माझ्या मते भा. ज. पा. ला थोडा फायदा, लोकसभेतील बहुमता मुळे होईल. खरे काय हे लवकरच कळेल.

मिडियावाल्यांच्या भाषेत सांगायच झाल तर ये दिल्ली की जनता की जीत होगी, लोकशाही की जीत होगी !

आआप कसा वाईट्ट वाईट्ट अगदी...

बेदी बाईंना भाजपात आणुन शहा-मोदी द्वयीने उत्तम चाल खेळली हे खरं, पण ओळखपत्र प्रकरणी बाई अडचणीत येणार असं दिसतय. निकाल काय लागेल माहित नाहि, पण आम आदमे पार्टीचं स्पष्ट बहुमताचं सरकार बनावं असं वाटतं.

केजरीवाल मुख्यमंत्री झाल्यास निश्चितच दिल्लीकरांना फायदा होईल! वीजेचे दर कमी करणे, मोफत पाणी देणे ,बेघरांसाठी रैन बसेरा' असे चांगले उपक्रम त्यांनी ४९ दिवसात राबवले.... या उलट नरेंद्र मोदीचे सरकार येऊन वर्ष होत आले तरीही दिलेल्या आश्वासनांपैकी एकही पुर्ण केलेले नाही, जनतेच्या पैश्यावर मोदींच्या भपकेबाज परदेशवार्या सुरु आहेत. स्वतःच्या प्रतिमेवरही आता विश्वास न राहिल्याने किरण बेदीला पुढे केले आहे ,एकंदर आपचे पारडे जड आहे. दिल्लीकर आपलाच निवडुण देतील तर खरंच त्यांच्यासाठी केजरीवाल काही ठोस निश्चितच करतील.मागच्या वेळेस जनलोकपाल यावा यासाठी त्यांनी राजीनामा दिला,त्यात गैर काहिच नाही. लाल बहादूर शास्त्रीजींनंतर प्रामाणिकपणा असलेले सध्यातरी केजरीवाल एकमेव आहेत असे वाटते.

प्रचारात काँग्रेसच्या भ्रष्टाचाराविरूद्ध प्रचंड राळ उठविणार्‍या केजरीवालांनी निकाल लागल्यावर एकदम टोपी फिरविली.

बाई ग श्रीगुरुजी, भाजपावल्यांनी तर अशा टोप्या अनेक्वेळा फिरवल्यात.महाराष्ट्राच्या निवडणूकीत भाजपेयींनी किती कॉन्ग्रेस्,राष्ट्रवादीच्या लोकांना पावन करून घेतले याची भली मोठ्ठी यादी तयार होईल.

आप जिंकेल दिल्ली. २ महिन्यांआधी अजिबात वाटत नव्हते तसे होईल म्हणून. जनमत केजरीवालविरोधात होते. एक किस्सा सांगतो. पटेल नगर मेट्रो खाली असलेल्या बस स्टेशनवर एक बिल बोर्ड लागले होते. 'जो बोला सो किया, ४९ दिन में बिजली बिल कम किया' असे लिहीले होते. सोबत केजरीवालचा मोठा फोटो. एकाने तिथे फोटोशेजारी मार्करने 'महाठग' लिहून ठेवले होते. मोबाइल घरी ठेवून बाहेर पडलो होतो नाहीतर फोटो काढला असता. दुसर्‍या दिवशी गेलो तेव्हा कोणीतरी ते खोडले होते. कोणी म्हणेल हे भाजपेयींचे काम असावे. पण मला तसे वाटत नाही. दुकानात, चौकात लोक याच लाइनवर बोलत. किरण बेदींना आणून चूक केली की काय असे वाटते.

या दोन पक्षांव्यतिरिक्त काँग्रेस व इतर कोणतेही पक्ष मतदारांच्या खिजगणीतही नाहीत.

नक्की?

कोलिन्ग क्लिन्ट्न .....

काही दिवस चर्चेचे नाटक करून व नंगर नागरिकांकडून एसेमेस मागविण्याची नौटंकी करून शेवटी चक्क काँग्रेसच्याच पाठिंब्यावर सरकार स्थापन केले.

सरकार स्थापन करण्याअगोदर आम आदमी पक्षाने जागोजागी सभा घेऊन जनतेला हा प्रश्न विचारला होता. जनतेने स्वतःहून ‘आप’ला सरकार स्थापन करण्याबद्दल सांगितले होते. त्या जनसभांचे व्हिडिओ युट्यूबवर उपलब्ध आहेत. दिल्लीमध्ये कुणाला ओळखत असाल तर त्यांना विचारा.

अधिकार नसताना व कोणतेही वॉरंट नसताना परदेशी नागरिकांच्या घरावर धाड घालणे, दस्तुरखुद्द मुख्यमंत्री केजरीवाल यांनी रात्रभर फुटपाथवर धरणे धरून नागरिकांना वेठीस धरणे, राज्यपालांची परवानगी नसताना जनलोकपाल विधेयक मांडण्याचा हट्ट धरणे व त्या कारणावरून राजीनामा देणे

- पोलिसांकडे कित्येक वेळा तक्रार करूनसुद्धा काहीच साध्य न झाल्याने खिरकी एक्स्टेंशनची जनता रात्री उशिरा सोमनाथ भारती यांच्या घरी गेली. त्यांनीच निवडून दिलेला एक आमदार आणि मंत्री म्हणून म्हणून सोमनाथ भारती त्यांच्या मदतीसाठी त्या जागेवर गेले. व्हिडिओ पाहिला असेल तर कळाले असेल की पोलिस एका मंत्र्याचे म्हणणे ऎकून घेत नाहीयेत, मग त्या सामान्य लोकांचे तर विचारूच नका. खिडकीमध्ये राहणार्‍या लोकांचे काय रिऍक्शन्स आहेत जरा जाणून घ्या. आणि युगांडाच्या त्यातल्या काही स्त्रीयांनी नंतर स्वतःहून कबूल केले आहे की तिथे ड्रग्स आणि सेक्स रॅकेट चालायचे. - केजरीवालच्या धरण्यामुळे जनतेला त्रास झाला असेल तर यावेळी ते त्यांना निवडून देणारच नाहीत. हाय काय नाय काय... - जनलोकपालसाठीच ते राजकारणात आले होते. असंवैधानिक काहीही नव्हते त्यात. त्या दिवशी सदनात नेमके काय झाले हे पाहायचे असेल तर त्याचासुद्धा व्हिडिओ उपलब्ध आहे युट्युबवर.

वाराणशीला जाउन उंटाच्या **चा मुका घ्यायचा प्रयत्न केला

लेख लिहिणारा कोण असू शकतो याचा अंदाज येतोय. समजून घ्यायला सोप्पे केल्याबद्दल धन्यवाद.

आआपचे काही मुख्य नेते आआप सोडून भाजपमध्ये गेले आहेत (शाझिया इल्मी, विनोद बिन्नी इ.)

