मिसळपाव
मिपावरील समस्त मित्रांनो,
महाराष्ट्राचे नवे सरकार दिवाळीआधी बनेल असे वाटत नाहीये. राजकारणापासून थोडा वेळ काढा. आता दिपावली आली आहे. तेव्हा खालील विषयांवर काथ्या कुटावा ही नम्र विनंती. फटाकेबाज विषयांची यादी खालीलप्रमाणे. आपणही या यादीत भर टाकू शकता.
१. प्रदुषणमुक्त दिवाळी - दिवाळीचे फटाके कसे प्रदुषण करतात, त्यामुळे पर्यावरणाचे कसे नुकसान होते, माणसांना कशा कशा प्रकारे ईजा होतात याचे दाखले द्यावे.
२. त्यातून जमल्यास शिवकाशी किंवा तत्सम ठिकाणी बालकामगारांचे कशा प्रकारे शोषण होते यावर प्रकाश टाकावा.
३. जमल्यास भर दिवाळीत संस्कृतीच्या नावे शिमगा करावा.
४. प्रदुषणमुक्त दिवाळी कशी साजरी करावी याचे ज्ञानामृत पाजून आमच्यासारख्या अडाण्यांचा उद्धार करावा.
५. जमल्यास प्रदुषणमुक्त दिवाळी ते दिवाळीमुक्त भारत इतपर्यंतही हा धागा खेचावा.
६. नरकासुराचा वध कसा अयोग्य होता ?
६. भाऊबीज हा महिलांचे शोषण करणारा सण कसा आहे त्यावर तावातावाने चर्चा करा.
८. नवरा या प्राण्याचा खिसा पाकीट रिकामा करणारा हा सण आहे यावर प्रकाश टाका.
९. दिवाळीनिमित्ताने सोने खरेदी केले जाते. सोने खरेदी हा गुंतवणू़कीचा अयोग्य पर्याय कसा आहे याचे मिपावरील अनुभवी मंडळींनी विश्लेषण करावे. अमुक तमुक सालात सोन्याचा भाव इतका होता आणि आता इतका आहे. हेच पैसे जर तुम्ही शेअर बाजारात गुंतविले असते तर तुम्हाला कित्ती कित्ती फायदा झाला असता असे सांगून सोने खरेदी करणार्‍यांना कानकोंडे करण्याचा प्रयत्न करावा.
१०. दिवाळीच्या निमित्ताने कामगार असलेल्यांनी बोनस न दिलेल्या मालकांचा उद्धार करावा. जमल्यास हा दुवा त्यांना इमेल करावा.
११. जे मिपाकर मालक असतील त्यांनी कामगार कसे माजले आहेत याचे तपशीलवार वर्णन करुन बोनस पद्धत कशी चुकीची आहे याचे समर्थन करावे.
१२. वयोवृद्ध मिपाकरांनी आपल्या वेळची दिवाळी कशी सुंदर होती नाहीतर आजचे सण साजरे करणे म्हणजे कशी थेरं आहेत अशा प्रकारचे प्रतिसाद द्यावेत. महिलां सभासदांनी आमच्या माहेरी यंव असतं आणि त्यंवं असतं अशाप्रकारे गळे काढावेत आणि चकल्या करंजा हसल्या का ? टाईपचे प्रतिसाद द्यावेत.
टीप : वरील विषय चर्चिल्यानंतर हमखास व्हर्च्युअल फटाके फुटतील याची खात्री बाळगा आणि खर्‍या फटाकयांवर एकही रुपया खर्च न करता फटाके फोडल्याचा आनंद घ्या.
समस्त मिपाकरांना दिपावलीच्या आगलावू ( स्वारी आगावू) शुभेच्छा !
प्रतिक्रिया
मी पयला
दिवाळीत विनाकारण दिवे लावून मोलामहागाचे तेल जाळले जाते. तुम्हाला ना कश्शाकशाची म्हणून किंमत नाही.
आता वीजेच्या जमान्यात कशाला हवे तेलाचे दिवे ???
:)
गप रांव रे!!
गप रांव रे!!
आओ ठाकुर....
पेटलेल्या वाड्यात काकूरूपी फटाक्यांची घाऊक बाजारात घेतलेली टोपली घेऊन घुसून आपण दिवाळीच्या पूर्वसंध्येला शोभा आणलीत !
समस्त मिपाकरांतर्फे आपले आभार !
चांगलंय !!
चांगलंय !!
ज्वालामुखी
या ज्वालामुखीच्या आत किती खदखद दडली आहे?
आतून येवू द्या बाहेर एकदाची.....म्हणजे सारे कसे शांत होईल!
फुलबाज्या आवडल्या
मस्तच! :-) अजून काही:
सगळ्यांनी कृपया हलके घ्यावे. थोडीशी गंमत इतकेच! :-) कुणाच्याही भावना दुखावण्याचा हेतू नाही.