विकिपीडिया आणी आपण..

यशोधना, तुझा विकीपीडीयावरचा लेख वाचला. आणि राहवलं नाही म्हणून तुझ्या खवत माझी चरणधूळ झाडली. तू जे काही दहा पंधरा ओळीत विकीपीडीयाबद्दल लिहिलं आहेस ते शेंबडया पोरालासुद्धा माहिती असतं रे. तुझ्या वयाच्या मानाने तुझी "एक्स्प्रेस" होण्याची ईच्छा समजण्यासारखी आहे रे. आणि हे एक्स्प्रेस होणं तुझ्या वयाच्या तुझ्या मित्र मंडळींमध्ये इंप्रेसिव्हही असेल. मिपाचे तसे नाही रे. इथे आयटी उगाळून प्यायलेले रथी महारथी वावरतात. किंवा थोडा वेळ असं धरुन चालू या की तू असे लेख ज्यांना काही माहिती नाही अशांसाठी लिहितोस. पण मग हे लेख अभ्यास करुन, आंतरजालवरील संदर्भ वापरुन, पुस्तकं पालथी घालून लिहिलेले असायला हवेत रे. तू लिहिलेले लेख तुझ्या वयाच्या दुप्पट तिप्पट वयाचे लोकही वाचतात रे. त्यांचा विचार करत जा. तुला जर खरंच तुझं लेखन सुधारायचं असेल तर मोदक या आयडीचे लेख वाचत जा. तंत्रज्ञावरील माहितीसाठी त्याने लिहिलेला टायटन घडयाळ्यावरील लेख वाच. म्हणजे तुला कळेल की असे तंत्रज्ञान विषयावरचे लेख कसे लिहावेत. मुळात तुला स्वतःचा अभ्यास वाढवावा लागेल. खुप सारे संदर्भग्रंथ पालथे घालावे लागतील, त्यावर चिंतन, मनन करावे लागेल. आणि मगच तू गुणवत्तापुर्ण लेखन करु शकशील. हे असे दहा बारा ओळींचे इकडून तिकडून कॉपी पेस्ट केलेले लेख काही कामाचे नाहीत. बघ. कदाचित माझं म्हणणं तुला आवडणार नाही. हे सारं वाचल्यानंतर कदाचित तुला येणार्‍या सार्‍या शिव्या मला तू देशील. हरकत नाही. आय कॅन सी अ स्पार्क इन यू. पण त्या ठीणगीला आता अर्थ नाही. ठीणगीकडे कुणाचं लक्ष जात नाही. लोकांचं आपल्याकडे लक्ष जाण्यासाठी तुला वणवा व्हावं लागेल.