आपच्या या ‘मुख्य’ नेत्यांना भाजपने सामिल करून घेतले त्याबद्दल त्यांचे खूप खूप आभार. आपच्या किमान २ सिट तरी पक्क्या झाल्या आता. शाझिया मावशिंचे जुने व्हिडिओज किंवा ट्विट्स देऊ का ? की माहित आहेत ? बिन्नी बाबूंबद्दल काय बोलणार ? रेकॉर्डब्रेक २ तासांचे आमरण उपोषण केले होते त्यांनी ५०-६० लोकांच्या प्रचंड जनसमुदायासमोर.

भाजपचा मुख्यमंत्रीपदाचा उमेदवार जगदीश मुखी असतील हे गृहीत धरून केजरीवालांनी त्यांना लक्ष्य करून प्रचाराला सुरूवात केली होती. नंतर भाजपचा मुख्यमंत्रीपदाचा उमेदवार सतीश उपाध्याय आहे अशी समजूत करून घेऊन त्यांनी सतीश उपाध्याय यांच्याविरूद्ध राळ उठवायला सुरूवात केली.

मुखी किंवा उपाध्याय हे मुख्यमंत्री पदाचे दावेदार कधीच नव्हते हे दिल्लीतल्या भाजप कार्यकर्त्यांना समजून सांगा ना प्लिज. तिकिट न मिळालेल्या काही स्थानिक नेत्यांनासुद्धा समजून सांगा. विनाकारण भाजपच्या ऑफिसवर मोर्चे काढत आहेत, अमित शाह यांच्या विरोधात नारे लावत आहेत, राजिनामा देत आहेत, पक्ष सोडून जात आहेत.

आयत्या वेळी केजरीवालांच्याच सहकारी माजी पोलिस महानिरीक्षक किरण बेदी यांना भाजपत आणून त्यांनाच मुख्यमंत्रीपदाचा उमेदवार जाहीर करून ही लढत केजरीवाल विरूद्ध बेदी अशी कलाटणी देऊन टाकली.

याबद्दलसुद्धा भाजपचे खूप खूप आभार. बर्‍याच दिवसांपासून राहूल गांधींना मिस करत होतो, पण किरण बेदी राहूल बाबांची उणीव भासू देत नाहीयेत. उलट राहूल बाबा खूष आहेत आणि प्रार्थना करत आहेत की किरण बेदी दर ५ मिनिटाला कॅमेर्‍यापुढे याव्यात आणि माझे सगळे रेकॉर्ड तुटावेत. अगोदर स्वतः केजरीवालला चर्चेचे आवाहन दिले आणि मग ते केजरीवालने स्विकारले तर मॅडम चर्चा करणार नाही म्हणत आहेत. तसा मी कोणत्याही पोल किंवा सर्वेला मानत नाही, पण काल-परवा एका वेबसाईटवर (बहुतेक FirstPost) वाचले की दस्तुरखुद्द किरण बेदींना त्यांच्याच मतदारसंघातून पराभव स्विकारावा लागेल. (इतकी सेफ सिट घेऊनसुद्धा !) किरण बेदींचेसुद्धा अनेक ट्विट्स आणि व्हिडिओ उपलब्ध आहेत, हवे असल्यास मिळवून देतो. असो, इतका भयंकर मास्टरस्ट्रोक खेळल्याबद्दल भाजपचे मनःपूर्वक आभार.

सध्या तरी आआपचे पारडे काही प्रमाणात जड आहे असे वाटते. भाजप व आआपमध्ये तुल्यबल लढत होऊन भाजपच्या तुलनेत आआपला अगदी थोड्या जागा जास्त मिळतील

पूर्ण पोस्टमध्ये ‘आप’ला इतके घालून पाडून बोललात, तरी तुम्हाला आपचे पारडे जड वाटते ? कमाल आहे ब्वा !

जर आआपला स्पष्ट बहुमत मिळाले तरी केजरीवालांसारख्या अत्यंत बेभरवशाच्या व विचित्र स्वभावाच्या व्यक्तीमुळे ते सरकार फार काळ टिकेल असे वाटत नाही.

तुमचे खूप कन्फ्युजन होत आहे असे दिसतंय. तुम्ही पूर्ण पोस्टमध्ये आपवाले कसे चुकीचे होते, आहेत हे दाखवलंय. ते जर खरे असेल तर स्पष्ट बहुमत तर सोडाच, ५ सिट सुद्धा येणार नाहीत आपच्या. थंड घ्या. १० दिवस राहिलेत फक्त.

किरण बेदी दणकुन पडावी ही मनोमन इच्छा. भाजपनी मोठी चुक केली आहे तिला आणुन. स्वताच्या पक्षाच्या लोकांवर पण अन्याय केला आहे. ती बेदी बाई तर पडलीच पाहीजे आणि आप चे सरकार आले तर सोन्याहुन पिवळे.

