गोव्यातली ठिकाणे

अप्रतीम अस्सल गोव्याचे जेवण मिळणारे अजून एक ठिकाण म्हणजे बागा येथील "ब्रिटोज". सी-फूड आवडत असेल तर ब्रिटोज अजिबात चुकवू नये. कलंगूट बीचवर सूझा लोबो हे पण नावाजलेले असले तरी आमच्या मागच्या ट्रिपचा तिथला अनुभव इतका वाईट होता की परत तिकडे पाऊल न ठेवण्याचे ठरवले आहे. असो. वेळ मिळाल्यास उत्तर गोव्यातील अरंबोळ- मांद्रेम - मार्लेम हे बीचेस पण अवश्य पहा.

कोळवा बीच तुलनेत शांत, सभ्य आणि भरपूर वॉटरस्पोर्टस.. मिरामारपासून जवळ नाही पण जाण्यासारखा. (द. गोवा) कोळवा बीचवर संध्याकाळी गेलात तर तिथे लागणार्‍या पोर्टेबल रिक्षा-कन्व्हर्टेड श्वारमा स्टॉलवर गरमागरम धगीवरचा चिकन श्वारमा ट्राय करा (लांबड्या पावात भरुन..) कोळवा बीचवरच वाळूत थेट समुद्रासमोर लाकडी प्लॅटफॉर्मवाल्या शॅक्स आहेत. तिथे रात्र झाली तर बीचकाठीच खालील केंचुकी या हॉटेल / रेस्टॉरंटात उत्तम फेणी आणि फिशकरी आदि जेवणाचा आस्वाद घ्या. महाग अजिबात नाही. शिवाय संध्याकाळ ते रात्र लाईव्ह म्युझिक असतं. फर्माईशीही घेतल्या जातात. कोंकणी गाणी सांगावी. उत्तम मूड लागतो. बाकी स्थलदर्शनाचीही गोव्यात काही कमी नाही. त्यापैकी बरीचशी अनवट ठिकाणं गोव्यातले निवासी सांगतीलच.

हे अतिशय सुंदर बीच आहे

तुम्ही मेरिएटला म्हणजे मिरामार-पणजी इथे रहाणार आहात, तर पाळोळे किनारा जरा लांब होईल. अर्थातच गोव्याच्या एका टोकाहून दुसर्‍या टोकाला एका दिवसात सहज जाऊन येता येतं. वाहन हातात असेल तर प्रश्नच नाही. उत्तर गोव्यात मोरजी मांद्रे पेडणे हरमळ ही किनार्‍यालगत गावे आहेत आणि बीचेसही आहेत. मिरामारला वॉटर स्पोर्ट्स पाहिल्याचं आठवतं. आवडत असेल तर कॅसिनो आणि रिव्हर क्रूज पणजीलाच मिळेल. तुमच्या बरोबरचा गट तरुणांचा आणि मजा करण्यासाठी आलेला असेल असं गृहित धरते. त्यामुळे जास्त कान्याकोपर्‍यातली ठिकाणे सुचवणार नाही. फार तर दूधसागर धबधबा आणि मोलें अभयारण्य हे मोले इथे रिसॉर्टमधे राहून पाहू शकाल. तसंच काणकोणच्या पुढे खोतीगाव अभयारण्य आणि जंगल रिसॉर्ट रहायला छान आहे पण तुम्ही मेरिएटमधेच रहाणार असाल तर तेही लांबच पडेल. तेव्हा प्रवासात जास्त वेळ खर्च करण्यापेक्षा एका दिवसात टूरने जे दाखवतील ते पाहून घ्या किंवा मिरामार कोलवा कलंगुट वगैरे बीचेसवर मजा करा! तुम्ही जे ऑथेंटिक गोव्याचं जेवण म्हणताय ते जरा कठीण आहे. मार्टिन्स कॉर्नर वगैरेसारख्या ठिकाणी जे मिळतं ते पोर्तुगीज किंवा पोर्तुगीज संस्कार झालेलं ख्रिश्चन पद्धतीचं जेवण असतं. त्यातल्या बीफ आणि पोर्कच्या वापरामुळे तसंच व्हिनेगर वगैरे असल्यामुळे गोव्यातले हिंदू लोक आयुष्यात कधीही त्या दिशेने पहातही नाहीत. जर ती टेस्ट डेव्हलप केलेली असेल तर ठीक आहे. पण चोरीसां किंवा सोर्पोटेल खाऊन एखाद्या प्रियोळकराच्या घरात गेलात तर तुम्हाला पडवीत बसवून ठेवतील आणि आंघोळ करून मग घरात घेतील. खरं जे शाकाहारी किंवा मांसाहारी गोव्यातलं जेवण आहे म्हणजे पातोळ्या, मडगणे, कडधान्याचे रोस, आंब्याचं सासव, कुवोळ, नीरफणसाचे काप, डाळीतोय, सोलकढी, माशांमधे आंबशे-तिखशें, उडीदमेथी, हुमण, तळलेले मासे, किसमूर इ. पदार्थ तुम्हाला अशा फाईव्ह स्टार हॉटेलात कधीही मिळणार नाहीत. त्याच नावाचे पदार्थ असले तरी चव काही वेगळीच असेल. असलं जेवण तुम्हाला एखाद्या गोंयकाराच्या घरातच मिळेल किंवा एखाद्या आडरस्त्यावर खानावळीत. तेव्हा त्याच्या जास्त अपेक्षा ठेवू नका! बाकी तुमच्या ट्रीपला शुभेच्छा!

http://www.mumskitchengoa.com/ Mum's Kitchen - अतीशय सुंदर, चवदार आणी अस्सल गोवन. थोडे महाग वाटु शकते, पण गोवा मॅरीअ‍ॅट मध्ये रहाणार्‍यांसाठी नक्कीच महाग नाही.

अरे बापरे...विमानाने जाणार आणि फायु स्टार हॉटेलात राहणार म्हणजे मोठेच साहेब दिसताय. आम्ही एस्टीने गेलो होतो पणजीला तिथली हॉटेले महाग म्हणून मडगावात राहिलो होतो. तुम्हाला आम्ही काय सुचवणार. गवि वगैरेंसारखी श्रीमंत ठिकाणे काय माहित नाही ब्वा! आपला गरीब बंडा मामा