Skip to main content

वजन कमी करण्यासाठी काय करावे?

लेखक चिर्कुट यांनी गुरुवार, 13/12/2012 11:51 या दिवशी प्रकाशित केले.
यंदा दिवाळीच्या काळात १ आठवड्याच्या सुट्टीवर घरी गेलो होतो. माझे वाढलेले आकारमान पाहुन बरेच टोमणे बसत होते, तरीही फराळ/इतर खाणं हादडणे चालूच होते. :) पण एके दिवशी अचानक लक्षात आलं की माझा मलाच मी उचलत नाहीये.. :( त्यात माझ्या घरी शुगरची हिस्ट्री आहे, त्याची भीती आहेच. मग ठरवलं की आता शेंडी तुटो वा पारंबी, वजन कमी करणारच.. मी असं बोलून दाखवायचा अवकाश की सल्ल्यांचा भडीमार सुरु झाला. 'एक वेळचं जेवण बंद कर', हे खाणं सोड, ते खाणं सोड, असा व्यायाम कर, तसा प्राणायाम कर, नुसतं हैराण करुन सोडलं होतं सगळ्यानी. शेवटी गुगलबाबाला शरण गेलो आणि माझ्या समजाप्रमाणे आणि जितकं शक्य आहे त्यानुसार खालील प्लॅन बनवला.. १. सकाळी ७:३० वा उठून कोमट पाणी + लिंबू - १ ग्लास २. त्यानंतर थोडं स्ट्रेचिंग + प्राणायाम + वजन उचलणे - ३० मिनिट टोटल ३. १० वा नाश्ता (इडली/डोसा/उपमा/ब्रेड ओम्लेट) + चहा ४. १२:३० वा जेवण (४ छोटे फुलके आणि भाजी) ५. ३:३० / ४:०० वा फळं (टरबूज/कलींगड/चिक्कू/पेरु/सफरचंद - मिक्स) ६. ४:३० ते ६:०० जिम (२० मि ट्रेडमिल १७५ कॅ. बर्न + २० मि. इलिप्टिकल १७५ कॅ. बर्न + सायकलिंग ५० कॅ. बर्न + १०मि. वजन/अ‍ॅब्स) ७. ७-७:३० वा स्प्राऊट्स / एखादं फळ / उकडलेली अंडी २ (मी बलक सुद्धा खातो. याचा नक्की दुष्परिणाम काही आहे का?) ८. ९ वा डिनर (२ छोटे फुलके + भाजी + थोडासा वरण-भात) या सगळ्याबरोबर दिवसभर जवळपास ४ लिटरपेक्षाही जास्त पाणी पिणे, दिवसातून दोन -तीन वेळा ३ मजले पाय-या चढणे-उतरणे.क्वचित रात्री बॅडमिंटन खेळणे इ. चालूच आहे. आठवड्यातून ५ दिवस जिम जातोच जातो. विकांताला खेळणे/फिरणे इ. होतं. अर्थात अजून एकटा जीव सदाशीव असल्यामुळे आणि माझे पाककौशल्य वादातीत असल्यामुळे 'किती खायचं' यावर असला तरी 'काय खायचं' यावर कंट्रोल थोडा कमीच आहे. :) शक्यतो तेलकट पदार्थ खात नाही. बर्गर, पिझ्झा, कोल्ड्रिंक्स एकदम बंद. स्मोकिंग आणि ड्रिंक सुदैवाने मी करतच नाही. गेल्या १२-१५ दिवसांत वजन १.५ किलो कमी झाले आहे. अजून १० किलो कमी करायचा प्लॅन आहे. घाई अजिबात नाही तरीही ६ महिन्यात गोल अचिव्ह व्हावं असं वाटतय. वरील वेळापत्रकामध्ये काही बदल करण्याची गरज आहे का? अजून काही टिप्स असतील तर प्लीज सुचवा..
वाचने 64636
प्रतिक्रिया 84

प्रतिक्रिया

अत्रुप्त आत्मा रविवार, 16/12/2012 06:23
@(साचलेल्या चरबीची लागलेला) सोकाजी>>> =)) तुमचा अनुभव कळला,हालत समजू शकतो =)) दु:ख्खात सहभागी आहे.