ज्या पध्दतीने घडामोडी होत आहेत त्यावरून असे वाटत आहे की भाजप आणि आआप यांच्यात खूप चुरशीची लढत होईल आणि या लढाईत आआपचे पारडे थोडे जड आहे.नक्की कोण जिंकेल हे सांगता येणे कठिणच आहे.तरीही दिल्ली स्वीप करणे कोणत्याही पक्षाला कठिणच जाईल.मिळाला तर तो अगदी थोडक्यातला विजय असेल.जर का काँग्रेसने अनपेक्षितपणे २०१३ इतक्या जागा घेतल्या तर २०१३ चीच पुनरावृत्ती नाकारता येणार नाही. मला वाटते की भाजपने दिल्लीत जे काही चालविले आहे ते म्हणजे हातातील उत्तम संधी कशी दवडावी याचे उत्तम उदाहरण ठरेल. १. जुनी विधानसभा बरखास्त करायला मोदी सरकारने इतका वेळ का घेतला हे अनाकलनीय आहे.आणि निर्णय घेतला तो पण कोर्टाने फटकारल्यानंतर.त्यामुळे मतदारांमध्ये असा संदेश गेला की भाजप निवडणुकीला घाबरत आहे. महाराष्ट्र आणि हरियाणा या राज्यांबरोबर दिल्लीतही मतदान व्हायला हवे होते. एप्रिल २०१४ मध्ये लोकसभा निवडणुकांमध्ये आआपचा धुव्वा उडाला त्यातून सावरायची संधी न मिळताच सहा महिन्यात नव्या निवडणुकांना सामोरे जाणे आआपसाठी सोपे गेले नसते.विनाकारण जास्त उशीर करून मोदी सरकारनेच आआपला सावरायची संधी दिली. मला वाटते की जुनी विधानसभा बरखास्त करण्यात केलेली दिरंगाई भाजपला चांगलीच महागात पडणार आहे. २. १९९८ मध्ये सत्ता गमावल्यापासूनच दिल्ली भाजपमध्ये विजय गोयल, जगदीश मुखी, विजेन्द्र गुप्ता, सतीश उपाध्याय,हर्षवर्धन यांचे गट आहेत.वास्तविक हे सगळे नेते तितकेसे प्रभावशाली नाहीत.या नेत्यांना शीला दिक्षित यांना १५ वर्षांपर्यंत सत्तेतून खाली खेचता आले नव्हते.इतकेच काय तर डिसेंबर २०१३ मध्ये देशात नरेंद्र मोदींची लाट असतानाही दिल्लीमध्ये मात्र स्वबळावर बहुमत यांना मिळवता आले नव्हते. यापैकी कुणाही एकाला मुख्यमंत्रीपदाचे उमेदवार म्हणून जाहिर केले असते तर इतर सर्व नेते नाराज झाले असते. पण किरण बेदी यांना मुख्यमंत्रीपदाच्या उमेदवार म्हणून घोषित केल्यानंतर हे सगळे नेते नाराज झाले आहेत असे आताचे चित्र आहे.असे प्रभावहिन नेते दुखावले गेले तर बहुदा भविष्यात ते पक्षासाठी चांगलेच असेल.पण निवडणुकांपर्यंतच्या शॉर्ट रन मध्ये त्यामुळे पक्षाला फटका बसेल असे दिसते. आजही १६ वर्षे सत्तेबाहेर असून काहीही झाले तरी जिंकायचेच ही 'किलर इन्स्टिन्क्ट' अजूनही भाजपवाल्यांमध्ये दिसत नाही. ३. डिसेंबर २०१३ आणि एप्रिल-मे २०१४ प्रमाणे यावेळीही काँग्रेसने लढाई सुरू होण्यापूर्वीच पराभव मान्य केला आहे असे चित्र आहे.त्यामुळे जी भाजपविरोधी अन्यथा काँग्रेसला मिळाली असती ती बर्‍याच अंशी आआपकडे वळतील.त्यातून भाजपविरोधी मतांचे विभाजन टळेल आणि निवडणुक पक्षाला जड जाईल. ४. विधानसभा निवडणुकांमध्ये राष्ट्रीय पक्ष लोकसभा निवडणुकांइतकी चांगली कामगिरी करत नाहीत तर प्रादेशिक पक्ष विधानसभा निवडणुकांमध्ये लोकसभा निवडणुकांपेक्षा जास्त चांगली कामगिरी करतात हे आतापर्यंत अनेक वेळा सिध्द झाले आहे. त्यामुळे भाजप यावेळी बॅकफुटवर असणार आहे. त्यातून काँग्रेसच्या मतांवर आआपने डल्ला मारला तर ते एक मोठे तगडे आव्हान ठरेल. ५. लोकसभा निवडणुकांमध्ये मिळालेल्या जोरदार यशानंतर आणि त्यानंतर महाराष्ट्र, हरियाणा, झारखंड या राज्यात मिळालेल्या यशानंतर भाजपवाले थोडे ओव्हर-कॉन्फिडन्समध्ये गेले आहेत. एप्रिल-मे २०१४ मध्ये नरेंद्र मोदींना पंतप्रधान करायचे या भावनेतून पक्षाला जोरदार मते मिळाली.पण दिल्ली विधानसभा निवडणुकांमध्ये कोणाला पंतप्रधान करायचे हा मुद्दा नसून कुणाला मुख्यमंत्री करायचे हा मुद्दा आहे.तिथे केजरीवाल लोकप्रिय आहेत हे नाकारता येणार नाहीच. नक्की कोण जिंकेल हे जरी सांगता येणे कठिण असले तरी एकंदरीतच भाजप बॅकफूटवर आहे असे दिसते.

आप येणार असेल तर अवघड आहे ! त्यापेक्षा कॉन्ग्रेस आलेली उत्तम ! कोन्ग्रेस्मध्ये थोडिफार "जान" येईल त्यानिमित्ताने . शेळपट आणि कणा गमावलेला विरोधी पक्ष ही लोकशाहिच्या दृष्टीने चिन्तेची बाब आहे. "आप" आल्याने प्रादेशिक पक्षांना पुन्हा बळ येईल. प्रदेशिक पक्ष मुजोर आणि बळकट होणे हे हितावह नाही असा आत्ता पर्यन्तचा अनुभव आहे. दिल्लिचा मतदार सूज्ञ आहे आणि योग्य तेच करेल.

