Skip to main content

पापणी का फडफडते?

लेखक रविंद्र गायकवाड यांनी बुधवार, 16/11/2011 14:47 या दिवशी प्रकाशित केले.
गेले (४-५)काही दिवस झाले माझ्या डाव्या डोळ्याची पापणी थोड्या थोड्या वेळाने सतत फडफडते. म्हणजे अगदी आपोआप हालायला लागते (पुर्णपणे बंद होत नाही, डोळे मारतोय असे समजू नये.) कुणी अपशकुन म्हटले कुणी शकुन म्हणते. तसे असेलच तर पापणी फडफडण्याचे शकुण अपशकुन फले काय आहेत? या मागचे शास्त्रिय कारण काय? आणि एखाद्या विशिष्ठ व्यक्तीची आठवण आल्यावर किंवा नाव ऐकल्यावरच का फडफडते?
वाचने 49835
प्रतिक्रिया 36

प्रतिक्रिया

अविनाशकुलकर्णी बुधवार, 16/11/2011 14:51
पापणी वरुन आंगठी फिरवा.. विवाहित स्त्रीया मंगळ सुत्राच्या वाट्या उलट्या करुन फिरवतात.. काहि दोष असेल तर दुर होईल. .....

रविंद्र गायकवाड बुधवार, 16/11/2011 14:57
मी पुढील उपाय केले आहेत. पण काही वेळने परत होते. सोन्याचा स्पर्श करणे. डोळे घट्ट बंद करणे. तोंड धुताना मुद्दम साबन डोळ्यात जाऊ देने. पापणिला चिमटे घेणे. कागदाचा एक तुकडा थुंकी लावून चिकटवने. (काही वेळा तर कागद चिटकवूनही फडफडत राहते.) अर्थात हा काही खूप त्रासदायक प्रकार नाही. फक्त या मागचे बायोफिकल किंवा मेडिकल कारण जाणून घेण्याची इच्छा झाली आहे एवढेच.

रविंद्र गायकवाड बुधवार, 16/11/2011 15:00
मा़झ्या एका प्रिय व्यक्तीच्या मते जेव्हा जेव्हा माझ्यावर मोठे संकट आले त्याच्या काही दिवस आधी त्या व्यक्तीची पापणी फडफडत असे. या वेळी असे झाले की त्यांची आणि माझी पापणी फ़डफडणे एकाच वेळी चालू झाले कालपासून त्यांचे बंद झाले आणि माझे वाढले.

चिरोटा बुधवार, 16/11/2011 15:22
मा़झ्या एका प्रिय व्यक्तीच्या मते जेव्हा जेव्हा माझ्यावर मोठे संकट आले त्याच्या काही दिवस आधी त्या व्यक्तीची पापणी फडफडत असे
म्हणजे त्यांना चाहूल लागते तर संकटाची. जास्त बाहेर पडू नका. रात्री झोपताना दरवाजे,कड्या नीट लावा. रस्ता क्रॉस करताना सांभाळून. सात तास झोपा आरामात.
विवाहित स्त्रीया मंगळ सुत्राच्या वाट्या उलट्या करुन फिरवतात..
विवाहित स्त्रियांनी परपुरुषाच्या पापणीवरून वाट्या उलट्या करुन फिरवलेल्या चालतात का?

गार्गी_नचिकेत बुधवार, 16/11/2011 15:07
साधारणपणे, शरीरतील वात वाढला असेल तर पापणी फडफडते. शरीरातील कोणत्या भागात वात साठून राहीला आहे, यावरही वाताचे ल़क्षण आवलंबून असते. उदा: हातात किंवा पायात वात साठला असेल, तर त्या भागात गोळा येतो. पोटात असेल तर पोट, छातीत असेल तर छातीत दुखते. तसेच, डोळ्याच्या आसपास वात जमला असेल, तर डोळ्याची पापणी फडफडते, अशी ही एक विचार धारा आहे.

धमाल मुलगा बुधवार, 16/11/2011 16:01
जरुर! (म्हणजे अवश्य अश्या अर्थानं!) फक्त नव्या बाटलीतली जुनी दारु नक्की कोणती आहे ते कळालं की उपाय ठरवता येईळ. :) कशें?

प्रा.डॉ.दिलीप बिरुटे बुधवार, 16/11/2011 16:16
वातप्रकोप. नक्की हेच कारण असणार. लिखाणातूनही थोडंबहूत जाणवतंय. धमु, काही उपचार आम्हाला करावे लागणार असे दिसते. ;) -दिलीप बिरुटे

नगरीनिरंजन बुधवार, 16/11/2011 20:18
वैद्य धमुंनी बरोबर नाडी पकडली आहे. आता वेळीच ओढा म्हणजे आळा बसेल. :)

मदनबाण बुधवार, 16/11/2011 15:18
जालावरील काही आयडींना पण अशी वायुबाधा होते...योग्य निदान होताच, त्यांची फडफड कायमची बंद होते असे माझ्या बघण्यात आहे. बाकी चालु द्या...