चौकटराजा रविवार, 16/12/2012 06:09
आईनस्टाईन म्हणतात " या जगात सारेच काही तुलनात्मक आहे . त्यांचे रिलेटीव्हिटीचे प्रतिपादन प्रसिद्ध आहे. आपण आपल्या सहवासात येणार्‍या प्रत्येकाला भरपूर खायला घाला. त्यांची वजने वाढतील . म्हणजेच तुमचे वजन कमी होईल. शेवटी यश आल्यानंतर अल्बर्ट आईनस्टाईन यांचा एक फोटो देवघरात ठेवा. बाबा आईन्स्टाईन महाराज की जय !

कॅप्टन जॅक स्पॅरो रविवार, 16/12/2012 10:43
मध्यंतरी मला झालेल्या अपघातामधुन बर होण्यासाठी काही स्टेराइड्स घेत होतो. त्यामुळे माझ वजन ८० किलो वरुन थेट ११२ किलो वर गेल होत. ते मी परत ८० किलो वर आनलय़ आणि सद्ध्या ८०~८२ मधे चालू आहे. माझ डाएट आणि व्यायाम सांगतोय. पण तो सगळ्यांना सहन होईल अस नाही. मी आधी कचकून व्यायाम करायचो म्हणून शक्य झालाय. १. सकाळी ५.४५ ला जिम मधे जाऊन १० मिनिट वॉर्म अप करण. २. ट्रेड मिल वर २५ मिनिट जॉगिंग +५ मिनिट चालायच. (मी जाड झालो असताना २ मिनिटाला मला धाप लागायची. पण रोज अर्धा ते एक मिनिट जॉगिंग वाढवायच. (साधारण ३.२ किमी अंतर पळून होत + ३०० मी. ५ मिनिटात कूल डाऊन साठी) ३. नंतर २-३ मिनिट आराम करा. आणि क्रॉस-स्टेपर नावाचा प्रकार असतो तो २० मिनिट करायचा. सुरुवातीला वाट लागते पण २ आठवड्या मधे स्टॅमिना वाढायला लागतो. हा माझा कॅलोरी जलायचा मुख्य व्यायाम आहे. ४. परत २-३ मिन आराम करायचा. आणि १५~२० मिनिट ट्रेड-सायकल वर साधारण ८-१० किमी व्यायाम करावा. (अतिशय सोपा असत.) ५. प्रत्येक व्यायाम प्रकारच्या मधे ग्लुकोस पाणी प्याव. जास्त नाही. ६. आपल्या गूढग्यांवर ताण येणार नसेल तर २०० दोरीवारच्या उड्या. ७. ह्याच्यानंतर रेग्युलर वेट ट्रेनिंग करायच. ते आपल्या जिम च्या ट्रेनर कडून आपल्या प्राकृतीप्रमाणे ठरवून घ्यावे. ८. व्यायाम झाल्यावर स्टॅमिना रेकवर होण्यासाठी दीर्घ श्वास घेऊन तो जोरात सोदावा. असे साधारण २०-२० चे ३ सेट करायचे. ९. शवसन करव. मी आधीपासून व्यायाम करतोय त्यामुळे मला एवढा व्यायाम सहन होतो. सर्वांना सहन होईलच असा नाही. त्यामुळे आपली प्रकृती लक्षात घेऊन हलू हलू वाढवत न्या. ५ महिन्यामाधे मी ३२ किलो वजन कमी केलाय. ह्या सर्व व्यायाम साधारण २ तासात संपतो. आळस करू नका. सुरुवातीला कंटाळा येतो. पण नंतर हलू हलू परिणाम दिलायला लागले की स्वात्हून उत्साह येतो. ________________ माझ डाएट. १. सकाळी जिम मधून आल्यावर २ पोळ्या + दूध+ २ अंडी आठवड्यातून २ वेळा. (बिस्किट टाळा.) २. मोठा बाऊल मोड आलेली मिश्र कड-धन्य. ______ कंपनी मधे गेल्यावर साधारण दुपारी १ वाजता घरचा डबा ३ पोल्या भाजी. आणि १० मिनिटांचा पॉवर न्याप. ४ वाजता कॉफी २ कप. घरी यायची वेळ साधारण ७.३० ऑर ८.३० ची आहे. मग ९ वाजता जेवण. रात्री चाय जेवणात ३ पोल्या- भाजी, आमटी. आणि जास्तीत जास्त कोशिंबीर. भात आवडत नाही त्यामुळे अजिबात नाही. रात्री ११.३० ला झक्क पैकी झोप. _______ कुठलाही व्यसन नसल्याने मला अजुन फायदा झाला. रविवार चा उत्तम व्यायाम म्हणजे मनसोक्त झोप काढणे. खण्यापिण्याच्या वेळा फिक्स ठेवा. कोणाला अजुन माहिती हवी असेल तर मला नक्की विचारा.