केजरीवाल दणकून आपटावेत असे मला व्यक्तिश: फार वाटते.हे प्रत्यक्षात होणे फारच कठिण आहे हे दिसतच आहे तरीही मला तसे वाटते त्याची कारणे: १. एकतर केजरीवालांनी दिल्लीचे मुख्यमंत्री असताना जो सावळागोंधळ घातला त्याला तोड नाही. दिल्ली पोलिस हे दिल्ली राज्य सरकारच्या नियंत्रणाखाली हवेत ही मागणी कितीही रास्त असली तरी ती मागणी मांडायचे आपल्याच राज्यघटनेत अनेक मार्ग दिले आहेत.४९ दिवसात किती वेळा याविषयी दिल्ली विधानसभेत केजरीवालांनी ठराव पास करून घेतला? यासंबंधी त्यांनी किती वेळा राष्ट्रपती-पंतप्रधान-गृहमंत्री यांना निवेदने दिली?किती वेळा त्यांनी कोर्टात धाव घेतली? आपले म्हणणे कितीही रास्त असले तरी घटनात्मक मार्ग न अवलंबता मुख्यमंत्र्यांनीच धरण्यावर बसणे हे कदापि समर्थनीय नाही.बरं केजरीवाल जुन्या अनुभवांमधून शहाणे झालेत असे वाटत नाही. कालच इथे म्हटल्याप्रमाणे परत सत्तेत आल्यासही धरणे थांबविणार नाही असे केजरीवाल म्हणाल्याची बातमी आहे.त्यातून स्पष्ट दिसते की त्यांच्या पक्षाला सरकार चालविण्याची गंभीर गोष्ट सुट होत नाही तर रस्त्यावर धरणे धरणे, तमाशे करणे हेच मानविते. ज्यावेळी भारत देश हा काही वर्षात जागतिक अर्थकारणात एक अधिक महत्वाची भूमिका बजावू शकेल अशी परिस्थिती असताना आपल्या राजधानीतच अशी नौटंकी अयोग्य ठरेल. विशेषतः बंगालमध्ये १९६० च्या दशकाच्या शेवटी जे रस्त्यावरचे राजकारण चालू होते तेच आपल्या राजधानीत व्हायची शक्यता आहे ही कल्पनाच अगदी शिसारी आणणारी आहे. २. वीजेची बिले न भरणार्‍यांचे मीटर कापले होते ते स्वतः केजरीवालांनी जोडले हा प्रकार मला तरी अत्यंत धोकादायक वाटला.एक तर दिल्लीतील तीन वीज वितरण कंपन्या एन.टी.पी.सी किंवा अन्य वीज निर्मिती कंपन्यांकडून वीज खरेदी करून ग्राहकांना विकतात.नक्की किती युनिट कोणाला विकले, कोणत्या दराने विकले इत्यादी सर्व माहिती ऑडीटेड असते. तसेच वीज निर्मिती कंपन्यांनी कोळसा किती रूपयांना विकत घेतला ही माहिती कोल इंडिया लिमिटेडच्या अकाऊंटमध्ये ऑडिटेड असते.मी वीज क्षेत्रात जे काही बघितले आहे त्यावरून सांगतो की वीज निर्मितीमध्ये ६५-७०% इतका खर्च कोळशाचा असतो.तेव्हा यात गफला करायचा असेल तर वीज वितरण कंपन्या, वीज निर्मिती कंपन्या, कोल इंडिया लिमिटेड आणि म्हणून कॅग या सगळ्यांचा गफल्यामध्ये समावेश हवा. वीज मीटर फास्ट करून जास्तीची बिले उकळतात असा दावा असेल तर तो आकड्यांद्वारे सिध्द करायला हवा. वीज वितरण कंपन्यांनी समजा १०० युनिट वीज निर्मिती कंपन्यांकडून खरेदी केले त्यापैकी १५ ते २० युनिट लॉसेस मध्ये गेले हे गृहित धरले तर ८० युनिट विकले जायला हवेत.मीटर फास्ट करून युनिट खरेदी केले १०० पण बिल घेतले १२० युनिटचे असे झाल्यास ते आकड्यात नक्कीच पकडता येईल. मनसेसारख्या गुडघ्यातल्या पक्षानेही त्यांच्या ब्लू-प्रिंटमध्ये आकडेवारीनिशी त्यांचा मुद्दा मांडला होता.तसा कोणताही प्रयत्न आआपकडून झालेला नाही.जो काही चालला आहे तो हवेतला गोळीबार. ३. अमुक फुकट देऊ, तमुक अर्ध्या किंमतीत देऊ इत्यादी समाजवादी धोरणे अर्थशास्त्राचा एक विद्यार्थी म्हणून मला अजिबात मान्य नाहीत.दिल्लीत शीला दिक्षित यांनी १५ वर्षे अर्थकारण नक्कीच चांगले सांभाळले होते. वीज कंपन्यांचीच २००१-०२ मध्ये स्थिती होती त्यापेक्षा बरीच चांगली स्थिती २०१३ मध्ये होती. पण आआपने एकदा ती सुरवात केली म्हणजे सगळ्याच राजकीय पक्षांना तसे आश्वासन देणे भाग झाले.अन्यथा त्या मुद्द्यावर रान उठवून मतांची झोळी भरायचा प्रयत्न आआप करणारच.लोकांना फुकट द्यायची सवय लावायची की त्या गोष्टी स्वकष्टाने मिळवता येतील यासाठी सक्षम बनवायचे?समजा लोकांना ती समज नसेल तर राजकीय पक्षांना तरी ती समज असलीच पाहिजे.त्यामुळे पहिल्यांदा जो पक्ष असे फुकट वाटायची आश्वासने देतो त्या पक्षालाच मी व्यक्तिशः या प्रकारासाठी जबाबदार धरतो. ४. केजरीवाल (आणि त्यांचे फेसबुक आणि इतर अनेक ठिकाणचे समर्थक) हे हिट अ‍ॅन्ड रन करण्यात अगदी एक्सपर्ट आहेत.नितीन गडकरी हे भारतातील सगळ्यात भ्रष्ट राजकारणी आहेत असा केजरीवालांनी दावा केला.गडकरी त्याविरूध्द कोर्टात गेल्यावर मग सारख्या पुढच्या तारखा केजरीवाल का मागत होते? त्यांच्याकडे जो काही पुरावा असेल तो त्यांनी द्यायचा ना मग गडकरींविरूध्द कारवाई करा ही मागणी अनेकांप्रमाणे मीपण केली असती.मग आठवडाभर तुरूंगात राहायचे नाटक झाले.मग मी जामिनच भरणार नाही हे नाटक झाले.बाकी काही नाही पण या भयंकर नाटकीपणामुळे आणि ढोंगीपणामुळे तो मनुष्य अगदी प्रचंड डोक्यात जातो. अशा भ्रष्टाचाराच्या प्रकरणांचे पुरावे थोडीच मिळतात असे कोणी विचारत असेल तर त्यांना फाट्यावर मारण्यात येत आहे. (अगदी असेच खैरनार समर्थकांना १९९४ मध्ये फाट्यावर मारले होते :) ) ५. केजरीवालांच्या पक्षात एकवाक्यता आहे का? सोमनाथ भारतींच्या त्या रेडनंतर एक दाक्षिणात्य महिला (नाव लक्षात नाही पण त्या पक्षाच्या स्थापकांपैकी एक होत्या) सोडून गेल्या. निवडणुकांना १५ दिवस राहिलेले असताना पक्षाला सर्वात जास्त देणगी देणारे शांती भूषण केजरीवालांनाच पदावरून दूर करा असे म्हणतात आणि किरण बेदींचे कौतुक करतात. मागच्या वर्षी टीना शर्मा नामक नेत्याने भर टिव्हीवर आआपच्या प्रवक्त्याच्या श्रीमुखातच लगावली. डिसेंबर २०१३ मध्ये निवडून आलेल्या २८ पैकी ३-४ आमदारांनी पक्षाला रामराम ठोकला. केजरीवालांचे कित्येक वर्षांपासूनचे सहकारी अश्वनी उपाध्याय त्यांना सोडून भाजपमध्येच गेले.अरे काय चालू काय आहे? एकतर तुम्हाला रस्त्यावर उतरण्यात जास्त इंटरेस्ट आणि वर तुम्ही आपापसात भांड भांड भांडणार.मग तुम्ही चांगले सरकार द्याल यावर लोकांनी का विश्वास ठेवावा? यावर इतर सगळ्या पक्षांमध्येही असेच चालते असे कृपया म्हणू नका.इतर कोणत्याही पक्षात पक्षाच्या आकाराच्या ५०% पेक्षा जास्त भांडणे नसतात. ६. आम्ही तेवढे प्रामाणिक आणि बाकी अलम दुनिया भ्रष्ट हा होलिअर दॅन दाऊ अ‍ॅटिट्यूड आणखी डोक्यात जातो.म्हणजे ज्या किरण बेदींना तुम्हीच मुख्यमंत्रीपदाच्या उमेदवार बनविणार होतात त्याच किरण बेदी दुसर्‍या पक्षात गेल्या तर त्या लगेच संधीसाधू बनतात!! मी प्रामाणिकच आहे हा दावा अगदी लालूसुध्दा करतात.भारतातील कोणताही नेता "हो मी भ्रष्ट आहे" असे म्हणूच शकणार नाही.तेव्हा नेता स्वतःविषयी जे दावे करतो त्याला माझ्या लेखी अगदी शून्य किंमत आहे.प्रत्यक्षात तुमचा ट्रॅक रेकॉर्ड काय्?आय.आर.एस मध्ये अधिकारी असताना केजरीवालांनी एकही टॅक्सविषयी धाड टाकली नव्हती की त्यांची एकदाही बदली झाली नव्हती असे अनेकवेळी सामोरे आले आहेच.मग तुम्ही प्रामाणिक असे म्हणता त्याला काय आधार? जर मुख्यमंत्री झाल्यानंतर चार दिवसात वीजविले अर्धी करू शकत होतात तर मग शीला दिक्षितांविरूध्द तुमच्याकडेच असलेल्या ३७० पानी आरोपपत्रानुसार कारवाई नव्हती सुरू करता येत्?त्यावेळी शहाजोगपणे म्हणायचे की हर्षवर्धन यांनी पुरावे आणावेत मग आम्ही कारवाई करू. ३७० पानी आरोपपत्राचा उल्लेख कोणी केला होता?मग पुरावे हर्षवर्धन यांच्याकडे कशाला मागता? ७. तुमच्या पक्षात हुर्रियत कॉन्फरन्समध्ये फूट पडल्यामुळे काश्मीरातील 'भारतीय स्टेट' विरूध्दचा लढा कमजोर झाला म्हणून अश्रू ढाळणारे, पूर्ण भारतीय कायद्यानुसार अफजलला फाशी देऊनही त्याविरूध्द गरळ ओकणारे नेते आहेत. त्याविषयी तुमची भूमिका संदिग्धच राहिली आहे.तीन चारशे रूपये वीजेचे बिल कमी यावे म्हणून अशा पक्षाला समर्थन देऊन माझ्या देशाच्याच इंटरेस्टविरूध्द मी जाऊ शकणार नाही. सॉरी. एकूणच काय की आआप दिल्लीत जिंकल्यास हे आआप स्टाईल moronism (मराठी शब्द?) पूर्ण देशभर वाढीला लागेल-- म्हातारी मेल्याचे दु:ख नाही पण काळ सोकावतो त्याचे नक्कीच दु:ख आहे. या पक्षाला मिडीयाने विनाकारण मोठे केले आहे. इनमिन यांचे लोकसभेत खासदार किती? चार. शिवसेनेचे १८ खासदार आहेत. इतर अनेक पक्षांचे यांच्यापेक्षा बरेच जास्त खासदार आहेत.तरीही कोणत्याही राष्ट्रीय महत्वाच्या चर्चेत इतर पक्षांना दरवेळी मिडियात स्थान असतेच असे नाही पण आआपवाले मात्र हटकून असतात. त्यांच्यातील सगळेच लोक डोक्यात जातात पण आशिष खैतान आणि आशुतोष हे विशेष. आम्ही म्ह़णजे कोण आणि बाकी सगळी दुनिया भ्रष्ट हा दर्प त्यांच्या बोलण्यातून अगदी शब्दाशब्दाला जाणवतो. या असल्या अहंमन्य पक्षाचा अगदी दणदणीत पराभव व्हावा असे मनोमन वाटते.तसे होणे कठिण आहे हे दिसतच आहे तरी मी माझा विरोध सोडणार नाही.आआप सत्तेत आल्यास मात्र फेसबुक आणि मिसळपाववरील दिल्ली विधानसभेतील विरोधीपक्ष नेता मीच. १९९९ मध्ये वाजपेयी सरकारवरील विश्वासदर्शक ठरावावरील चर्चेत (याच ठरावावर वाजपेयी सरकार एका मताने पडले होते) सोमनाथ चॅटर्जी म्हणाले होते: "What is our obligation to keep BJP in power?" त्याच धर्तीवर मी म्हणतो "What is my obligation to support AAP?" विशेषतः समाजवादी आणि डाव्यांना वेळोवेळी असे कोणीतरी मसिहे हवे असतात तो त्यांना केजरीवालांच्या स्वरूपात मिळाला आहे हे फेसबुकवर जाणवतच आहे.आणि असल्या समाजवादी आणि डाव्यांना माझा अगदी कट्टर विरोध आहे.त्यामुळे केजरीवालांना विरोध करायचे आणखी एक कारण मला मिळाले आहे. (आआपला विरोध करणे म्हणजे भ्रष्ट असल्याचे लक्षण असल्यास जगातील सर्वात भ्रष्ट माणूस आणि त्याविषयी जाज्वल्य अभिमान असलेला) क्लिंटन