विनायक प्रभू बुधवार, 16/11/2011 15:21
घरात कुणी लहान मुलगा नाही का? उपाय सांगतो. व्य. नी करा.

धमाल मुलगा बुधवार, 16/11/2011 15:40
त्पापणी''पापणी' फडफडण्यावरचा उपाय हवा आहे. ;) प्रभूविद्या देऊ नका. ;)

सर्वसाक्षी बुधवार, 16/11/2011 15:31
रक्तदाब मोजा डॉक्टरला गाठा योग्य ते निदान व उपचार करुन घ्या वेळ घालवु नका.

गणपा बुधवार, 16/11/2011 15:49
फडफडण्या मागचे शास्त्रीय मलाही जाणुन घ्यायचे आहे. माझ्या ओळखीतल्या एका व्यक्तीला हा फडफडण्याचा त्रास आहे. गंमत म्हणजे हे फडफडणे केवळ भुवई/पापणी/डोळा पुरता मर्यादीत नाही. बिचार्‍याचा कुठलाही अवयव कसलीही पुर्वसुचना दिल्या बीगर कधीही फडफडू लागतो.

गवि बुधवार, 16/11/2011 16:02
बरं.. कोणी डॉक्टर येईस्तोवर हे पहा या प्राथमिक निदानासाठी डॉक्टरची गरज नाही. जास्त काळ आणि नवनवी लक्षणे वाटल्यास किंवा एकूण काळजी फार वाटल्यास मात्र दाखवा डॉ.ला. याहून वाईट कारणे अत्यंतच वाईट आणि तितकीच अत्यंत रेअर असल्याने त्यांचा विचार अन उगाच काळजी पहिल्या एकदोन आठवड्यातच करायची गरज नाही..

गणपा बुधवार, 16/11/2011 16:25
धन्यवाद गवि, तुम्ही दिलेला दुवा मित्रास धाडत आहे. तसा डॉक्टरकडे जाण्याचा सल्ला मी त्याला आधिच दिला आहे. पण नुसतेच फडफडणे आहे त्यासाठी डॉक्टर कशाला असे त्याच म्हणणे आहे.

विजुभाऊ बुधवार, 16/11/2011 19:51
गंमत म्हणजे हे फडफडणे केवळ भुवई/पापणी/डोळा पुरता मर्यादीत नाही. बिचार्‍याचा कुठलाही अवयव कसलीही पुर्वसुचना दिल्या बीगर कधीही फडफडू लागतो. नॉ कॉमेन्ट्स =)) =))

५० फक्त बुधवार, 16/11/2011 16:08
पापणी फडफडणं हे मोक्ष मिळण्याची पहिली पायरी आहे, काही काळजी करु नका. फक्त मोक्ष मिळाला की इथं अपडेट करा म्हणजे झालं.

सोत्रि बुधवार, 16/11/2011 18:01
पापणी फडफडणं हे मोक्ष मिळण्याची पहिली पायरी आहे
चोक्कस! - (पापणी न फडफडणारा पक्षी मोक्षप्राप्तीस मुकलेला) सोकाजी :(

आत्मशून्य बुधवार, 16/11/2011 17:19
माझ्या पूरत म्हणाल तर ज्याबाजूची पापणी फडफडतै तीकडे तूम्हाला पॅरालीसीस होणार हे नक्की ;)

lakhu risbud बुधवार, 16/11/2011 20:56
(मुंबईत रहात असाल तर) मुंबई सोडा !

मीली बुधवार, 16/11/2011 21:15
माझ्या पण नवर्याची पापणी फडफडते ..मग तो पण कधी कधी विचार करतो कि काही वाईट तर होणार नाही ना! खरे मला तर काही पटत नाही ..पण असे ऐकून मनात पाल चुकचुकते कि सगळे नीट घडायला हवे ..बरीच माहिती मिळाली या धाग्यावर....ती सांगून बघते..धन्यवाद !

मोहनराव बुधवार, 16/11/2011 21:59
मलाही असेच होते आहे गेले काही महिने.. अनियमित झोप, पाणी कमी पिणे, जास्त कॉफी पिणे हि कारणे आहेत असा मला आंतरजालावरुन कळाले व मी यावर नियंत्रण केले व त्याचा उपयोग झाला.

सूड गुरुवार, 17/11/2011 10:03
अतिशय माहितीपूर्ण धागा !! याहून अधिक माहितीसाठी लतादीदींचं 'माजो लवतांय डावां डोळां' हे गाणं ऐका. चित्रपट महानंदा'

भास्कर केन्डे शनिवार, 19/11/2011 16:00
धागा वाचून पापण्यांच्या विज्ञानासोबतच सर्वंकष कारण मिमांसा काय असते हे ही शिकलो. प्रभो, धन्य हो!