभरात सर्वात जास्त सोने भारतातल्या बायकांकडे असते. खरं तर इतके स्त्रीधन असलेल्या भारतीय स्त्रिया आर्थिकदृष्ट्या सुरक्षित व स्वावलंबी मानल्या जाव्यात. मात्र तसे कुठेच दिसत नाही. आणखी एक मुद्दा म्हणजे भारताला सोने आयात करावे लागते. त्यामुळे परकीय गंगाजळीवर ताण पडतो आणि सरकारच्या चालू खात्यातली तूट वाढते. जबाबदार नागरिकांना सोन्यासारख्या - गरज नसलेल्या - गोष्टींची आयात कमी करता आली तर चांगलेच आहे. अर्थात तुमच्या वैयक्तिक तत्त्वांचा प्रश्न आहे. सोनेखरेदी करणे यात बरेवाईट किंवा देशप्रेम-देशहित-देशद्रोह असे मला काहीही म्हणायचे नाही. आता राहिला भावनिक मुद्दा - तर सोने खरेदी नको असे तुमची पत्नी म्हणते आहे ते चोरीच्या तात्पुरत्या धक्क्यामुळे की खरेच सोन्याच्या दागिन्यांची आवड नसल्याने हे तुम्हाला अद्याप माहीत नसावे असे वाटते. तुमचे नुकतेच लग्न झालेले असल्याने (प्रेमविवाह नसल्यास) बायकोच्या आवडीनिवडी समजायला वेळ लागेल. अशा वेळी तुम्ही उलट तिला 'निदान एकदोन ग्रॅमचे तरी दागिने कर' असे सांगून ब्राऊनी पॉईंट्स मिळवायला हवेत. लाँग टर्म वैवाहिक आयुष्यात असे पॉईंट्स खात्यात असणे फायदेशीर असते. शिवाय हे हलक्या वजनाचे दागिने दिसायला छान आणि वापरायला सोयीचे असतात. अगदी चोरीमारी झाली तरी फारसे नुकसान होत नाही. बेंटेक्स वगैरे हानीकारक धातूंपेक्षा ही चांगली सोय आहे. महाग आणि जड दागिने सांभाळायला फार त्रासदायक असतात. शिवाय ते लॉकरमध्ये वगैरे ठेवावे लागतात. म्हणजे हायपोथेटिकल सिच्युएशनमध्ये टीवीवरच्या मालिकांत किंवा सिनेमात दाखवतात तसे अडीअडचणीला दागिने मोडावे वाटले आणि ती शनिवारची संध्याकाळ असली तर सोमवारी बँक उघडेपर्यंत वाट पाहावी लागते. त्यापेक्षा लिक्विड इमर्जन्सी फंड (तीन ते सहा महिने मासिक खर्चाइतका) ठेवलेला बरा.

सोने ही गुंतवणूक ही नाही आणि सुरक्षा ही नाही.

ह्याच्याशी असहमत. गुंतवणुक पुर्वी तरी नक्की होती. महागाई पेक्षा जास्त परतावा सोन्यानी कायम दिला आहे. ह्या पुढचे माहीती नाही. पण सुरक्षा नक्कीच आहे. मुख्य म्हणजे, देशाच्या चलनाचा भाव कीती ही गडगडला तरी सोन्याची पर्चेसिंग पॉवर बर्‍यापैकी तशीच रहाते. उदा. तुम्ही सध्या २० ग्रॅम सोन्याच्या ऐवजी मारुती स्विफ्ट घेऊ शकता, पुढे जर रुपयाची किंम्मत एकदम ढासळली तरी तुम्ही २० ग्रॅम सोन्याच्या बदल्यात मारुती स्विफ्ट घेउ शकाल. आणि तसेच सोन्याचे भाव १०-१५ टक्के खाली जातील पण जास्त नाहीत.

http://aisiakshare.com/node/3471#comment-81540 ऐसीवर या प्रश्नाला फ़क्त ४ रोचक मिळाले होते. :D उत्तर नाही. आता मिपावर गोल्ड डिपॉजिट ही काय भानगड असते? म्हणजे, बॅन्का ते सोने विकुन कुठे इन्वेस्ट करतात आणी काही वर्षांनी तेवढेच सोने व्याजासकट परत देतात काय? काही बॅन्का तयार दागिनेसुद्धा ठेवून घेतात म्हणे. (१% पे़क्षा कमी व्याज देतात). पण त्यांचा काय फायदा आहे त्यात