मला तरी असे स्पष्ट वाटते की आपचा काँग्रेस आणि भाजपाने मिळुन बकरा केला आहे. आपने स्वतःची उरली सुरली लाज स्वतःच विदुषकी चाळे करुन काढुन घेतली आहे. त्या लोकांना प्रशासनाचा शष्प अनुभव आहे.. सुशासनाचा तर अजिबात नाही. ज्या राज्यात मुख्यमंत्री स्वतःच उपोषणाला बसतो त्या मुख्यंमंत्र्याला सरकार चालवण्याची किती जाण आहे देव जाणे. मला केजरीवालांच्या प्रामाणिकतेवर शंका घ्यायची नाही. कदाचित ते प्रामाणिक असतीलही. पण मी तरी त्यांना कधीच मत दिले नसते कारण त्यांच्या वृत्ती आंदोलकीच आहे. प्रशासकीय नाही. आंदोलने करायची जनतेचे प्रश्न सोडवण्यासाठी आणि सत्तेवर आल्यावर ते सोडवण्यासाठी झटायचे. पण आपचा प्रॉब्लेम असा झाला की सत्तेत आल्यावर नक्की काय करायचे हेच त्यांना कळाले नाही. गोंधळून गेले ते. तुम्ही केवळ प्रामाणिक आहात म्हणुन तुम्हाला संधी दिली पण तुम्ही वायाच घालवली. ४९ दिवसात राजीनामा देउन काय साधाले. तरीही माझ्यामते परत एकदा त्रिंशंकु सरकार येइल. भाजपाच्या ४-५ जागा कमी होतील आणी त्या काँग्रेसला जातील. आपच्या खात्यात त्यातली एखादी जागा जाइल. परत एकदा तिच परिस्थिती येइल पण या वेळेस आप लार्जेस्ट सिंगल पार्टी असेल.

या निवडणुकीत आप जिंकूदे. बीजेपीवाले लैच माजलेत सध्या. तेवढा चेक राहूदे जरा तरी.

सीएसडीएस सर्वे आलाय का? तो बराच authentic असतो!

आआपचा जन्म भ्रष्टाचारमुक्तीच्या आंदोलनातुन झालेला आहे, केजरीवालांनी घेतलेले प्रशंनीय निर्णय माझ्या उपरोक्त प्रतिसादात दिले आहेत. केजरीवालांनी जनलोकपालसाठी मुख्यमंत्रीपदावर लाथ मारली, इतकी प्रामाणिकपणावर निष्ठा असलेले सध्या ते एकमेव आहेत... या उलट किरण बेदीला आणुन भाजपातल्याच जगदीश मुखी ,उपाध्याय,हर्षवर्धन यांच्यात भावी मुख्यमंत्रीपदावरुन हाणामार्या चालु झाल्या आहेत. कुठे निस्वार्थी केजरीवाल व कुठे हे भाजपातले संधीसाधु. दिल्लीकर हा फरक निश्चितच जाणतात ,जाणत नसतील तर ते त्यांचे दुर्दैव आहे.

दिल्लीत कोणी मिपाचे सदस्य आहेत का? विवेक पटाईत दिल्लीत आहेत. अजून कोणी आहेत का? त्यांच्याकडून या निवडणुकीषयी मते ऐकायला आवडतील.