अप्पा जोगळेकर रविवार, 16/12/2012 12:04
तुम्ही खूपच दणकट प्रकॄतीचे आणि निर्व्यसनी मॅचोमॅन आहात तसेच तुम्ही कंपनीमध्ये जाउन कामसुद्धा करता हे कळले. इतका व्यायाम करणारे लोक दिवसभर व्यायामाबद्दलच विचार करत बसतात तसेच अधूनमधून वॉशरुममधे जाऊन आरशात स्वतःची बॉडी न्याहाळत बसणे हा त्यांचा आवडता छंद असतो असे निरीक्षण आहे. काही वर्षांपूर्वी एका व्यक्तीशी माझी पहिल्यांदा भेट झाली आणि मी सहजपणे ,"तुम्ही काय करता?" असा प्रश्न विचारला. त्यावर तितक्याच सहजपणे ,"मी व्यायाम करतो." असे उत्तर त्या इसमाने तितक्याच सहजपणे दिले होते. त्या प्रसंगाची आठवण झाली.

कॅप्टन जॅक स्पॅरो रविवार, 16/12/2012 17:02
दिवसभर बॉडी बीडी बघायला वेळ नाही मिळत हो. फक्त व्यायाम चुकवला तर त्याचे काय दुष्परिणाम होतात ते मी भोगलेले आहेत म्हणून. Compulsive Disorder म्हणलात तरी काही हरकत नाही :).

दादा कोंडके सोमवार, 17/12/2012 14:20
आमच्या ऑफीस मध्ये एक बॉडीबिल्डर होता. कॅंटीन मध्ये दिसायचा. अक्षरशः लहान भावाचा शर्ट घालून यायचा बहुतेक. दोन बटणांमधला शर्टाचा भाग ताणून मधून बनियन दिसायचं इतका तटातट बसणारा शर्ट असायचा तो. प्रत्येक मिनिटाला उजव्या हाताने डावी पुढे आलेली भरदार छाती चाचपून बघायचा. काय बघायचा काय माहीत? बहुतेक त्या मापाचं बनियन मिळत नसल्यामुळे ब्रा घालत असावा आणि तो व्यवस्थित बसलाय का ते चेक करत असावा असं माझा मित्र म्हणाला होता. :)

कॅप्टन जॅक स्पॅरो सोमवार, 17/12/2012 21:12
एकच बाजू पूढे आहे क त्याची? ;)

अनन्न्या सोमवार, 17/12/2012 11:27
सर्व उपाय वाचूनच घाम फुटला आणि त्यामुळे १०० ग्रॅम वजन उतरले.

दिपस्तंभ सोमवार, 17/12/2012 22:57
सर्वात चांगला व्यायाम म्हणजे "पोहणे"..... यामुळे तुमचा चपळ्पणा आणी उत्साह दुप्पट होइल. शीवाय मुक्ख्य म्हणजे वजन ही पद्द्तशीर उतरेल......