आंब्याचे स्वागत असो....

सहमत :) अमोल

बहुगुणींशी सहमत आणि कलंत्रीसाहेबांच्या पुनरागमनाबद्दल स्वागत! लहानपणी आमच्याकडे एक कोळीण कच्चे आंबे घेऊन येयची. भाव काय असावा यावरून बराच वाद झाल्यावर सुवर्णमध्य साधून आंबे देयची, पाटी लावायला देखील (नको असली तरी) मदत करायची... नंतर एक भैय्या देखील येऊ लागला. रडारड करायचा. भाव खरस बरोबर आहे म्हणून शपथा घेयचा, शेवटी कमी भावात देऊन जायचा. फलटणला आजोळी गावठी आंबे असायचे. त्यांची चव वेगळीच असायची. पण आवडायची. आम्ही त्याचा आंबरस काढून मग आजोबांबरोबर गावातल्या एका आईस्क्रीमच्या छोटाश्या फॅक्टरीत घेऊन जायचो. संध्याकाळी मँगो आईसक्रीमच्या कांड्या घेऊन येयचो आणि भरपूर खायचो.... गेले अनेक वर्षांत भारतात उन्हाळ्यात न आल्याने हापूस खाल्लेला नाही. गेल्याच्या गेल्या वर्षी अमेरीकेत प्रथमच हापूस आला. इथल्या किंमतीत पण बर्‍यापैकी महाग असून दोनदा घेतला... म्हणलं लेकीला खर्‍या आंब्याची चव समजेल :-) म्हणलं तर चांगला निघाला. पण मुर्ती लहान पण किंमत महान असे काहीसे. शिवाय इथे आंब्याला परवानगी देताना तो रेडीएशन मधून घालणे गरजेचे ठरवल्यामुळे त्याची चव थोडी बदलेली वाटली. मग परत कधी घेतले नाहीत. :( हापूसच्या आंब्याचा रस येथे मिळतो खरा, पण त्यात प्रिजर्वेटीव्ह म्हणून साखर घातलेली असते. त्यामुळे जरा जास्तच कृत्रिम गोड लागतो. येथे मेक्सिकन आंबे मिळतात. गेल्या काही वर्षात त्याची चव चांगल्यासाठी बदलेली वाटते. असे कधी कधी वाटते की या लोकांनी हापूसशी कलम वगैरे केले आहे की काय. (हापूस तो हापूस पण याची चव पण चांगली असते).