@श्रीगुरूजी,टॉपगिअर्ड फिलोसॉफर हा माझा आयडी नाही, नाना माई हे आयडीही माझे नाहीत याची कृपया नोंद घ्यावी.धन्यवाद

काल एका वाहिनीवर केजरीवालांची मुलाखत बघत होतो. संपूर्ण मुलाखतीत केजरीवालांच्या फुशारक्या, बढाया आणि आत्मप्रौढी या व्यतिरिक्त काहीही नव्हते. मी जे ४९ दिवसात करून दाखविलं ते मोदींना ८ महिन्यात सुद्धा जमलें नाही अशी त्यांची अजून एक बढाई. निव्वळ माझ्या सभेलाच नव्हे तर आआपमधील सर्व नेत्यांच्या (म्हणजे गोपाल राय, योगेंद्र यादव अशी १५-१६ नावे त्यांनी घेतली) सभांना प्रचंड गर्दी होत आहे व भाजप नेत्यांच्या सभा रिकाम्या असतात असाही त्यांचा दावा होता. त्यांचा सर्वात हास्यास्पद दावा म्हणजे दिल्ली विधानसभेच्या निवडणुकीवर डोळा ठेवून मोदींनी ओबामा भेट आखली. या दाव्यावर हसावे की त्यांची कीव करावी हेच कळेना. त्यांच्या काही भविष्यकालीन योजना खालीलप्रमाणे - - महिला सुरक्षेसाठी संपूर्ण दिल्लीत १५ लाख सीसीटीव्ही बसविणार. मला सीसीटीव्ही बसविण्याची नक्की किंमत माहीत नाही. मागील वर्षी मी रहात असलेल्या सोसायटीत सीसीटीव्ही बनविण्याचा प्रस्ताव होता. सोसायटीत एकूण ३ वेगवेगळ्या रस्त्यांवरून प्रवेश करता येतो. तिन्ही प्रवेशद्वारांपाशी व आत काही ठिकाणी असे १०-१२ सीसीटीव्ही कॅमेरे बसविण्याची योजना होती. अंदाजे खर्च दीड लाख रूपये होता. म्हणजे एक सीसीटीव्ही कॅमरा बसविण्याची किंमत अंदाजे दहा हजार रूपये तरी असावी. हा केवळ अंदाज आहे. मला नक्की किंमत माहित नाही. या हिशेबाने दिल्लीत १५ लाख सीसीटीव्ही बसविण्याची किंमत किमान १५०० कोटी रूपये तरी असेल. त्याव्यतिरिक्त त्यासाठी लागणारी वीज, देखभाल खर्च, मॅनपॉवर याचाही खर्च असेल. इतका निधी केजरीवाल कोठून आणणार याचे आश्चर्य वाटले. - महिला सुरक्षेसाठी संपूर्ण दिल्लीत वाय-फाय कार्यान्वित करणार. प्रत्येक बस व ट्रेन मध्ये सुद्धा वायफाय कार्यान्वित करणार. नंतर प्रत्येक महिलेच्या भ्रमणध्वनीवर एक वेगळे बटन ठेवणार जे दाबताक्षणी वाय-फाय च्या माध्यमातून जवळच्या पोलिस ठाण्यात संदेश जाऊन ५ मिनिटात पोलिस तिथे हजर होतील. दिल्ली इतक्या मोठ्या शहरात सर्वत्र वाय-फाय कार्यान्वित करणे फारसे शक्य वाटत नाही. ते करायलाही भरपूर खर्च येणारच. तो निधी कोठून येणार? - वीज व पाण्याचे भाव कमी करणार. कमी झालेल्या बिलांची भरपाई करायला निधी कोठून आणणार? मला आता असं वाटायला लागलंय की यावेळी खरोखरच आआपला पूर्ण बहुमत मिळावे आणि त्यांना ५ वर्षे सत्ता चालवायला मिळावी. तेव्हाच त्यांना कळेल की गप्पा प्रत्यक्षात आणणे किती अवघड आहे ते. दिल्लीच्याही जनतेला यांच्या दाव्यातला फोलपणा समजू दे.

काही नवीन सर्वेक्षणानुसार दिल्लीत खालीलप्रमाणे परिस्थिती असेल. (१) ३१/१/१५ - एबीपी न्यूज-नेल्सन (या सर्वेक्षणात फक्त मतांची टक्केवारी आहे. जागांचा अंदाज दिलेला नाही.) आआप - ५०% मते, भाजप - ४१% मते, काँग्रेस - ९% मते (२) २९/१/१५ द वीक-आयएमआरबी आआप - ३७.४५% मते, भाजप - ३९% मते आआप - २९ जागा, भाजप - ३६ जागा, काँग्रेस - ५ जागा (३) २९/१/१५ हिंदुस्तान टाईम्स-सी फोर आआप - ३१-३६ जागा, भाजप - ३१-३६ जागा, काँग्रेस - २-७ जागा किरण बेदींच्या आगमनापूर्वी खालीलप्रमाणे स्थिती होती. बेदींच्या आगमनामुळे भाजपला थोडासा फायदा झालेला दिसतोय. आआप - ३४-३९ जागा, भाजप - २९-३४ जागा, काँग्रेस - २-७ जागा (४) २८/१/१५ इंडिया टीव्ही-सी व्होटर आआप - ४०% मते, भाजप - ४७% मते, काँग्रेस - १०% मते आआप - २८ जागा, भाजप - ३७ जागा, काँग्रेस - ५ जागा (५) २१/१/१५ - झी न्यूज-तालीम आआप - ४०% मते, भाजप - ४५% मते, काँग्रेस - १०% मते आआप - २९ जागा, भाजप - ३७ जागा, काँग्रेस - ४ जागा एकंदरीत अत्यंत चुरशीची लढत दिसतेय. ३ सर्वेक्षणांनी भाजपला निसटते बहुमत दाखवलंय. एका सर्वेक्षणात दोघेही नेक-टू-नेक आहेत आणि एका सर्वेक्षणात जागांचा अंदाज न देता फक्त मतांचा अंदाज दिलाय. त्या सर्वेक्षणानुसार मते पडणार असतील तर ५० टक्के मते मिळवून आआपला सहज दोन तृतीयांश जागा मिळतील.

एक अतिशय जास्त अवांतर प्रश्ण!! निवडणुक प्रचारामधे प्रत्येक पक्ष मी यंव करीन मी त्यंव करीन म्हणुन आश्वासनं देत असतो. दिलेल्या आश्वासनांपैकी किमान ६०%- ७०% आश्वासनं पुर्ण झालीचं पाहिजेत असा काही कायदा संमत करुन घेता येईल का? नं केल्यास पक्षाची आणि तत्कालिन नेत्यांवर आजन्म निवडणुक लढवण्यावर बंदी आणता येईल काय?

