सगळ्यात पहिला खडू कोणी बनवला असेल?

शाळेचे दिवस आले नं की मला लहानपणापासून एक प्रश्न पडतो, म्हणजे स्साला हे फळ्यावर लिहून दाखवायचे खूळ सर्वात पहिले मानवाच्या डोक्यात कधी आलं असेल? म्हणजे सगळ्यात पहिला खडू कोणी बनवला असेल? कधी बनवला असेल? आणि कसा बनवला असेल. विशेषतः खराट्यांचं कौतुक वाटतं हो, तिच्यामारी कोणाच्या सुपीक डोक्यात आलं असेल कि आधी जिप्सम वगैरे आणा, मग भुकटी खाली पाडल्यावर साच्यात काढायचा प्रकार म्हणजे "सृष्टीच्या सृजनशीलतेचा अप्रतिम नमुना असलेल्या मानवाच्या सृजनशीलतेची आणि कल्पकतेची आणि हात कि सफाईची आणि कृष्णपृष्ठीयश्वेतशिंतोडीकरणाची हाईट" वाटते मला! तसेच इतर अन्य पदार्थांचे ही, जसे कि शामवदनसफेती ! साला तो टाल्कमचा धोंडा, त्याचा अंग घासायसाठी वापरून झाल्यावर, त्याची पूड पडायला लागल्यावर पुन्हा चेह-यावर फासण्यासाठि वापरणे भारीच. कोणाला सुचलं असेल हे असं? अर्थात हे सगळं एकाच दिवसात सुरु झालेलं नसावं असा माझा अंदाज. या कृती उत्क्रांत होत गेल्या असतील. या कृतींच्या जन्माची, उत्क्रांतीची काही कहाणी असेलच नं. जाणकार मंडळींच्या प्रतिक्रियांच्या प्रतीक्षेत.