मी दिल्लीतल्या सर्वात मोठी अनधिकृत वसाहत उत्तम नगर येथील बिंदापूर गाव जवळ एकी कडे पंख रोड, दुसरी कडे नजफगढ (शिवाजी मार्ग) रोड आणि तिसरी कडे ककरोला पालम रोड मधली १५-२० स्क़ायर किमी ची वसाहत, केवळ घरेच-घरे आणि २० फूट रुंद रस्त्यात. ज्याचे घर मुख्य रस्त्याजवळ त्याच्या घरी ७-८ पाणी आणि ज्याचे दूर तिथे पाणी नाही. माझे घर पंखा रोड पासून १ km आत आहे. पाण्याच्या लाईनी २०-२५ वर्षे जुन्या असल्या मुळे आणि ४ इंचाचा असल्यामुळे पाणी घरा पर्यंत पोहचत नाही. आठवड्यातून एक दिवस टेंकर येतो. रोजचे इतर कार्य सबमार्सिबल (किर्लोस्कर कंपनीचा कारण १५० फुटावरून पाणी ओढल्या जाते)द्वारा होते. इति इथल्या लोकांना काय वाटते. १. गेल्या ६ महिन्यापूर्वी वीज कंपनीचे छापे पडले होते. आमच्या कोलोनितच १०-१२ चोर सापडले. इथले ५०% लोक वीज .... केजरीवाल आले तर कंपन्यांची छापा मारण्याची हिम्मत होणार नाही. २. लोकांनी पाण्याची ही चोरी सुरु केली आहे. ती करणे अत्यंत सोपे आहे, गेल्या वर्षांत बहुतेक नव्या घरात लोकांनी सरळ लेबर तर्फे पाण्याची अवैध कनेक्शन घेतले आहे (अर्थातच रिश्वत देऊन. जमिनी खाली काय आहे, हे कोण बघायला येणार) आणि दाखविण्यासाठी वेगळे. ज्यावर मीटर लागेल. कारण २०००० लिटर फ्री आणि १ लिटर ही जास्त लागले तर एकदम १००० रुपये. वर्षाचे १२००० वाचविण्यासाठी चोरी करण्यात काहीच गैर नाही. अश्या लोकांना केजरीवाल पाहिजे. म्हणजे त्यांच्यावर कोणी कार्यवाही करणार नाही. ३. या भागातले जवळपास सर्व प्रोप्रर्टी डीलर केजरीवालचे समर्थक झाले आहे - कारण १५ x ६० च्या प्लॉट वर १५ x ६४ (पहिल्या माल्यापासून) असे ४ माले निर्माण करायचे असते. त्या साठी पोलीसला ५००० रुपये प्रती मला द्यावे लागतात. केजरीवाल आले तर त्यांना हे पैशे द्यावे लागणार नाही. त्यांना आपवाले पळवून लावतील. (नक्शा पास करून घर बनविले तर जागा सोडावी लागते). ४. ऑटोरिक्षा रिक्षावाल्यांना मुजोरी करता येईल, कोणी पोलीसवाला त्यांचा चालान कापणार नाही किंवा रिश्वत घेणार नाही. ५. मिनी बस माफिया - दिल्लीत ब्लू लाईन बंद झाली (कोर्टाच्या आदेशाने), दुसर्याच दिवसांपासून ३००० मिनी सुरु झाल्या. यात १६ सीट्स असतात. त्यातल्या एका बाजूचा सीट्स काढून एक बाक लावल्या जातो. १६च्या जागी ४० लोक बसविल्या जातात. यांना ही पोलीसचा त्रास नको. ६. गेल्यावर्षी या भागातल्या अधिकांश लोकांनी प्रोपर्टी कर भरला नाही. दुकानदारांना ही वाटते पटरीवर कब्जा केला तरी पोलीस हटविणार नाही किंवा रिश्वत मागणार नाही. (अर्थात आप मदत करेल). ७. रेह्डी पटरीवाल्यांना ही हा विश्वास वाटतो. आत्ताच अर्धा रस्त्यावर यांचा कब्जा असतो, पुढे कदाचित जायला रस्ता मिळणार नाही. (हे ही आप चे खंदे समर्थक). ८. पाणी माफिया (आमच्या बिंदापूर कॉलोनीत (२०० घर असतील भाडेकरी मिळून 8०० परिवार ) महिन्यातून १०० टेंकर येतात. यांनी तर पाणी माफ झाले तेंव्हा 'कडू पाण्याची दिवाळी साजरी केली होती). त्यांना पाणी मिळत आहे ते अधिक पाण्याची बरबादी करतील. अधिक टेंकर चालतील. केजारीवालचे खंदे समर्थक. हे झाले अनधिकृत कोलोनितल्या लोकांचे मत. सरकारी कर्मचारी - वेळे वर येण्याच्या दंडुक्यामुळे कर्मचारी केजरीवाल यांना मते देऊ शकतात. २. सरकारी कर्मचार्यांचे निवृत्ती वय ६०च्या जागी ५८ करण्याची अफवा (येथे नमूद करायचे वाटते, रामलीला मैदानाच्या रेलीत त्यांनी सर्वाना आश्वस्त केले, जो पर्यंत मी प्रधान सेवक आहे तो पर्यंत तरी सरकारचा असा काही विचार नाही). ३. अल्पसंख्यक, बांगलादेशी यांच्या मतात मागे विभाजनी झाली होती, या वेळी ७० टक्के तरी आप ला मिळतील. भाजप ला ही २०% मिळू शकतात. आप जिंकली तर : १. पोलिसांचे मनोधेर्य कमी होईल आणि गुन्हे वाढतील. २. राज्य सरकारच्या करांमध्ये भयंकर कमी येईल. 3. कदाचित पाच वर्षात अशी परिस्थिती येईल कि राज्य सरकारच्या कर्मचार्यांना पगार देणे ही अवघड होईल. ४. विकास योजना, शाळा कोलेज, रस्ते दुरस्ती सर्व थांबेल. (४९ दिवसांच्या कार्यकाळातच १८०० बसे विकत घेण्याचा सौदा रद्द केला होता - कारण २५० कोटी वीज कंपन्यांना खिरापत दिली) अर्थातच या सर्वांचा उपयोग केजरीवाल केंद्र सरकारला दोष देतील. धरणे, उपोषण आणि अराजकता पसरवून लोकप्रियता वाढविण्यासाठी करतील. आपल्या मनात एक प्रश्न येईल, दिल्लीचे लोक मूर्ख आहेत का, पण एक लक्षात ठेवा - हिटलर, कुणालातरी टार्गेट करून लोकप्रिय झाला होता, केजरीवाल ही तेच करत आहेत.

कालपासून मी एकटाच इथे ‘उत्तरं’ देतोय. माझ्या प्रश्नांवर मात्र कुणी बोलत नाहीये. त्यामुळे आता विनाकारण इथे वेळ वाया घालवण्यात काही अर्थ नाही या निष्कर्षाप्रत मी येऊन पोहोचलोय. जाता जाता एव्हढेच म्हणावे वाटते की ‘निष्पक्ष’ असाल तर प्रश्नही तसेच विचारा. आप या पक्षाची स्थापना होऊन जेमतेम २ वर्षं झाली आहेत, पण आपण त्यांना २ हजार प्रश्न विचारले. आणि प्रश्नसुद्धा फार महत्त्चाचे ! केजरीवाल का खोकलतो ? केजरीवाल मफलर का घालतो ? केजरीवालने मुलांची का शपथ घेतली ? केजरीवाल धरणे का देतो ? केजरीवाल बिजनेस क्लासमधून का गेला ? अहो कधी २ प्रश्न कॉंग्रेस-भाजपालासुद्धा विचारा. आणि ‘निष्पक्ष’ नसालच तर मग सगळे माफ आहे तुमच्यासाठी. पण त्यासाठी कृपया निष्पक्ष असल्याचा आव तरी आणू नका. माझा एक मित्र आहे. दुर्दैवाने तोसुद्धा आता भक्त झालाय. पण तो स्पष्ट सांगतो की मला ‘कट्टर’ हिंदूत्व हवे आहे म्हणून मी भाजप आणि मोदींना सपोर्ट करतोय. "माझ्या मनात आप आणि केजरीवालबद्दल खूप आदर आहे. मला माहित आहे की ते आमच्यापेक्षा खूप प्रामाणिक आहेत, पण मी तसे उघडपणे जाहीर करू शकत नाही.", मित्राचे मत. मला त्याचे हे खूप आवडले. म्हणून आता आम्ही चर्चा करण्यात जास्त वेळ घालवत नाही, कारण दोघांनाही एकमेकांची ‘स्पष्ट’ मतं माहित आहेत. कट्टर हिंदू नसणे म्हणजे देशद्रोही या BJP च्या स्टान्सवरून कुमार विश्वास यांचा एक इंटरव्ह्यू आठवला. http://abpnews.abplive.in/video/2015/01/29/article487817.ece/Ghoshanapatra-with-Kumar-Vishwas?id=487817#.VMyt22iUe3I ३३:१३ ते ३६:५८ या टाईमफ्रेममध्ये बघा हा व्हिडिओ. कुमार विश्वासने त्यात डाऊ केमिकलकडून मिळणार्‍या फंडिंगबद्दलसुद्धा सांगितले होते, पण ते बहुधा आता एडिटिंगमध्ये कट केले आहे. आणि हो, आज आपने आपला मॅनिफेस्टो जाहिर केला आहे. भाजप-कॉंग्रेससारखा प्रिंट करायचा म्हणून प्रिंट केला नाही तर खूप विचार करून बनवलेला मॅनिफेस्टो आहे. बघून घ्या एकदा. https://www.youtube.com/watch?v=hJb1aoiGEOM यातल्या गोष्टी त्यांनी पूर्ण केल्या नाही तर नंतर आपण सगळे मिळून शिव्या घालू त्यांना.

पण त्यासाठी कृपया निष्पक्ष असल्याचा आव तरी आणू नका. *lol* *LOL* :-)) :)) =)) +)) :-))) :))) :lol: "मी भाजप चा समर्थक नाही पण …।" या शब्दांनी वाक्य सुरु करून प्रत्येक भल्या बुऱ्या गोष्टीत भाजप च समर्थन करणार्याना उघड पाडू नका हो अस .आणि हो तुम्हाला तुमच्या प्रश्नांची उत्तर नाही मिळणार

ही माझी खुप इच्छा आहे. खुर्चीवालने जी काही अतर्क्य आश्वासने आपल्या जाहिरनाम्यात दिली आहेत ती फक्त त्याने पुर्ण करुन दाखवावी अशी इच्छा आहे. लाईट,पाणी,घरे व इतर सुखसोयी दिल्ली सारख्या राज्यातील नागरिकाना फुकट ते देवु शकतात का हे आपल्याला निदान कळुन येईल. तसेच सर्व प्रसारमाध्यमांचा मोदींच्या वरचा फोकस कमी होवुन तो खुर्चीवाल वर पडेल. त्यामुळे मोदीना ५ वर्ष त्याच्या आश्वासनपुर्तीसाठी विनात्रास वेळ मिळेल. शेवटी कोन सच्चा आणि कोन पळपुटा ह्याचा जनतेला निर्णय घेता येईल्.जनतेला फक्त चांगले शासन व कमी खर्चात सुखसोयी पाहिजेत्,भले त्या मोदी देवोत वा खुर्चीवाल देवोत.

पंतप्रधान नरेंद्र मोदींनी दिल्लीतील प्रचार सभेत एक किस्सा सांगितला. कुठलीच गोष्ट फुकटात मिळत नसते याविषयीचा हा किस्सा आहे आणि केजरीवालांचे नाव न घेता मस्त समाचार घेतला आहे: "मुझे कोई बता रहा था कि एक चतुर ऑटो रिक्शा वाला था। बहुत बुद्धिमान था। बात को नए तरीके से कहना, कैसे कहना, लोगों की आंख में पलभर के लिए धूल झोंकना, इसमें वह बड़ा माहिर था। उसने अपने ऑटो रिक्शा पर बोर्ड लगाया था कि मुफ्त में रिक्शे में बैठिए। कोई भी बाहर का व्यक्ति आता तो उसे बहुत सेवाभाव वाला समझता। वे उसके ऑटो में बैठ जाते थे। फिर बताते थे कि वहां जाना है तो वह ले जाता था। जब रिक्शे से उतरने लगते तो ड्राइवर पैसे मांगता था। लोग कहते कि भाई तुमने तो बोर्ड लगाया है कि रिक्शे में बैठना मुफ्त है। वह कहता- सही बात है। बैठना मुफ्त में, लेकिन उतरना पैसे देकर के।" "मुझे बताइए यह महंगा सौदा दिल्ली का भला करेगा और क्या दिल्ली भाग्य बदलेगा। एक बार झूठ बोलकर चल जाता है, लेकिन बार-बार लोगों की आंख में धूल झोंककर कोई सफलता हासिल नहीं कर सकता है।"

किरण बेदी यांच्या प्रचारप्रमुखांचा राजीनामा टंडन हे भाजपचे गेल्या 30 वर्षांपासून सदस्य होते. त्यांनी आपला राजीनामा भाजपचे राष्ट्रीय अध्यक्ष अमित शहा यांच्याकडे सोपविला आहे. ३० वर्षे सदस्य असून सुद्धा बिचार्‍याला काल आलेल्यांकडून वाईट वागणूक मिळाली !

आम आदमी पार्टी व्हॉलंटिअर अ‍ॅक्शन मंच (ए.व्ही.ए.एम) नामक गटाने पक्षाला मिळालेल्या देणग्यांवर प्रश्नचिन्ह उभे केले आहे. त्यांच्या मते या पक्षाला चार बोगस कंपन्यांकडून ५० लाखाची देणगी मिळाली आहे आणि आणखी ३१ अशा बोगस कंपन्यांनी आआपला देणग्या दिल्या आहेत असा या गटाचा दावा आहे. मागच्या वर्षी काही मंडळी आआपमधून बाहेर पडून त्यांनी या 'ए.व्ही.ए.एम' ची स्थापना केली होती हे आठवले. पूर्वी काँग्रेसमधून बाहेर पडणारे लोक 'आम्हीच खरे काँग्रेसवाले' असे म्हणत असत त्या धर्तीवर 'आम्हीच खरे आम आदमी पार्टीवाले' असेही त्यांनी म्हटले होते असे आठवते. पूर्वी आआपमध्ये असलेल्या म्हणजे पूर्वी प्रामाणिकपणाचे मुकुटमणी असलेल्या लोकांनी सध्या प्रामाणिकपणाचे मुकुटमणी असलेल्या लोकांवर आरोप केला आहे. आजच उत्तराखंडमधील अशाच पूर्वी प्रामाणिकपणाचे मुकुटमणी असलेल्यांनी पुरासाठी मदतनिधी म्हणून गोळा केलेल्या पैशाचे पुढे काय झाले हा प्रश्न उभा केला आहे. माझ्यासारख्याला बाहेरून हा तमाशा बघायला काय जाते? यांचे अनलिमिटेड मनोरंजन चालू राहू दे आम्ही हे फुकटातले मनोरंजन एन्जॉय करतच आहोत!!